ਬੰਗਲਾਦੇਸ਼ ਖਿਲਾਫ ਟੀ20 ਸੀਰੀਜ਼ 'ਚ ਪੰਤ ਲਈ ਮੁਸ਼ਕਿਲ ਖੜੀ ਕਰ ਸਕਦਾ ਹੈ ਇਹ ਖਿਡਾਰੀ

10/24/2019 1:04:39 PM

ਸਪੋਰਟਸ ਡੈਸਕ — ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਖੇਡੀ ਜਾਣ ਵਾਲੀ ਅਗਲੀ ਟੀ20 ਅੰਤਰਰਾਸ਼ਟਰੀ ਸੀਰੀਜ਼ ਨੂੰ ਲੈ ਕੇ ਨੌਜਵਾਨ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਨੂੰ ਲੈ ਕੇ ਗੰਭੀਰ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਚੋਣਕਰਤਾ ਵਿਕਟਕੀਪਰ ਬੱਲੇਬਾਜ਼ ਅਤੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਦੀ ਰਿਪਲੇਸਮੈਂਟ ਦੇ ਤੌਰ 'ਤੇ ਪੰਤ ਨੂੰ ਵੇਖ ਰਹੇ ਹਨ ਅਤੇ ਉਨ੍ਹਾਂ ਨੂੰ ਮੌਕੇ ਵੀ ਦੇਣਾ ਚਾਹੁੰਦੇ ਹਨ। ਪਰ ਦੂੱਜੇ ਖਿਡਾਰੀਆਂ ਦਾ ਪ੍ਰਦਰਸ਼ਨ ਅਤੇ ਪੰਤ 'ਤੇ ਭਾਰੀ ਪੈ ਸਕਦਾ ਹੈ।

PunjabKesari

ਵੈਸਟਇੰਡੀਜ਼ ਨਾਲ ਖੇਡੀ ਗਈ ਟੀ-20 ਸੀਰੀਜ਼ 'ਚ ਪੰਤ ਨੂੰ ਮੌਕਾ ਮਿਲਿਆ ਸੀ ਪਰ ਆਪਣੀਆਂ ਗਲਤੀਆਂ ਦੇ ਕਾਰਨ ਉਸ ਨੇ ਇਸ ਮੌਕੇ ਦਾ ਫਾਇਦਾ ਨਹੀਂ ਚੁੱਕਿਆ ਜਿਸ ਕਾਰਨ ਦੱਖਣੀ ਅਫਰੀਕਾ ਨਾਲ ਖੇਡੀ ਗਈ ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ 'ਚ ਪੰਤ ਦੀ ਜਗ੍ਹਾ ਰਿੱਧੀਮਾਨ ਸਾਹਾ ਨੂੰ ਮੌਕਾ ਮਿਲਿਆ ਅਤੇ ਉਹ ਇਸ 'ਤੇ ਖਰੇ ਵੀ ਉਤਰੇ ਹਨ। ਉਥੇ ਹੀ ਪੰਤ ਦੇ ਪ੍ਰਦਰਸ਼ਨ ਤੋਂ ਬਾਅਦ ਲੋਕਾਂ ਨੇ ਸੰਜੂ ਸੈਮਸਨ ਨੂੰ ਮੌਕਾ ਦੇਣ ਦੀ ਗੱਲ ਕੀਤੀ ਸੀ ਅਤੇ ਅਜਿਹੇ ਅੰਦਾਜੇ ਵੀ ਲਗਾਏ ਜਾ ਰਹੇ ਹਨ ਕਿ ਅਗਲੀ ਟੀ20 ਸੀਰੀਜ 'ਚ ਸੰਜੂ ਨੂੰ ਮੌਕਾ ਦੇਣ 'ਤੇ ਵਿਚਾਰ ਹੋ ਸਕਦਾ ਹੈ।

PunjabKesari

ਰਿਸ਼ਭ ਪੰਤ ਲਈ ਸੰਜੂ ਸੈਮਸਨ ਨੂੰ ਕਵਰ ਦੇ ਤੌਰ 'ਤੇ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਸੈਮਸਨ ਨੇ ਹਾਲ 'ਚ ਵਿਜੇ ਹਜਾਰੇ ਟਰਾਫੀ 'ਚ ਕੇਰਲ ਲਈ ਦੋਹਰਾ ਸੈਂਕੜਾ ਲਾਇਆ ਸੀ। ਉਸ ਨੂੰ ਪੰਤ ਤੋਂ ਬਾਅਦ ਦੂਜੀ ਆਪਸ਼ਨ ਦੇ ਰੂਪ 'ਚ ਚੁੱਣੇ ਜਾਣ ਦੀ ਉਮੀਦ ਹੈ। ਬੀ. ਸੀ. ਸੀ. ਆਈ. ਦੇ ਇਕ ਅਧਿਕਾਰੀ ਨੇ ਨਾਂ ਨਾ ਦੱਸਣ ਦੀ ਸ਼ਰਤ 'ਤੇ ਪੀ. ਟੀ. ਆਈ ਵਲੋਂ ਕਿਹਾ, 'ਜੇਕਰ ਰਿਸ਼ਭ ਅਤੇ ਸੰਜੂ ਦੋਵੋਂ ਟੀਮ 'ਚ ਹੋਣਗੇ ਤਾਂ ਇਸ 'ਚ ਕੋਈ ਪ੍ਰੇਸ਼ਾਨੀ ਨਹੀਂ ਹੋਵੇਗੀ। ਇਹ ਦੋਵੇਂ ਆਈ. ਪੀ. ਐੱਲ 'ਚ ਵੀ ਇਕੱਠੇ ਖੇਲ ਚੁੱਕੇ ਹਨ। ਰਿਸ਼ਭ ਨੂੰ ਛੋਟੇ ਫਾਰਮੈਟ 'ਚ ਸੀਮਿਤ ਸਫਲਤਾ ਮਿਲੀ ਹੈ ਪਰ ਭਵਿੱਖ ਨੂੰ ਵੇਖਦੇ ਹੋਏ ਸਾਨੂੰ ਉਸ ਨੂੰ ਖਿਡਾਉਣ ਦੀ ਜ਼ਰੂਰਤ ਹੈ। 'ਉਨ੍ਹਾਂ ਨੇ ਕਿਹਾ, 'ਨਾਲ ਹੀ ਸੰਜੂ 'ਚ ਮੈਚ ਦਾ ਰੁੱਖ ਬਦਲਣ ਦੀ ਕਾਬਿਲੀਅਤ ਹੈ।  ਵਰਲਡ ਟੀ20 ਨੂੰ ਧਿਆਨ 'ਚ ਰੱਖਦੇ ਹੋਏ ਟੀਮ ਪ੍ਰਬੰਧਨ ਨੂੰ ਹੋਰ ਆਪਸ਼ਨਾਂ ਵੀ ਦੇਖਣ ਦੀ ਜ਼ਰੂਰਤ ਹੈ ਕਿਉਂਕਿ ਹਰ ਕੋਈ ਜਾਣਦਾ ਹੈ ਕਿ ਹੁਣ ਸਮਾਂ ਮਹਿੰਦਰ ਸਿੰਘ ਧੋਨੀ ਤੋਂ ਅੱਗੇ ਦੇਖਣ ਦਾ ਹੈ। ' ਕੋਹਲੀ ਟੀਮ 'ਚ ਨਹੀਂ ਹੋਣਗੇ ਤਾਂ ਸੈਮਸਨ ਨੂੰ 'ਬੈਕ-ਅਪ' ਬੱਲੇਬਾਜ਼ ਦੇ ਰੂਪ ਵੇਖਿਆ ਜਾ ਰਿਹਾ ਹੈ ਪਰ ਇਹ ਵੇਖਣਾ ਦਿਲਚਸਪ ਹੋਵੇਗਾ ਕਿ ਮਨੀਸ਼ ਪਾਂਡੇ ਟੀਮ 'ਚ ਆਪਣਾ ਸਥਾਨ ਬਰਕਰਾਰ ਰੱਖ ਪਾਉਂਦੇ ਹਨ ਜਾਂ ਨਹੀਂ।

PunjabKesari

ਧੋਨੀ ਨੂੰ ਲੈ ਕੇ ਨਵ-ਨਿਯੁਕਤ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ. ਸੀ. ਸੀ.ਆਈ) ਪ੍ਰਧਾਨ ਸੌਰਵ ਗਾਂਗੁਲੀ ਵੀਰਵਾਰ ਨੂੰ ਕੋਈ ਫੈਸਲਾ ਲੈ ਸਕਦੇ ਹਨ। ਗਾਂਗੁਲੀ ਨੇ ਧੋਨੀ ਦੇ ਭਵਿੱਖ 'ਤੇ ਬੋਲਦੇ ਹੋਏ ਕਿਹਾ ਸੀ ਕਿ ਜਦੋਂ ਤੱਕ ਮੈਂ ਹਾਂ, ਹਰ ਕ੍ਰਿਕਟਰ ਦਾ ਸਨਮਾਨ ਹੋਵੇਗਾ। ਫਿਲਹਾਲ ਗਾਂਗੁਲੀ ਕਪਤਾਨ ਵਿਰਾਟ ਕੋਹਲੀ ਨਾਲ ਮੁਲਾਕਾਤ ਕਰਣਗੇ ਅਤੇ ਇਸ ਤੋਂ ਬਾਅਦ ਹੋ ਸਕਦਾ ਹੈ ਕਿ ਧੋਨੀ ਨਾਲ ਗੱਲ ਕਰਨ ਤੋਂ ਬਾਅਦ ਸਥਿਤੀ ਨੂੰ ਸਾਫ਼ ਕੀਤੀ ਜਾਵੇ।



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ