IND vs NZ,3rd Test : ਨਿਊਜ਼ੀਲੈਂਡ ਨੂੰ ਲੱਗਾ ਤੀਜਾ ਝਟਕਾ, ਰਚਿਨ ਰਵਿੰਦਰਾ ਹੋਏ ਆਊਟ

ਸਪੋਰਟਸ ਡੈਸਕ- ਭਾਰਤ ਤੇ ਨਿਊਜ਼ੀਲੈਂਡ ਦਰਮਿਆਨ ਤਿੰਨ ਟੈਸਟ ਮੈਚਾਂ ਦੀ ਸੀਰੀਜ਼ ਦੇ ਆਖਰੀ ਮੈਚ ਦੇ ਦੂਜੇ ਦਿਨ ਦੀ ਖੇਡ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ 'ਚ ਖੇਡੀ ਜਾ ਰਹੀ ਹੈ। ਨਿਊਜ਼ੀਲੈਂਡ ਨੇ ਆਪਣੀ ਦੂਜੀ ਪਾਰੀ ਦੇ ਦੌਰਾਨ 3 ਵਿਕਟਾਂ ਗੁਆ ਕੇ 45 ਦੌੜਾਂ ਬਣਾ ਲਈਆਂ ਹਨ।  ਨਿਊਜ਼ੀਲੈਂਡ ਲਈ ਟਾਮ ਲਾਥਮ 1 ਦੌੜ, ਡੇਵੋਨ ਕੋਨਵੇ 22 ਦੌੜਾਂ ਤੇ ਰਚਿਨ ਰਵਿੰਦਰਾ 4 ਦੌੜਾਂ ਬਣਾ ਆਊਟ ਹੋਏ ਹਨ। ਨਿਊਜ਼ੀਲੈਂਡ ਕੋਲ ਇਸ ਸਮੇਂ 17 ਦੌੜਾਂ ਦੀ ਲੀਡ ਹੈ। 

ਇਸ ਤੋਂ ਪਹਿਲਾਂ ਨਿਊਜ਼ੀਲੈਂਡ ਨੇ ਆਪਣੀ ਪਹਿਲੀ ਪਾਰੀ 'ਚ ਡੇਰਿਲ ਮਿਸ਼ੇਲ ਦੀਆਂ 82 ਦੌੜਾਂ ਤੇ ਵਿਲ ਯੰਗ ਦੀਆਂ 71 ਦੌੜਾਂ ਦੀ ਬਦੌਲਤ ਆਲ ਆਊਟ ਹੋ ਕੇ 235 ਦੌੜਾਂ  ਬਣਾਈਆਂ। ਭਾਰਤ ਲਈ ਰਵਿੰਦਰ ਜਡੇਜਾ ਨੇ 5 ਤੇ ਵਾਸ਼ਿੰਗਟਨ ਸੁੰਦਰ ਨੇ 4 ਵਿਕਟਾਂ ਲਈਆਂ। ਇਸ ਤੋਂ ਬਾਅਦ ਭਾਰਤ ਨੇ ਆਪਣੀ ਪਹਿਲੀ ਪਾਰੀ 'ਚ ਸ਼ੁਭਮਨ ਗਿੱਲ ਦੀਆਂ 90 ਦੌੜਾਂ ਤੇ ਰਿਸ਼ਭ ਪੰਤ ਦੀਆਂ 60 ਦੌੜਾਂ ਦੀ ਬਦੌਲਤ ਆਲ ਆਊਹ ਹੋ ਕੇ 263 ਦੌੜਾਂ ਬਣਾਈਆਂ ਤੇ ਨਿਊਜ਼ੀਲੈਂਡ ਖਿਲਾਫ 28 ਦੌੜਾਂ ਦੀ ਬੜ੍ਹਤ ਹਾਸਲ ਕੀਤੀ।