ਗਾਵਸਕਰ ਨੇ ਰੋਹਿਤ ਦੀ ਪਾਰੀ ਦੀ ਕੀਤੀ ਤਾਰੀਫ, ਕਿਹਾ- T20 WC ਤੋਂ ਪਹਿਲਾਂ ਸਕਾਰਾਤਮਕ ਸੰਕੇਤ
Saturday, May 18, 2024 - 02:39 PM (IST)
ਮੁੰਬਈ— ਰੋਹਿਤ ਸ਼ਰਮਾ ਮੁੰਬਈ ਇੰਡੀਅਨਜ਼ ਲਈ ਦੇਰ ਨਾਲ ਫਾਰਮ 'ਚ ਪਰਤਿਆ ਪਰ ਮਹਾਨ ਬੱਲੇਬਾਜ਼ ਸੁਨੀਲ ਗਾਵਸਕਰ ਦਾ ਮੰਨਣਾ ਹੈ ਕਿ ਅਗਲੇ ਮਹੀਨੇ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਫਾਰਮ 'ਚ ਵਾਪਸੀ ਉਨ੍ਹਾਂ ਅਤੇ ਭਾਰਤੀ ਟੀਮ ਲਈ ਚੰਗਾ ਸੰਕੇਤ ਹੈ।
ਆਈਪੀਐਲ ਦੇ ਇਸ ਸੀਜ਼ਨ ਦੇ ਪਹਿਲੇ ਪੜਾਅ ਵਿੱਚ ਚੇਨਈ ਸੁਪਰ ਕਿੰਗਜ਼ ਖ਼ਿਲਾਫ਼ ਅਜੇਤੂ 105 ਦੌੜਾਂ ਬਣਾਉਣ ਵਾਲੇ ਰੋਹਿਤ ਸੱਤ ਵਿੱਚੋਂ ਚਾਰ ਮੈਚਾਂ ਵਿੱਚ ਦੋਹਰੇ ਅੰਕੜੇ ਤੱਕ ਨਹੀਂ ਪਹੁੰਚ ਸਕੇ। ਹਾਲਾਂਕਿ ਪਿਛਲੇ ਮੈਚ 'ਚ ਉਸ ਨੇ ਲਖਨਊ ਸੁਪਰ ਜਾਇੰਟਸ ਖਿਲਾਫ 38 ਗੇਂਦਾਂ 'ਚ 68 ਦੌੜਾਂ ਬਣਾਈਆਂ ਸਨ।
ਗਾਵਸਕਰ ਨੇ ਕਿਹਾ, 'ਇਹ ਦੇਖ ਕੇ ਚੰਗਾ ਲੱਗਾ। ਮੁੰਬਈ ਇੰਡੀਅਨਜ਼ ਹੁਣ ਕੁਆਲੀਫਾਈ ਨਹੀਂ ਕਰ ਸਕਦੀ ਪਰ 15 ਦਿਨਾਂ ਬਾਅਦ ਟੀ-20 ਵਿਸ਼ਵ ਕੱਪ 'ਚ ਭਾਰਤ ਦੀ ਕਪਤਾਨੀ ਕਰ ਰਹੇ ਰੋਹਿਤ ਸ਼ਰਮਾ ਨੂੰ ਇਸ ਤਰ੍ਹਾਂ ਬੱਲੇਬਾਜ਼ੀ ਕਰਦੇ ਦੇਖਣਾ ਚੰਗਾ ਲੱਗਾ। ਉਸ ਨੇ ਕਿਹਾ, 'ਇਹੀ ਹੈ ਜੋ ਤੁਸੀਂ ਚਾਹੁੰਦੇ ਹੋ। ਰੋਹਿਤ ਸ਼ਰਮਾ ਤੋਂ ਚੰਗੀ ਸ਼ੁਰੂਆਤ ਦੀ ਲੋੜ ਹੈ ਤਾਂ ਜੋ ਹੇਠਲੇ ਦਰਜੇ ਦੇ ਬੱਲੇਬਾਜ਼ ਆ ਕੇ ਫਿਨਿਸ਼ਰ ਦੀ ਭੂਮਿਕਾ ਨਿਭਾ ਸਕਣ।
