ਸੈਮਸਨ ਦੀ ਧੋਨੀ ਨਾਲ ਤੁਲਨਾ ਕਰਨ ’ਤੇ ਭੜਕੇ ਗੰਭੀਰ, ਦੇ ਦਿੱਤਾ ਇਹ ਵੱਡਾ ਬਿਆਨ

ਸਪੋਰਟਸ ਡੈਸਕ– ਪੰਜਾਬ ਖ਼ਿਲਾਫ਼ ਰਾਜਸਥਾਨ ਦੀ ਟੀਮ ਨੇ ਰਿਕਾਰਡ ਟੀਚੇ ਨੂੰ ਸਫਲਤਾਪੂਰਨ ਹਾਸਲ ਕਰਕੇ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਰਾਜਸਥਾਨ ਦੀ ਇਸ ਜਿੱਤ ’ਚ ਬੱਲੇਬਾਜ਼ ਸੰਜੂ ਸੈਮਸਨ ਦਾ ਅਹਿਮ ਯੋਗਦਾਨ ਰਿਹਾ ਅਤੇ ਟੀਮ ਨੂੰ ਟੀਚੇ ਤਕ ਲੈ ਗਿਆ। ਜਿਸ ਕਾਰਨ ਲੋਕ ਉਸ ਦੀ ਸੋਸ਼ਲ ਮੀਡੀਆ ’ਤੇ ਜੰਮ ਕੇ ਤਾਰੀਫ਼ ਕਰ ਰਹੇ ਹਨ। ਉਥੇ ਹੀ ਰਾਜਨੇਤਾ ਅਤੇ ਸਾਂਸਦ ਸ਼ਸ਼ੀ ਥਰੂਰ ਨੇ ਸੈਮਸਨ ਦੀ ਤੁਲਨਾ ਧੋਨੀ ਨਾਲ ਕਰ ਦਿੱਤੀ ਜਿਸ ’ਤੇ ਗੌਤਮ ਗੰਭੀਰ ਭੜਕ ਗਏ। 

ਪੰਜਾਬ ਖ਼ਿਲਾਫ ਸੈਮਸਨ ਦੀ ਪਾਰੀ ਵੇਖ ਕੇ ਸ਼ਸ਼ੀ ਥਰੂਰ ਨੇ ਟਵੀਟ ਕਰਦੇ ਹੋਏ ਲਿਖਿਆ ਕਿ ਰਾਜਸਥਾਨ ਲਈ ਹੈਰਾਨੀਜਨਕ ਜਿੱਤ! ਮੈਂ ਸੈਮਸਨ ਨੂੰ ਪਿਛਲੇ ਇਕ ਦਹਾਕੇ ਤੋਂ ਜਾਣਦਾ ਹਾਂ ਅਤੇ ਜਦੋਂ ਉਹ 14 ਸਾਲਾਂ ਦਾ ਸੀ ਉਦੋਂ ਮੈਂ ਉਸ ਨੂੰ ਕਿਹਾ ਸੀ ਕਿ ਉਹ ਆਉਣ ਵਾਲਾ ਧੋਨੀ ਹੈ। ਖ਼ੈਰ ਉਹ ਦਿਨ ਆ ਹੀ ਗਿਆ। ਇਸ ਆਈ.ਪੀ.ਐੱਲ. ’ਚ ਉਸ ਦੀਆਂ ਦੋ ਹੈਰਾਨੀਜਨਕ ਪਾਰੀਆਂ ਤੋਂ ਬਾਅਦ ਤੁਸੀਂ ਜਾਣਦੇ ਹੋ ਕਿ ਇਕ ਵਿਸ਼ਵ ਪੱਧਰੀ ਖਿਡਾਰੀ ਦਾ ਆਗਮਨ ਹੋ ਚੁੱਕਾ ਹੈ। 

What an absolutely incredible win for @rajasthanroyals ! I’ve known @iamSanjuSamson for a decade & told him when he was 14 that he would one day be the next MS Dhoni. Well, that day is here. After his two amazing innings in this IPL you know a world class player has arrived.

— Shashi Tharoor (@ShashiTharoor) September 27, 2020

ਥਰੂਰ ਦੇ ਇਸੇ ਟਵੀਟ ’ਤੇ ਗੰਭੀਰ ਨੇ ਟਵੀਟ ਕਰਦੇ ਹੋਏ ਲਿਖਿਆ ਕਿ ਸੰਜੂ ਸੈਮਸਨ ਨੂੰ ਕਿਸੇ ਹੋਰ ਵਰਗਾ ਹੋਣ ਦੀ ਲੋੜ ਨਹੀਂ ਹੈ, ਉਹ ਭਾਰਤੀ ਕ੍ਰਿਕਟ ਦਾ ਪਹਿਲਾ ‘ਸੰਜੂ ਸੈਮਸਨ ਹੋਵੇਗਾ। 

Sanju Samson doesn’t need to be next anyone. He will be ‘the’ Sanju Samson of Indian Cricket. https://t.co/xUBmQILBXv

— Gautam Gambhir (@GautamGambhir) September 27, 2020

ਜ਼ਿਕਰਯੋਗ ਹੈ ਕਿ ਆਈ.ਪੀ.ਐੱਲ. ’ਚ ਸੈਮਸਨ ਚੰਗੀ ਲੈਅ ’ਚ ਖੇਡ ਰਹੇ ਹਨ ਅਤੇ ਸ਼ੁਰੂਆਤੀ ਮੈਚਾਂ ’ਚ ਲਗਾਤਾਰ ਅਰਧ ਸੈਂਕੜੇ ਲਗਾਏ ਹਨ। ਜਿਥੇ ਚੇਨਈ ਖ਼ਿਲਾਫ ਸੈਮਸਨ ਨੇ 32 ਗੇਂਦਾਂ ’ਤੇ 74 ਦੌੜਾਂ ਦੀ ਪਾਰੀ ਖੇਡੀ ਸੀ, ਉਥੇ ਹੀ ਪੰਜਾਬ ਖ਼ਿਲਾਫ਼ 42 ਗੇਂਦਾਂ ’ਤੇ 85 ਦੌੜਾਂ ਦੀ ਮੌਚ ਜਿਤਾਊ ਪਾਰੀ ਖੇਡੀ।