ਵਿਸ਼ਵ ਕੱਪ ''ਚ ਸਟਾਈਲ ਤੇ ਸਵੈਗ ਨਾਲ ਭਰੇ ਹੇਅਰਸਟਾਈਲ
Tuesday, Jul 10, 2018 - 04:50 AM (IST)
ਮਾਸਕੋ— ਫੀਫਾ ਵਿਸ਼ਵ ਕੱਪ ਇਸ ਵਾਰ ਆਪਣੇ ਸਨਸਨੀਖੇਜ ਨਤੀਜਿਆਂ ਲਈ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ। ਟੂਰਨਾਮੈਂਟ ਵਿਚ ਕਈ ਸ਼ਾਨਦਾਰ ਗੋਲ, ਪੈਨਲਟੀਆਂ, ਵੀਡੀਓ ਰੈਫਰਲ ਸਿਸਟਮ, ਖਿਡਾਰੀਆਂ ਨੂੰ ਸੁੱਟਣ ਦੇ ਅੰਦਾਜ਼, ਨੇਮਾਰ ਦੇ ਨਾਟਕ ਦੇ ਨਾਲ-ਨਾਲ ਖਿਡਾਰੀਆਂ ਦੇ ਹੈਰਾਨੀਜਨਕ ਹੇਅਰਸਟਾਈਲ ਵੀ ਕਾਫੀ ਮਸ਼ਹੂਰ ਹੋਏ ਹਨ। ਵਿਸ਼ਵ ਕੱਪ ਵਿਚ ਕੁਝ ਖਿਡਾਰੀਆਂ ਦੇ ਅਨੋਖੇ ਹੇਅਰਸਟਾਈਲਜ਼ ਦੀ ਬੰਨਗੀ ਇਸ ਤਰ੍ਹਾਂ ਹੈ—
ਬੈਲਨ ਬਹਰਾਮੀ
ਸਵਿਟਜ਼ਰਲੈਂਡ ਦੇ 22 ਸਾਲ ਵੈਲਨ ਬਹਰਾਮੀ ਨੂੰ ਸਰਬੀਆ ਵਿਰੁੱਧ ਆਪਣੀ ਟੀਮ ਦੇ ਮੈਚ ਦੌਰਾਨ 'ਡਾਈਡ ਅੰਡਰਕੱਟ ਹੇਅਰ ਸਟਾਈਲ ਵਿਚ ਦੇਖਿਆ ਗਿਆ, ਜਿਸ ਵਿਚ ਉਹ ਬੇਹੱਦ ਸਟਾਈਲਿਸ਼ ਲੱਗਿਆ।
ਟੋਨੀ ਕਰੂਜ਼
ਸਾਬਕਾ ਚੈਂਪੀਅਨ ਜਰਮਨੀ ਦੇ ਮਿਡਫੀਲਡਰ ਟੋਨੀ ਕਰੂਜ਼ ਦਾ ਸਿਲਕਡ-ਬੈਕ-ਵਿਥ ਹਾਈਲਾਈਟਸ ਕੱਟ ਵੀ ਹੈਰਾਨ ਕਰਨ ਵਾਲਾ ਸੀ ਤੇ ਇਸ ਨੂੰ ਵਿਸ਼ਵ ਕੱਪ ਦੇ ਪ੍ਰਸਿੱਧ ਹੇਅਰਸਟਾਈਲਾਂ ਵਿਚੋਂ ਇਕ ਮੰਨਿਆ ਗਿਆ।
ਡੇਵਿਡ ਦਿ ਜੀਆ
ਸਪੇਨ ਦਾ ਗੋਲਕੀਪਰ ਡੇਵਿਡ ਦਿ ਜੀਆ ਮਿਨੀ ਬੰਨ ਸਟਾਈਲ ਰੱਖਦਾ ਹੈ ਤੇ ਮੈਦਾਨ 'ਤੇ ਉਸਦੇ ਹੇਅਰ ਸਟਾਈਲ ਨੂੰ ਸਭ ਤੋਂ ਬਿਹਤਰੀਨ ਸਟਾਈਲਜ਼ ਵਿਚ ਇਕ ਮੰਨਿਆ ਗਿਆ ਹੈ।
ਸਾਦੀਓ ਮਾਨੇ
ਸੇਨੇਗਲ ਦੇ ਸਾਦੀਓ ਦੇ ਵਾਲਾਂ 'ਤੇ ਬਲੀਚਡ ਸਟ੍ਰਿਪ ਹੈ ਪਰ ਉਙ ਕਦੇ ਖਿੱਚ ਦਾ ਕੇਂਦਰ ਨਹੀਂ ਹੈ। ਮਾਨੇ ਦੇ ਸਿਰ 'ਤੇ ਬਹੁਤ ਘੱਟ ਵਾਲ ਹਨ ਤੇ ਵੈਸੇ ਸਟ੍ਰਿਪ ਹੇਅਰ ਸਟਾਈਲ ਨਾਲ ਮਾਨੇ ਦਾ ਕੋਈ ਵਾਸਤਾ ਨਹੀਂ ਹੈ।
