ਜਵਾਲਾ ਗੁੱਟਾ ਨੇ ਕੋਚ ਦੀ ਨਵੀਂ ਭੂਮਿਕਾ ''ਤੇ ਕਿਹਾ, ਡਬਲ ''ਚ ਕਰਨਾ ਚਾਹੁੰਦੀ ਹਾਂ ਸੁਧਾਰ

ਹੈਦਰਾਬਾਦ— ਹਾਲ ਹੀ 'ਚ ਮਹਿਲਾ ਡਬਲ ਕੋਚ ਨਿਯੁਕਤ ਹੋਈ ਜਵਾਲਾ ਗੁੱਟਾ ਭਾਰਤੀ ਬੈਡਮਿੰਟਨ 'ਚ ਡਬਲ ਖਿਡਾਰੀਆਂ ਦੀ ਦਸ਼ਾ ਤੋਂ ਖੁਸ਼ ਨਹੀਂ ਹੈ ਅਤੇ ਉਸ ਨੇ ਕਿਹਾ ਕਿ ਉਹ ਨਵੀਂ ਭੂਮਿਕਾ 'ਚ ਉਨ੍ਹਾਂ 'ਤੇ ਧਿਆਨ ਲਗਾਉਣਾ ਚਾਹੁੰਦੀ ਹੈ। ਜਵਾਲਾ ਨੇ ਇੱਥੇ ਪੀ. ਟੀ. ਆਈ. ਨੂੰ ਕਿਹਾ ਕਿ ਮੈਂ ਖੇਡ ਦੀ ਬਿਹਤਰੀ ਦੇਖਣਾ ਚਾਹੁੰਦੀ ਹਾਂ। ਮੈਂ ਹਮੇਸ਼ਾਂ ਡਬਲ ਦੇ ਬਾਰੇ 'ਚ ਗੱਲ ਕਰਦੀ ਹਾਂ। ਨਵਾਂ ਪ੍ਰਸ਼ਾਸਨ ਮੈਨੂੰ ਬੋਰਡ 'ਚ ਲੈਣਾ ਚਾਹੁੰਦਾ ਹਾਂ, ਮੈਂ ਖੁਸ਼ ਹਾਂ। ਪ੍ਰਧਾਨ ਹਿਮਾਂਤ ਵਿਸ਼ਵ ਸ਼ਰਮਾ ਸਾਰਿਆਂ ਦੇ ਵਿਚਾਰਾਂ ਦੇ ਪ੍ਰਤੀ ਸਕਾਰਾਤਮਕ ਹਨ। ਸਾਲ 2011 ਵਿਸ਼ਵ ਚੈਂਪੀਅਨਸ਼ਿਪ ਦੀ ਕਾਂਸੀ ਤਮਗਾ ਜਵਾਲਾ ਨੂੰ ਭਾਰਤੀ ਬੈਡਮਿੰਟਨ ਸੰਘ ਨੇ ਮਹਿਲਾ ਡਬਲ ਲਈ ਕੋਚ ਚੁਣਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਬੈਡਮਿੰਟਨ 'ਚ ਸਿੰਗਲ ਖਿਡਾਰੀ ਕਾਫੀ ਚੰਗਾ ਪ੍ਰਦਰਸ਼ਨ ਕਰ ਰਹੇ ਹਨ। ਉਨ੍ਹਾਂ ਦੇ ਸਾਹਮਣੇ ਡਬਲ ਕਿਤੇ ਵੀ ਨਹੀਂ ਹੈ। ਮੈਂ ਡਬਲ ਪ੍ਰਮੋਟ ਕਰਨਾ ਚਾਹੁੰਦੀ ਹਾਂ ਲੋਕਾਂ ਅਤੇ ਮੀਡੀਆ ਨੂੰ ਡਬਲ ਦੇ ਬਾਰੇ 'ਚ ਦੱਸਣਾ ਚਾਹੁੰਦੀ ਹਾਂ। ਕਈ ਵਾਰ ਦੀ ਰਾਸ਼ਟਰੀ ਡਬਲ ਚੈਂਪੀਅਨ ਜਵਾਲਾ ਨੇ ਕਿਹਾ ਕਿ ਡਬਲ 'ਚ ਉਚਿਤ ਸੁਵਿਧਾਵਾਂ ਨਹੀਂ ਹਨ, ਇਸ ਨੂੰ ਵਧਾਵਾ ਨਹੀਂ ਦਿੱਤਾ ਜਾਂਦਾ। ਉਨ੍ਹਾਂ ਨੇ ਕਿਹਾ ਕਿ ਉਭਰਦੇ ਹੋਏ ਸ਼ਟਲਰ ਸਿੰਗਲ 'ਚ ਖੇਡਣ ਲਈ ਜ਼ਿਆਦਾ ਬੇਤਾਬ ਹਨ। ਉਹ ਦੇਸ਼ 'ਚ ਘੱਟ ਤੋਂ ਘੱਟ 5 ਮਜ਼ਬੂਤ ਜੋੜੀਆਂ ਦੇਖਣਾ ਚਾਹੁੰਦੀ ਹੈ। ਜਵਾਲਾ ਨੇ ਅਜੇ ਤੱਕ ਖੇਡ ਤੋਂ ਸੰਨਿਆਸ ਲੈਣ ਦਾ ਐਲਾਨ ਨਹੀਂ ਕੀਤਾ ਹੈ, ਉਨ੍ਹਾਂ ਨੇ ਕਿਹਾ ਕਿ ਮੈਂ ਅਜੇ ਤੱਕ ਵਿਚਾਰ ਕਰ ਰਹੀ ਹਾਂ ਅਤੇ ਮੈਂ ਜਲਦ ਹੀ ਫੈਸਲਾ ਕਰਾਂਗੀ। ਇਸ 33 ਸਾਲਾ ਖਿਡਾਰੀ ਨੇ ਹਾਲਾਂਕਿ ਕਿਹਾ ਕਿ ਉਸ ਨੂੰ ਸੱਟ ਸੰਬੰਧਿਤ ਕੋਈ ਪਰੇਸ਼ਾਨੀ ਨਹੀਂ ਹੈ।