ਪੰਡਯਾ ਦੇ ਬਚਾਅ 'ਚ ਉਤਰੇ ਪਿਤਾ ਨੇ ਕਿਹਾ- ਮੇਰਾ ਬੇਟਾ ਮਾਸੂਮ ਤੇ ਮਜ਼ਾਕੀਆ

ਸਪੋਰਟਸ ਡੈਸਕ : ਮਸ਼ਹੂਰ ਸ਼ੋਅ 'ਕਾਫੀ ਵਿਦ ਕਰਨ' ਵਿਚ ਮਹਿਲਾਵਾਂ ਨੂੰ ਲੈ ਕੇ ਵਿਵਾਦਕ ਬਿਆਨ ਦੇਣ ਤੋਂ ਬਾਅਦ ਵਿਵਾਦਾਂ 'ਚ ਘਿਰੇ ਕੇ. ਐੱਲ. ਰਾਹੁਲ ਲਈ ਬੁਰੀ ਖਬਰਾਂ ਦੀ ਲਾਈਨ ਲੱਗ ਗਈ ਹੈ, ਜਿਸ ਕਾਰਨ ਸ਼ਨੀਵਾਰ ਤੋਂ ਆਸਟਰੇਲੀਆ ਖਿਲਾਫ ਵਨਡੇ 'ਚ ਨਹੀਂ ਖੇਡ ਸਕੇ। ਮੁਅੱਤਲ ਕੀਤੇ ਜਾਣ ਤੋਂ ਬਾਅਦ ਹੁਣ ਆਸਟਰੇਲੀਆ ਤੋਂ ਪੰਡਯਾ ਨੂੰ ਵਾਪਸ ਭਾਰਤ ਭੇਜ ਦਿੱਤਾ ਜਾਵੇਗਾ। ਅਜਿਹੇ 'ਚ ਹੁਣ ਪੰਡਯਾ ਦੇ ਪਿਤਾ ਆਪਣੇ ਬੇਟੇ ਦੇ ਬਚਾਅ 'ਚ ਉੱਤਰ ਗਏ ਹਨ।

ਹਾਰਦਿਕ ਦੇ ਪਿਤਾ ਹਿਮਾਂਸ਼ੂ ਪੰਡਯਾ ਦਾ ਕਹਿਣਾ ਹੈ ਕਿ ਉਸ ਦੇ ਬੇਟੇ ਦਾ ਇਰਾਦਾ ਕਿਸੇ ਨੂੰ ਦੁੱਖ ਦੇਣ ਦਾ ਨਹੀਂ ਸੀ ਅਤੇ ਜੋ ਵੀ ਉਸ ਨੇ ਕਿਹਾ ਸਿਰਫ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਲਈ ਕਿਹਾ ਸੀ। ਇਕ ਵੈਬਸਾਈਟ ਨਾਲ ਗੱਲਬਾਤ ਦੌਰਾਨ ਹਿਮਾਂਸ਼ੂ ਨੇ ਕਿਹਾ ਕਿ ਮੈਨੂੰ ਨਹੀਂ ਲਗਦਾ ਕਿ ਲੋਕਾਂ ਨੂੰ ਉਸ ਦੀਆਂ ਟਿੱਪਣੀਆਂ 'ਤੇ ਜ਼ਿਆਦਾ ਧਿਆਨ ਦੇਣਾ ਚਾਹੀਦਾ ਹੈ। ਇਹ ਇਕ ਮਨੋਰੰਜਕ ਸ਼ੋਅ ਸੀ ਅਤੇ ਉਸ ਨੇ ਇਹ ਗੱਲਾਂ ਹਲਕੇ ਮਿਜਾਜ਼ ਵਿਚ ਕਹੀਆਂ ਸਨ। ਉਹ ਇਕ ਮਾਸੂਮ ਅਤੇ ਮਜ਼ਾਕੀਆਂ ਲੜਕਾ ਹੈ।

ਦੋਵਾਂ ਖਿਡਾਰੀਆਂ ਖਿਲਾਫ ਬੋਰਡ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਜਾਂਚ ਪੂਰੀ ਹਣ ਤੱਕ ਦੋਵੇਂ ਖਿਡਾਰੀ ਟੀਮ ਤੋਂ ਬਾਹਰ ਰਹਿਣਗੇ। ਮੰਨਿਆ ਜਾ ਰਿਹਾ ਹੈ ਕਿ ਦੋਵੇਂ ਖਿਡਾਰੀ ਮੌਜੂਦਾ ਆਸਟਰੇਲੀਆ ਸੀਰੀਜ਼ ਦੇ ਨਾਲ-ਨਾਲ ਆਗਾਮੀ ਨਿਊਜ਼ੀਲੈਂਡ ਦੌਰੇ ਤੋਂ ਵੀ ਬਾਹਰ ਹੋ ਸਕਦੇ ਹਨ। ਕਈ ਸਾਬਕਾ ਖਿਡਾਰੀਆਂ ਨੇ ਵੀ ਦੋਵੇਂ ਖਿਡਾਰੀਆਂ ਦੀ ਟਿੱਪਣੀਆਂ 'ਤੇ ਇਤਰਾਜ਼ ਕੀਤਾ ਸੀ।