ਫਰਾਂਸ ਨੇ ਚਿਲੀ ਨੂੰ 3-2 ਨਾਲ ਹਰਾਇਆ

ਮਾਰਸੇਲੀ (ਫਰਾਂਸ)- ਜਰਮਨੀ ਖਿਲਾਫ ਪਹਿਲਾ ਮੈਚ ਹਾਰਨ ਤੋਂ ਬਾਅਦ ਫਰਾਂਸ ਨੂੰ ਮੰਗਲਵਾਰ ਨੂੰ ਇੱਥੇ ਇਕ ਦੋਸਤਾਨਾ ਫੁੱਟਬਾਲ ਮੈਚ 'ਚ ਚਿਲੀ ਖਿਲਾਫ 3-2 ਨਾਲ ਮਿਲੀ ਜਿੱਤ ਦੌਰਾਨ ਸੰਘਰਸ਼ ਕਰਨਾ ਪਿਆ। ਯੂਰਪੀਅਨ ਚੈਂਪੀਅਨਸ਼ਿਪ ਵਿੱਚ ਜਿੱਤ ਦੇ ਦਾਅਵੇਦਾਰਾਂ ਵਿੱਚ ਸ਼ਾਮਲ ਫਰਾਂਸ ਦੀ ਟੀਮ ਚਿਲੀ ਖ਼ਿਲਾਫ਼ ਉਮੀਦਾਂ ਮੁਤਾਬਕ ਪ੍ਰਦਰਸ਼ਨ ਨਹੀਂ ਕਰ ਸਕੀ। ਫਰਾਂਸ ਦੀ ਜਿੱਤ ਵਿੱਚ ਰੈਂਡਲ ਕੋਲੋ ਮੁਆਨੀ ਨੇ ਅਹਿਮ ਭੂਮਿਕਾ ਨਿਭਾਈ, ਜਿਸ ਨੇ ਇੱਕ ਗੋਲ ਕਰਨ ਤੋਂ ਇਲਾਵਾ ਓਲੀਵਰ ਗਿਰੋਡ ਦੇ ਗੋਲ ਵਿੱਚ ਵੀ ਸਹਾਇਤਾ ਕੀਤੀ। ਫਰਾਂਸ ਲਈ ਜੋਸੇਫ ਫੋਫਾਨਾ ਨੇ ਵੀ ਗੋਲ ਕੀਤਾ। ਚਿਲੀ ਲਈ ਮਾਰਸੇਲੀਨੋ ਨੁਨੇਜ਼ ਅਤੇ ਡਾਰੀਓ ਓਸੋਰੀਓ ਨੇ ਗੋਲ ਕੀਤੇ।