ਜੋਤੀ ਆਸਟ੍ਰੇਲੀਆ ਵਿੱਚ ਜੂਨੀਅਰ ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਕਰੇਗੀ ਅਗਵਾਈ

ਨਵੀਂ ਦਿੱਲੀ- ਡਿਫੈਂਡਰ ਜੋਤੀ ਸਿੰਘ 23 ਮੈਂਬਰੀ ਭਾਰਤੀ ਜੂਨੀਅਰ ਮਹਿਲਾ ਹਾਕੀ ਟੀਮ ਦੀ ਅਗਵਾਈ ਕਰੇਗੀ, ਜੋ 26 ਸਤੰਬਰ ਤੋਂ 2 ਅਕਤੂਬਰ ਤੱਕ ਕੈਨਬਰਾ ਦੇ ਨੈਸ਼ਨਲ ਹਾਕੀ ਸੈਂਟਰ ਵਿੱਚ ਪੰਜ ਮੈਚ ਖੇਡਣ ਲਈ ਆਸਟ੍ਰੇਲੀਆ ਦਾ ਦੌਰਾ ਕਰੇਗੀ। ਭਾਰਤੀ ਟੀਮ ਆਸਟ੍ਰੇਲੀਆਈ ਜੂਨੀਅਰ ਮਹਿਲਾ ਟੀਮ ਵਿਰੁੱਧ ਤਿੰਨ ਮੈਚ ਖੇਡੇਗੀ। ਇਸ ਤੋਂ ਬਾਅਦ, ਉਹ ਆਸਟ੍ਰੇਲੀਆ ਦੀ ਹਾਕੀ ਵਨ ਲੀਗ ਵਿੱਚ ਹਿੱਸਾ ਲੈਣ ਵਾਲੇ ਕਲੱਬ ਕੈਨਬਰਾ ਚਿਲ ਵਿਰੁੱਧ ਦੋ ਮੈਚ ਖੇਡਣਗੀਆਂ। 

ਇਹ ਦੌਰਾ ਦਸੰਬਰ ਵਿੱਚ ਚਿਲੀ ਦੇ ਸੈਂਟੀਆਗੋ ਵਿੱਚ ਹੋਣ ਵਾਲੇ FIH ਹਾਕੀ ਮਹਿਲਾ ਜੂਨੀਅਰ ਵਿਸ਼ਵ ਕੱਪ 2025 ਦੀ ਤਿਆਰੀ ਲਈ ਮਹੱਤਵਪੂਰਨ ਹੋਵੇਗਾ। ਭਾਰਤੀ ਟੀਮ ਵਿੱਚ ਨਿਧੀ ਅਤੇ ਏਂਗਿਲ ਹਰਸ਼ਾ ਰਾਣੀ ਮਿੰਜ ਗੋਲਕੀਪਰ ਹੋਵੇਗੀ, ਜਦੋਂ ਕਿ ਡਿਫੈਂਸ ਵਿੱਚ ਮਨੀਸ਼ਾ, ਜੋਤੀ, ਲਾਲਥੰਤੁਲੰਗੀ, ਮਮਿਤਾ ਓਰਾਮ, ਸਾਕਸ਼ੀ ਸ਼ੁਕਲਾ, ਪੂਜਾ ਸਾਹੂ ਅਤੇ ਨੰਦਨੀ ਸ਼ਾਮਲ ਹੋਣਗੇ। ਮਿਡਫੀਲਡ ਵਿੱਚ ਪ੍ਰਿਯੰਕਾ ਯਾਦਵ, ਸਾਕਸ਼ੀ ਰਾਣਾ, ਖਾਦੇਮ ਸ਼ਿਲੇਮਾ ਚਾਨੂ, ਰਜਨੀ ਕੇਰਕੇਟਾ, ਬਿਨਿਮਾ ਧਨ, ਇਸ਼ੀਕਾ, ਸੁਨੇਲਿਤਾ ਟੋਪੋ ਅਤੇ ਅਨੀਸ਼ਾ ਸਾਹੂ ਸ਼ਾਮਲ ਹਨ, ਜਦੋਂ ਕਿ ਫਾਰਵਰਡ ਲਾਈਨ ਵਿੱਚ ਲਾਲਰਿਨਪੁਈ, ਨਿਸ਼ਾ ਮਿੰਜ, ਪੂਰਨਿਮਾ ਯਾਦਵ, ਸੋਨਮ, ਕਨਿਕਾ ਸਿਵਾਚ ਅਤੇ ਸੁਖਵੀਰ ਕੌਰ ਸ਼ਾਮਲ ਹਨ।