IND vs PAK: ਪਾਕਿਸਤਾਨ ਹੱਥੋਂ ਹਾਰੀ TEAM INDIA! ਕਪਤਾਨ ਪੰਡਯਾ ਨੂੰ ਇੱਕੋ ਓਵਰ ''ਚ ਪਏ 5 ਛੱਕੇ
Friday, Oct 30, 2026 - 08:38 PM (IST)
ਸਪੋਰਟਸ ਡੈਸਕ: ਭਾਰਤ ਸ਼ੁੱਕਰਵਾਰ ਨੂੰ ਹਾਂਗਕਾਂਗ ਇੰਟਰਨੈਸ਼ਨਲ ਸਿਕਸਸ ਦੇ ਮੈਚ ਵਿਚ ਪਾਕਿਸਤਾਨ ਤੋਂ ਚਾਰ ਵਿਕਟਾਂ ਨਾਲ ਹਾਰ ਗਿਆ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਭਾਰਤੀ ਟੀਮ ਨਿਰਧਾਰਤ 6 ਓਵਰਾਂ ਵਿਚ 5 ਵਿਕਟਾਂ 'ਤੇ ਸਿਰਫ਼ 88 ਦੌੜਾਂ ਹੀ ਬਣਾ ਸਕੀ। ਸ਼ਸ਼ਾਂਕ ਸਿੰਘ ਨੇ 11 ਗੇਂਦਾਂ 'ਤੇ 40 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ।
ਜਵਾਬ ਵਿਚ ਪਾਕਿਸਤਾਨ ਨੇ 3.5 ਓਵਰਾਂ ਵਿਚ ਦੋ ਵਿਕਟਾਂ 'ਤੇ 92 ਦੌੜਾਂ ਬਣਾ ਕੇ ਮੁਕਾਬਲਾ ਜਿੱਤ ਲਿਆ। ਓਪਨਰ ਖਵਾਜਾ ਨਾਫੇ (12 ਗੇਂਦਾਂ 'ਤੇ 41) ਅਤੇ ਅੱਬਾਸ ਅਫਰੀਦੀ (8 ਗੇਂਦਾਂ 'ਤੇ 35) ਨੇ 13 ਗੇਂਦਾਂ 'ਤੇ 59 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਅਫਰੀਦੀ ਨੇ ਪਹਿਲੇ ਓਵਰ ਵਿਚ ਭਾਰਤੀ ਕਪਤਾਨ ਕਰੁਣਲ ਪੰਡਯਾ ਨੂੰ 5 ਛੱਕੇ ਮਾਰੇ।
ਪਹਿਲੇ ਮੈਚ ਵਿਚ ਯੂ.ਏ.ਈ. ਤੋਂ ਹਾਰਨ ਵਾਲਾ ਪਾਕਿਸਤਾਨ ਹੁਣ ਗਰੁੱਪ ਸੀ ਵਿਚ ਸਿਖਰ 'ਤੇ ਹੈ, ਜਦੋਂ ਕਿ ਭਾਰਤ ਆਖਰੀ ਸਥਾਨ 'ਤੇ ਖਿਸਕ ਗਿਆ ਹੈ। ਭਾਰਤ ਸ਼ਨੀਵਾਰ ਨੂੰ ਯੂ.ਏ.ਈ. ਦਾ ਸਾਹਮਣਾ ਕਰੇਗਾ। ਹਰੇਕ ਗਰੁੱਪ ਦੀ ਸਿਖਰਲੀ ਟੀਮ ਸੈਮੀਫਾਈਨਲ ਵਿਚ ਪਹੁੰਚਦੀ ਹੈ। ਫਾਈਨਲ ਐਤਵਾਰ ਨੂੰ ਹੋਵੇਗਾ।
