ਪ੍ਰੋ ਕਬੱਡੀ ਲੀਗ : ਜੈਪੁਰ ਸ਼ਾਨਦਾਰ ਜਿੱਤ ਨਾਲ ਚੋਟੀ ''ਤੇ

ਅਹਿਮਦਾਬਾਦ— ਜੈਪੁਰ ਪਿੰਕ ਪੈਂਥਰਸ ਨੇ ਗੁਜਰਾਤ ਫਾਰਚਿਊਨ ਜਾਇੰਟਸ ਨੂੰ ਸ਼ੁੱਕਰਵਾਰ ਨੂੰ 22-19 ਨਾਲ ਹਰਾ ਕੇ ਪ੍ਰੋ ਕਬੱਡੀ ਲੀਗ ਦੀ ਅੰਕ ਸੂਚੀ 'ਚ ਚੋਟੀ ਦਾ ਸਥਾਨ ਹਾਸਲ ਕੀਤਾ। ਇਕ ਹੋਰ ਮੁਕਾਬਲੇ 'ਚ ਯੂ-ਮੁੰਬਾ ਨੇ ਪਟਨਾ ਪਾਈਰੇਟਸ ਨੂੰ 34-30 ਨਾਲ ਹਰਾਇਆ। ਜੈਪੁਰ ਦੀ 7 ਮੈਚਾਂ 'ਚ ਇਹ ਛੇਵੀਂ ਜਿੱਤ ਹੈ ਅਤੇ ਉਸ ਦੇ 30 ਅੰਕ ਹੋ ਗਏ ਹਨ। 

ਦੂਜੇ ਪਾਸੇ ਗੁਜਰਾਤ ਦੀ 9 ਮੈਚਾਂ 'ਚ ਇਹ ਛੇਵੀਂ ਹਾਰ ਹੈ ਅਤੇ ਉਹ 20 ਅੰਕਾਂ ਸਕੋਰ ਬੋਰਡ 'ਚ ਅੱਠਵੇਂ ਸਥਾਨ 'ਤੇ ਹੈ। ਮੁੰਬਈ ਨੇ ਅੱਠ ਮੈਚਾਂ 'ਚ ਆਪਣੀ ਚੌਥੀ ਜਿੱਤ ਹਾਸਲ ਕੀਤੀ ਅਤੇ ਉਹ 23 ਅੰਕਾਂ ਦੇ ਨਾਲ ਚੌਥੇ ਸਥਾਨ 'ਤੇ ਆ ਗਈ ਹੈ। ਤਿੰਨ ਵਾਰ ਚੈਂਪੀਅਨ ਰਹੀ ਪਟਨਾ ਨੂੰ ਅੱਠ ਮੈਚਾਂ 'ਚ ਪੰਜਵੀਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਹ 17 ਅੰਕਾਂ ਦੇ ਨਾਲ ਨੌਵੇਂ ਸਥਾਨ 'ਤੇ ਹੈ। ਜੈਪੁਰ ਦੀ ਜਿੱਤ 'ਚ ਦੀਪਕ ਹੁੱਡਾ 7 ਅੰਕਾਂ ਦੇ ਨਾਲ ਟੀਮ ਦੀ ਜਿੱਤ ਦੇ ਹੀਰੋ ਰਹੇ ਜਦਕਿ ਮੁੰਬਈ ਦੀ ਪਟਨਾ 'ਤੇ ਜਿੱਤ 'ਚ ਰੋਹਿਤ ਬਾਲਯਾਨ ਨੇ 9 ਅਤੇ ਅਤੁਲ ਐੱਮ.ਐੱਸ. ਨੇ 8 ਅੰਕ ਜੁਟਾਏ।