ਜੈਪੁਰ ਪੋਲੋ ਟੀਮ ਨੇ ਫਾਈਨਲ ''ਚ ਬਣਾਈ ਜਗ੍ਹਾ

ਸਪੋਰਟਸ ਡੈਸਕ- ਜੈਪੁਰ ਪੋਲੋ ਟੀਮ ਨੇ ਇੱਕ ਬੇਹੱਦ ਰੋਮਾਂਚਕ ਸੈਮੀਫਾਈਨਲ ਮੁਕਾਬਲੇ ਵਿੱਚ ਆਪਟੀਮਸ ਅਚੀਵਰਸ ਨੂੰ 8-7 ਨਾਲ ਹਰਾ ਕੇ 'ਕੋਗਨੀਵੇਰਾ ਪੋਲੋ ਕੱਪ' ਦੇ ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਮੈਚ ਦੇ ਚਾਰੋਂ ਚੱਕਰਾਂ ਦੌਰਾਨ ਦੋਵਾਂ ਟੀਮਾਂ ਵਿਚਾਲੇ ਕਾਂਟੇ ਦੀ ਟੱਕਰ ਦੇਖਣ ਨੂੰ ਮਿਲੀ। 

ਜੈਪੁਰ ਦੀ ਜਿੱਤ ਵਿੱਚ ਉਨ੍ਹਾਂ ਦੇ ਸੰਤੁਲਿਤ ਹਮਲੇ ਨੇ ਅਹਿਮ ਭੂਮਿਕਾ ਨਿਭਾਈ, ਜਿਸ ਵਿੱਚ ਐਚ.ਐਚ. ਮਹਾਰਾਜਾ ਸਵਾਈ ਪਦਮਨਾਭ ਸਿੰਘ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਸਭ ਤੋਂ ਵੱਧ 5 ਗੋਲ ਕੀਤੇ, ਜਦਕਿ ਲਾਂਸ ਵਾਟਸਨ ਨੇ 3 ਗੋਲ ਕਰਕੇ ਉਨ੍ਹਾਂ ਦਾ ਭਰਪੂਰ ਸਾਥ ਦਿੱਤਾ। ਹੁਣ ਫਾਈਨਲ ਵਿੱਚ ਜੈਪੁਰ ਪੋਲੋ ਟੀਮ ਦਾ ਸਾਹਮਣਾ 'ਵੀ ਪੋਲੋ' (V Polo) ਨਾਲ ਹੋਵੇਗਾ।