ਮਯੰਕ ਯਾਦਵ ਦਾ ਹੈਲਥ ਅਪਡੇਟ ਆਇਆ ਸਾਹਮਣੇ,  ਅਜੇ ਇੰਨੇ ਹਫਤਿਆਂ ਤੱਕ ਨਹੀਂ ਦਿਸਣਗੇ ਮੈਦਾਨ ''ਤੇ

ਲਖਨਊ— ਪੇਟ ਦਰਦ ਤੋਂ ਪੀੜਤ ਲਖਨਊ ਸੁਪਰ ਜਾਇੰਟਸ (ਐੱਲ. ਐੱਸ. ਜੀ.) ਦੇ ਤੇਜ਼ ਗੇਂਦਬਾਜ਼ ਮਯੰਕ ਯਾਦਵ ਨੂੰ ਫਿਲਹਾਲ ਮੈਦਾਨ 'ਤੇ ਉਸ ਦੇ ਪ੍ਰਸ਼ੰਸਕ ਐਕਸ਼ਨ 'ਚ ਨਹੀਂ ਦੇਖ ਸਕਣਗੇ। ਗੁਜਰਾਤ ਦੇ ਖਿਲਾਫ ਮੈਚ 'ਚ ਮਯੰਕ ਨੇ ਸਿਰਫ ਇਕ ਓਵਰ ਸੁੱਟਿਆ ਸੀ ਤਾਂ ਉਹ ਪਰੇਸ਼ਾਨ ਨਜ਼ਰ ਆਏ। ਇਸ ਤੋਂ ਬਾਅਦ ਉਹ ਵਾਪਸ ਆ ਗਿਆ। ਮੰਨਿਆ ਜਾ ਰਿਹਾ ਹੈ ਕਿ ਹੁਣ ਟੀਮ ਮੈਨੇਜਮੈਂਟ ਨੇ ਉਨ੍ਹਾਂ ਨੂੰ ਘੱਟੋ-ਘੱਟ ਇਕ ਹਫਤੇ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ।

ਐਲਐਸਜੀ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਹੈ ਕਿ ਮਯੰਕ ਦੇ ਪੇਟ ਦੇ ਹੇਠਲੇ ਹਿੱਸੇ ਵਿੱਚ ਸੋਜ ਹੈ। ਸਾਵਧਾਨੀ ਵਜੋਂ, ਅਸੀਂ ਅਗਲੇ ਹਫ਼ਤੇ ਤੱਕ ਉਸਦੇ ਕੰਮ ਦੇ ਬੋਝ ਦਾ ਪ੍ਰਬੰਧਨ ਕਰ ਰਹੇ ਹਾਂ। ਉਮੀਦ ਹੈ ਕਿ ਅਸੀਂ ਉਸ ਨੂੰ ਜਲਦੀ ਹੀ ਮੈਦਾਨ 'ਤੇ ਦੇਖ ਸਕਾਂਗੇ। ਜ਼ਿਕਰਯੋਗ ਹੈ ਕਿ ਲਖਨਊ ਦੇ ਏਕਾਨਾ ਸਟੇਡੀਅਮ 'ਚ ਗੁਜਰਾਤ ਟਾਈਟਨਸ ਦੇ ਖਿਲਾਫ ਪਿਛਲੇ ਮੈਚ 'ਚ ਮਯੰਕ ਪੇਟ 'ਚ ਦਰਦ ਕਾਰਨ ਆਪਣਾ ਪੂਰਾ ਸਪੈਲ ਨਹੀਂ ਸੁੱਟ ਕਰ ਸਕੇ ਸਨ। ਲਖਨਊ ਨੇ ਇਹ ਮੈਚ ਗੁਜਰਾਤ ਤੋਂ ਆਸਾਨੀ ਨਾਲ ਜਿੱਤ ਲਿਆ ਸੀ।

ਮਯੰਕ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਦੇ ਮੌਜੂਦਾ ਸੀਜ਼ਨ 'ਚ ਐੱਲ.ਐੱਸ.ਜੀ. ਨਾਲ ਆਪਣਾ ਡੈਬਿਊ ਕੀਤਾ ਸੀ ਅਤੇ ਆਪਣੀ ਰਫਤਾਰ ਨਾਲ ਪੂਰੀ ਦੁਨੀਆ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਕ੍ਰਿਕਟ ਦੇ ਦਿੱਗਜ ਉਸ ਨੂੰ ਭਾਰਤੀ ਟੀਮ ਵਿੱਚ ਸ਼ਾਮਲ ਕਰਨ ਦੀ ਸਲਾਹ ਦੇ ਰਹੇ ਹਨ ਪਰ ਇਸ ਦੌਰਾਨ ਉਹ ਫਿਟਨੈਸ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਲਖਨਊ ਨੇ ਆਪਣਾ ਅਗਲਾ ਮੈਚ ਦਿੱਲੀ ਕੈਪੀਟਲਸ ਦੇ ਖਿਲਾਫ 12 ਅਪ੍ਰੈਲ ਨੂੰ ਲਖਨਊ 'ਚ ਹੀ ਖੇਡਣਾ ਹੈ।

ਲਖਨਊ ਲਈ ਸੈਸ਼ਨ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਜਦੋਂ ਉਸ ਨੂੰ ਪਹਿਲੇ ਹੀ ਮੈਚ 'ਚ ਰਾਜਸਥਾਨ ਰਾਇਲਜ਼ ਤੋਂ 20 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪਰ ਇਸ ਤੋਂ ਬਾਅਦ ਲਖਨਊ ਨੇ ਲਗਾਤਾਰ ਤਿੰਨ ਮੈਚ ਜਿੱਤੇ। ਟੀਮ ਨੇ ਪੰਜਾਬ ਕਿੰਗਜ਼ ਖਿਲਾਫ 21 ਦੌੜਾਂ, ਬੈਂਗਲੁਰੂ ਖਿਲਾਫ 28 ਦੌੜਾਂ ਅਤੇ ਗੁਜਰਾਤ ਖਿਲਾਫ 33 ਦੌੜਾਂ ਨਾਲ ਜਿੱਤ ਦਰਜ ਕੀਤੀ।