ਗੋਲਫ ਦੇ ਮਹਾਨ ਖਿਡਾਰੀ ਕੋਲਿਨ ਮੋਂਟਗੋਮੇਰੀ ਨੇ ਤੀਜੀ ਵਾਰ ਕੀਤਾ ਵਿਆਹ

ਸਪੋਰਟਸ ਡੈਸਕ : ਗੋਲਫ ਦੀ ਦੁਨੀਆ ਦੇ ਮਸ਼ਹੂਰ ਖਿਡਾਰੀ ਕੋਲਿਨ ਮੋਂਟਗੋਮਰੀ ਨੇ 59 ਸਾਲ ਦੀ ਉਮਰ 'ਚ ਤੀਜਾ ਵਿਆਹ ਕੀਤਾ ਹੈ। ਕੋਲਿਨ ਨੇ ਆਪਣੀ ਮੈਨੇਜਰ ਸਾਰਾ ਕੇਸੀ ਨਾਲ ਵਿਆਹ ਕੀਤਾ ਹੈ। ਉਸਨੇ ਵਿਆਹ ਤੋਂ ਬਾਅਦ ਆਪਣੀ ਨਵੀਂ ਪਤਨੀ ਨਾਲ ਇੱਕ ਪਿਆਰ ਭਰੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ। 

2010 ਵਿੱਚ ਰਾਈਡਰ ਕੱਪ ਦੀ ਸਫਲਤਾ ਲਈ ਯੂਰਪ ਦੀ ਕਪਤਾਨੀ ਕਰਨ ਵਾਲੇ ਸਕਾਟ ਨੇ ਇੰਸਟਾਗ੍ਰਾਮ 'ਤੇ ਲਿਖਿਆ: "ਸੰਪੂਰਨ ਦਿਨ, ਜਸਟਿਨ ਰੋਜ਼ ਅਤੇ ਹੋਰ ਗੋਲਫ ਪੇਸ਼ੇਵਰਾਂ ਵੱਲੋਂ ਵਧਾਈਆਂ ਲਈ।" ਮੋਂਟੀ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਕ 5 ਸਟਾਰ ਲਗਜ਼ਰੀ ਹੋਟਲ ਕਾਉਵਰਥ ਪਾਰਕ 'ਚ ਵਿਆਹ ਕੀਤਾ। 

ਸਾਰਾ ਨੇ ਫੇਸਬੁੱਕ 'ਤੇ ਆਪਣਾ ਸਰਨੇਮ ਬਦਲ ਕੇ ਮੋਂਟਗੋਮਰੀ ਕਰ ਲਿਆ ਹੈ। 2020 'ਚ ਇਕ ਇੰਟਰਵਿਊ ਦੌਰਾਨ, ਮੋਂਟੀ ਨੇ ਖੁਦ ਸਾਰਾਹ ਨੂੰ ਆਪਣੀ ਸਾਥੀ ਦੱਸਿਆ ਸੀ। 8 ਵਾਰ ਦੇ ਯੂਰਪੀਅਨ ਟੂਰ ਆਰਡਰ ਆਫ਼ ਮੈਰਿਟ ਜੇਤੂ ਮੋਟੀ 2004 ਵਿੱਚ ਪਹਿਲੀ ਪਤਨੀ ਏਮਰ ਵਿਲਸਨ ਤੋਂ ਵੱਖ ਹੋ ਗਏ ਸਨ। ਫਿਰ ਉਸਨੇ ਸਕਾਟਿਸ਼ ਕਰੋੜਪਤੀ ਗੇਨੋਰ ਨੋਲਸ ਨਾਲ ਵਿਆਹ ਕੀਤਾ ਪਰ 2017 ਵਿੱਚ ਉਹਨਾਂ ਦਾ ਤਲਾਕ ਹੋ ਗਿਆ। ਸਾਰਾ ਨਾਲ ਵਿਆਹ ਕਰਨ ਤੋਂ ਬਾਅਦ, ਮੋਂਟੀ ਨੇ ਕਿਹਾ ਕਿ ਉਹ ਹੁਣ ਖੁਸ਼ ਹਨ।