ਭਾਰਤੀ ਕ੍ਰਿਕਟਰ ਦੀਪਕ ਚਾਹਰ ਅੱਜ ਬੱਝਣਗੇ ਵਿਆਹ ਦੇ ਬੰਧਨ 'ਚ, ਸੰਗੀਤ ਸਮਾਰੋਹ ਦੀਆਂ ਤਸਵੀਰਾਂ ਆਈਆਂ ਸਾਹਮਣੇ
Wednesday, Jun 01, 2022 - 01:10 PM (IST)
ਆਗਰਾ (ਏਜੰਸੀ)- ਸੱਟ ਕਾਰਨ ਹਾਲ ਹੀ ਵਿੱਚ ਸਮਾਪਤ ਹੋਈ ਇੰਡੀਅਨ ਪ੍ਰੀਮੀਅਰ ਲੀਗ ਤੋਂ ਬਾਹਰ ਹੋਏ ਭਾਰਤੀ ਤੇਜ਼ ਗੇਂਦਬਾਜ਼ ਦੀਪਕ ਚਾਹਰ 1 ਜੂਨ ਯਾਨੀ ਅੱਜ ਮੰਗੇਤਰ ਜਯਾ ਭਾਰਦਵਾਜ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਜਾਣਗੇ। ਆਗਰਾ ਦੇ ਵਾਯੂ ਵਿਹਾਰ 'ਚ ਰਹਿਣ ਵਾਲੇ ਚਾਹਰ ਅਤੇ ਜਯਾ ਫਤਿਹਾਬਾਦ ਰੋਡ 'ਤੇ ਜੇਪੀ ਪੈਲੇਸ 'ਚ ਫੇਰੇ ਲੈਣਗੇ। ਮੰਗਲਵਾਰ ਨੂੰ ਮਹਿੰਦੀ ਦੀ ਰਸਮ ਅਤੇ ਸੰਗੀਤ ਸਮਾਰੋਹ ਜਾ ਆਯੋਜਨ ਕੀਤਾ ਗਿਆ ਸੀ।
ਬੁੱਧਵਾਰ ਨੂੰ 10 ਵਜੇ ਹਲਦੀ ਦੀ ਰਸਮ ਅਤੇ ਰਾਤ ਨੂੰ 9 ਵਜੇ ਵਿਆਹ ਦੀ ਰਸਮ ਸ਼ੁਰੂ ਹੋਵੇਗੀ। ਚਾਹਰ ਦੇ ਪਰਿਵਾਰਕ ਮੈਂਬਰ ਅਤੇ ਹੋਰ ਕਰੀਬੀ ਦੋਸਤ ਵਿਆਹ ਸਮਾਗਮ ਵਿੱਚ ਸ਼ਾਮਲ ਹੋਣਗੇ। ਚਾਹਰ ਦੇ ਸ਼ਾਹੀ ਵਿਆਹ ਲਈ ਸ਼ਾਹੀ ਦਾਵਤ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ। ਖਾਣੇ ਵਿਚ ਆਗਰਾ ਦੀ ਸਪੈਸ਼ਲ ਚਾਟ ਤੋਂ ਇਲਾਵਾ ਹਾਥਰਸ ਰਬੜੀ ਆਦਿ ਵੀ ਹੋਵੇਗੀ।
