ਜੇਮਿਮਾ ਨੇ ਮੈਚ ਤੋਂ ਪਹਿਲਾਂ ਮਹਿਲਾ ਸਿਕਿਓਰਿਟੀ ਗਾਰਡ ਨਾਲ ਕੀਤਾ ਡਾਂਸ, Video ਵਾਇਰਲ
02/27/2020 3:45:22 PM
ਮੈਲਬੋਰਨ : ਭਾਰਤੀ ਟੀਮ ਹੁਣ ਤਕ ਮਹਿਲਾ ਟੀ-20 ਵਰਲਡ ਕੱਪ ਵਿਚ ਬਹੁਤ ਹੀ ਸ਼ਾਨਦਾਰ ਪ੍ਰਦਰਸ਼ਨ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਦਾ ਟੀਮ ਦੇ ਖਿਡਾਰੀ ਵੀ ਮਜ਼ਾ ਲੈ ਰਹੇ ਹਨ। ਭਾਰਤੀ ਮਹਿਲਾ ਟੀਮ ਦੀ ਨੌਜਵਾਨ ਬੱਲੇਬਾਜ਼ ਜੇਮਿਮਾ ਰੋਡਿ੍ਰਗਜ਼ ਮੈਦਾਨ ਤੋਂ ਬਾਹਰ ਵੀ ਖਬਰਾਂ ਵਿਚ ਬਣੀ ਰਹਿੰਦੀ ਹੈ। ਹੁਣ ਨਿਊਜ਼ੀਲੈਂਡ ਖਿਲਾਫ ਮੈਚ ਤੋਂ ਪਹਿਲਾਂ ਉਹ ਮਹਿਲਾ ਸੁਰੱਖਿਆ ਕਰਮਚਾਰੀ ਦੇ ਨਾਲ ਡਾਂਸ ਕਰਦੀ ਦਿਸੀ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਭਾਰਤੀ ਟੀਮ ਦੀ ਧਾਕੜ ਬੱਲੇਬਾਜ਼ ਜੇਮਿਮਾ ਰੋਡਿ੍ਰਗਜ਼ ਨੂੰ ਆਲਰਾਊਂਡਰ ਮੰਨਿਆ ਜਾਂਦਾ ਹੈ। ਉਹ ਮੈਦਾਨ ’ਤੇ ਤੂਫਾਨੀ ਬੱਲੇਬਾਜ਼ੀ ਤਾਂ ਕਰਦੀ ਹੀ ਹੈ ਨਾਲ ਮੈਦਾਨ ਤੋਂ ਬਾਹਰ ਵੀ ਆਪਣੀ ਟੀਮ ਦੀ ਸਭ ਤੋਂ ਮਜ਼ਾਕੀਆ ਮੰਨੀ ਜਾਂਦੀ ਹੈ। ਜੇਮਿਮਾ ਕ੍ਰਿਕਟ ਤੋਂ ਇਲਾਵਾ ਬਾਸਕਟਬਾਲ, ਹਾਕੀ ਅਤੇ ਫੁੱਟਬਾਲ ਵੀ ਖੇਡਦੀ ਹੈ। ਉੱਥੇ ਹੀ ਖੇਡ ਤੋਂ ਇਲਾਵਾ ਸੰਗੀਤ ਵਿਚ ਵੀ ਉਸ ਦੀ ਖਾਸ ਰੂਚੀ ਹੈ। ਉਹ ਗਿਟਾਰ ਵਜਾਉਂਦੀ ਅਤੇ ਸਾਥੀ ਖਿਡਾਰੀਆਂ ਦੇ ਨਾਲ ਗਾਣਾ ਗਾਉਂਦੇ ਹੋਏ ਕਈ ਵੀਡੀਓ ਅਪਲੋਡ ਕਰ ਚੁੱਕੀ ਹੈ।
Yes, @JemiRodrigues! 💃💃
— ICC (@ICC) February 27, 2020
Busting moves with an off-duty security guard at the #T20WorldCup pic.twitter.com/ehUdGQc3QV
ਉਹ ਫਿਲਹਾਲ ਟੀਮ ਇੰਡੀਆ ਦੇ ਨਾਲ ਆਸਟਰੇਲੀਆ ਵਿਚ ਮਹਿਲਾ ਟੀ-20 ਵਰਲਡ ਕੱਪ ਖੇਡ ਰਹੀ ਹੈ। ਜੇਮਿਮਾ ਇੱਥੇ ਵੀ ਪਿੱਛੇ ਨਹÄ ਹਟੀ ਅਤੇ ਆਪਣਾ ਡਾਂਸ ਕਰਨ ਦਾ ਹੁਨਰ ਦਿਖਾਇਆ। ਆਈ. ਸੀ. ਸੀ. ਦੀ ਸ਼ੇਅਰ ਕੀਤੀ ਗਈ ਵੀਡੀਓ ਵਿਚ ਨਾ ਸਿਰਫ ਜੇਮਿਮਾ ਖੁਦ ਨੱਚੀ ਸਗੋਂ ਮਹਿਲਾ ਸਿਕਿਓਰਿਟੀ ਗਾਰਡ ਨੂੰ ਵੀ ਨਾਲ ਨਚਾਇਆ। ਇਸ ਵੀਡੀਓ ਵਿਚ ਉਹ ਸਾਰਾ ਅਲੀ ਖਾਨ ਅਤੇ ਕਾਰਤਿਕ ਆਰਿਅਨ ਦੀ ਫਿਲਮ ਲਵ ਅੱਜ ਕਲ ਦੇ ਗਾਣੇ ‘ਟਵਿਸਟ’ ’ਤੇ ਡਾਂਸ ਕਰ ਰਹੀ ਸੀ, ਜਿਸ ਦਾ ਹੁਕ ਸਟੇਪ ਜੇਮਿਮਾ ਨੇ ਗਾਰਡ ਨੂੰ ਵੀ ਸਿਖਾਇਆ। ਇਸ ਵੀਡੀਓ ਨੂੰ ਪ੍ਰਸ਼ੰਸਕ ਕਾਫੀ ਪਸੰਦ ਕਰ ਰਹੇ ਹਨ।
ਜੇਮਿਮਾ ਦੇ ਨਾਂ ਹਨ ਕਈ ਰਿਕਾਰਡ
ਮਹਿਲਾ ਟੀ-20 ਵਰਲਡ ਕੱਪ ਵਿਚ ਟਾਪ ਆਰਡਰ ਵਿਚ ਬੱਲੇਬਾਜ਼ੀ ਕਰਨ ਵਾਲੀ ਜੇਮਿਮਾ ਨੇ ਹੁਣ ਤਕ ਦੋ ਮੈਚਾਂ ਵਿਚ ਚੰਗੀਆਂ ਪਾਰੀਆਂ ਖੇਡੀਆਂ। ਜਿੱਥੇ ਆਸਟਰੇਲੀਆ ਖਿਲਾਫ ਉਸ ਨੇ 33 ਗੇਂਦਾਂ ਵਿਚ 26 ਦੌੜਾਂ ਬਣਾਈਆਂ ਸੀ, ਉੱਥੇ ਹੀ ਬੰਗਲਾਦੇਸ਼ ਖਿਲਾਫ ਉਹ 37 ਗੇਂਦਾਂ ਵਿਚ 34 ਦੌੜਾਂ ਬਣਾ ਕੇ ਰਨਆਊਟ ਹੋਈ ਸੀ। ਸਿਰਫ 17 ਸਾਲ ਦੀ ਉਮਰ ਵਿਚ ਭਾਰਤੀ ਟੀਮ ਵਿਚ ਡੈਬਿਊ ਕਰਨ ਵਾਲੀ ਜੇਮਿਮਾ ਨੇ ਆਪਣੇ ਛੋਟੇ ਕ੍ਰਿਕਟ ਕਰੀਅਰ ਵਿਚ ਹੀ ਕਈ ਵੱਡੇ ਰਿਕਾਰਡ ਆਪਣੇ ਨਾਂ ਕਰ ਲਏ ਹਨ।