ਅਖਿਲ ਭਾਰਤੀ ਫੁੱਟਬਾਲ ਸੰਘ ਨੇ 2 ਖਿਡਾਰਣਾਂ ਨਾਲ ਕਥਿਤ ਹੱਥੋਪਾਈ ਦੇ ਮਾਮਲੇ ’ਚ ਸ਼ਰਮਾ ਨੂੰ ਕੀਤਾ ਸਸਪੈਂਡ

ਨਵੀਂ ਦਿੱਲੀ, (ਭਾਸ਼ਾ)- ਅਖਿਲ ਭਾਰਤੀ ਫੁੱਟਬਾਲ ਸੰਘ (ਏ. ਆਈ. ਐੱਫ. ਐੱਫ.) ਨੇ 2 ਦਿਨ ਦੀ ਢਿੱਲ ਤੋਂ ਬਾਅਦ ਆਖਿਰਕਾਰ ਮੰਗਲਵਾਰ ਨੂੰ ਕਾਰਜਕਾਰੀ ਕਮੇਟੀ ਦੇ ਮੈਂਬਰ ਦੀਪਕ ਸ਼ਰਮਾ ਨੂੰ ਆਗਾਮੀ ਸੂਚਨਾ ਤੱਕ ਸਸਪੈਂਡ ਕਰ ਦਿੱਤਾ। ਸ਼ਰਮਾ ’ਤੇ ਗੋਆ ਵਿਚ 2 ਮਹਿਲਾ ਖਿਡਾਰਣਾਂ ਨਾਲ ਕਥਿਤ ਤੌਰ ’ਤੇ ਕੁੱਟਮਾਰ ਦਾ ਦੋਸ਼ ਹੈ। ਇੰਡੀਅਨ ਮਹਿਲਾ ਫੁੱਟਬਾਲ ਲੀਗ ਸੈਕੰਡ ਡਿਵੀਜ਼ਨ ਵਿਚ ਹਿੱਸਾ ਲੈਣ ਗਈ ਹਿਮਾਚਲ ਪ੍ਰਦੇਸ਼ ਸਥਿਤ ਖੱਡ ਐੱਫ. ਸੀ. ਦੀਆਂ 2 ਫੁੱਟਬਾਲ ਖਿਡਾਰਣਾਂ ਨੇ ਦੋਸ਼ ਲਾਇਆ ਸੀ ਕਿ ਕਲੱਬ ਦਾ ਮਾਲਕ ਸ਼ਰਮਾ 28 ਮਾਰਚ ਦੀ ਰਾਤ ਉਨ੍ਹਾਂ ਦੇ ਕਮਰੇ ਵਿਚ ਦਾਖਲ ਹੋਇਆ ਸੀ ਤੇ ਉਨ੍ਹਾਂ ਨੂੰ ਕੁੱਟਿਆ ਸੀ। 

ਸ਼ਨੀਵਾਰ ਨੂੰ ਏ. ਆਈ. ਐੱਫ. ਐੱਫ. ਨੇ ਸ਼ਰਮਾ ਨੂੰ ਜਾਂਚ ਪੂਰੀ ਹੋਣ ਤਕ ਫੁੱਟਬਾਲ ਨਾਲ ਸਬੰਧਤ ਗਤੀਵਿਧੀਆਂ ਤੋਂ ਦੂਰ ਰਹਿਣ ਨੂੰ ਕਿਹਾ ਸੀ। ਸ਼ਰਮਾ ਨੂੰ ਗੋਆ ਪੁਲਸ ਨੇ ਗ੍ਰਿਫਤਾਰ ਕੀਤਾ ਸੀ ਪਰ ਬਾਅਦ ਵਿਚ ਜ਼ਮਾਨਤ ’ਤੇ ਛੱਡ ਦਿੱਤਾ ਸੀ। ਇਸ ਤੋਂ ਪਹਿਲਾਂ ਏ. ਆਈ. ਐੱਫ. ਐੱਫ. ਮੁਖੀ ਕਲਿਆਣ ਚੌਬੇ, ਉਪ ਮੁਖੀ ਐੱਨ. ਏ. ਹੈਰਿਸ ਤੇ ਖਜ਼ਾਨਚੀ ਕੀਤਾ ਅਜੇ ਨੇ ਸੋਮਵਾਰ ਨੂੰ ਸ਼ਰਮਾ ਵਿਰੁੱਧ ਖਿਡਾਰਨਾਂ ਦੀ ਸ਼ਿਕਾਇਤਾਂ ’ਤੇ ਧਿਆਨ ਕੀਤਾ, ਜਿਸ ਤੋਂ ਬਾਅਦ ਏ. ਆਈ. ਐੱਫ. ਐੱਫ. ਦੇ ਮੈਂਬਰ ਸੰਘਾਂ ਦੀ ਮੀਟਿੰਗ ਬੁਲਾਈ ਗਈ। ਮੀਟਿੰਗ ਵਿਚ ਸ਼ਰਮਾ ਦਾ ਪੱਖ ਸੁਣਨ ਤੋਂ ਬਾਅਦ ਉਨ੍ਹਾਂ ਨੂੰ ਮੀਟਿੰਗ ਵਿਚ ਜਾਣ ਲਈ ਕਿਹਾ ਗਿਆ। ਸ਼ਿਕਾਇਤ ਵਿਚ ਮਹਿਲਾ ਖਿਡਾਰੀਆਂ ਨੇ ਕਿਹਾ ਸੀ ਕਿ ਸ਼ਰਮਾ ਨਸ਼ੇ ਦੀ ਹਾਲਤ ਵਿਚ ਸੀ ਤੇ ਹੁਣ ਉਨ੍ਹਾਂ ਨੂੰ ਜਾਨ ਦਾ ਖਤਰਾ ਲੱਗ ਰਿਹਾ ਹੈ। ਖੇਡ ਮੰਤਰੀ ਅਨੁਰਾਗ ਠਾਕੁਰ ਨੇ ਵੀ ਏ. ਆਈ. ਐੱਫ. ਐੱਫ. ਨੂੰ ਤੁਰੰਤ ਹੋਰ ਸਖਤ ਕਾਰਵਾਈ ਕਰਨ ਲਈ ਕਿਹਾ ਸੀ।