ਚੱਲਦੇ ਮੈਚ ਦੌਰਾਨ ਸਟੇਡੀਅਮ 'ਚ ਲੱਗੀ ਭਿਆਨਕ ਅੱਗ, ਪੈ ਗਈਆਂ ਭਾਜੜਾਂ

ਸਪੋਰਟਸ ਡੈਸਕ- ਆਸਟ੍ਰੇਲੀਆ ਦੀ ਬਿੱਗ ਬੈਸ਼ ਲੀਗ (BBL) ਦੇ ਇੱਕ ਅਹਿਮ ਮੁਕਾਬਲੇ ਦੌਰਾਨ ਸਟੇਡੀਅਮ ਵਿੱਚ ਅੱਗ ਲੱਗਣ ਕਾਰਨ ਹਫੜਾ-ਦਫੜੀ ਮਚ ਗਈ। ਇਹ ਘਟਨਾ ਮੰਗਲਵਾਰ, 20 ਜਨਵਰੀ ਨੂੰ ਪਰਥ ਦੇ ਓਪਟਸ ਸਟੇਡੀਅਮ ਵਿੱਚ ਵਾਪਰੀ, ਜਿੱਥੇ ਪੈਰਥ ਸਕੌਰਚਰਜ਼ ਅਤੇ ਸਿਡਨੀ ਸਿਕਸਰਜ਼ ਵਿਚਾਲੇ ਕੁਆਲੀਫਾਇਰ ਮੈਚ ਖੇਡਿਆ ਜਾ ਰਿਹਾ ਸੀ।

ਅਸਮਾਨ 'ਚ ਫੈਲਿਆ ਧੂੰਆਂ

ਜਿਸ ਸਮੇਂ ਮੈਦਾਨ 'ਤੇ ਮੈਚ ਚੱਲ ਰਿਹਾ ਸੀ ਅਤੇ ਪੈਰਥ ਦੀ ਟੀਮ ਬੱਲੇਬਾਜ਼ੀ ਕਰ ਰਹੀ ਸੀ, ਉਸੇ ਦੌਰਾਨ ਸਟੇਡੀਅਮ ਦੀ ਬਿਲਡਿੰਗ ਦੇ ਬਾਹਰੀ ਹਿੱਸੇ ਵਿੱਚ ਸਥਿਤ ਇੱਕ ਕਮਰੇ ਵਿੱਚੋਂ ਅਚਾਨਕ ਕਾਲਾ ਧੂੰਆਂ ਨਿਕਲਣਾ ਸ਼ੁਰੂ ਹੋ ਗਿਆ। ਇਸ ਰਹਿਸਮਈ ਧੂੰਏਂ ਨੇ ਉੱਥੇ ਮੌਜੂਦ ਦਰਸ਼ਕਾਂ ਅਤੇ ਖਿਡਾਰੀਆਂ ਨੂੰ ਹੈਰਾਨ ਅਤੇ ਪ੍ਰੇਸ਼ਾਨ ਕਰ ਦਿੱਤਾ। ਰਾਹਤ ਦੀ ਗੱਲ ਇਹ ਰਹੀ ਕਿ ਸਟੇਡੀਅਮ ਦੇ ਸੁਰੱਖਿਆ ਕਰਮਚਾਰੀਆਂ ਅਤੇ ਬਚਾਅ ਟੀਮਾਂ ਨੇ ਤੁਰੰਤ ਮੌਕੇ 'ਤੇ ਪਹੁੰਚ ਕੇ ਅੱਗ ਬੁਝਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ।

ਇਹ ਵੀ ਪੜ੍ਹੋ- ਇੱਕੋ ਦਿਨ ਭਾਰਤ-ਪਾਕਿਸਤਾਨ ਵਿਚਾਲੇ ਹੋਣਗੇ ਦੋ ਮਹਾ-ਮੁਕਾਬਲੇ, 9 ਘੰਟੇ ਚੱਲੇਗਾ 'ਨਾਨ-ਸਟਾਪ' ਰੋਮਾਂਚ

😳 #BBL15 pic.twitter.com/rzxKm8HiFT

— KFC Big Bash League (@BBL) January 20, 2026

ਸੂਤਰਾਂ ਅਨੁਸਾਰ, ਇਹ ਹਾਦਸਾ ਜ਼ਿਆਦਾ ਵੱਡਾ ਨਹੀਂ ਸੀ ਅਤੇ ਇਸ ਵਿੱਚ ਕਿਸੇ ਦੇ ਵੀ ਜ਼ਖਮੀ ਹੋਣ ਦੀ ਕੋਈ ਖ਼ਬਰ ਨਹੀਂ ਹੈ। ਅੱਗ 'ਤੇ ਜਲਦੀ ਕਾਬੂ ਪਾ ਲਿਆ ਗਿਆ, ਜਿਸ ਕਾਰਨ ਮੈਚ ਨੂੰ ਵੀ ਰੋਕਣਾ ਨਹੀਂ ਪਿਆ ਅਤੇ ਮੈਦਾਨ 'ਤੇ ਖੇਡ ਨਿਰੰਤਰ ਜਾਰੀ ਰਹੀ। ਜ਼ਿਕਰਯੋਗ ਹੈ ਕਿ ਪਿਛਲੇ ਕੁਝ ਦਿਨਾਂ ਵਿੱਚ ਕ੍ਰਿਕਟ ਮੈਚ ਦੌਰਾਨ ਅੱਗ ਲੱਗਣ ਦੀ ਇਹ ਦੂਜੀ ਘਟਨਾ ਹੈ; ਇਸ ਤੋਂ ਪਹਿਲਾਂ ਦੱਖਣੀ ਅਫਰੀਕਾ ਦੀ SA20 ਲੀਗ ਦੌਰਾਨ ਜੋਹਾਨਸਬਰਗ ਸਟੇਡੀਅਮ ਦੀ ਪਾਰਕਿੰਗ ਵਿੱਚ ਵੀ ਅੱਗ ਲੱਗ ਗਈ ਸੀ।

ਇਹ ਵੀ ਪੜ੍ਹੋ- T-20 World Cup 'ਚ ਹੋਵੇਗੀ ਨਵੀਂ ਟੀਮ ਦੀ ਐਂਟਰੀ! 72 ਘੰਟਿਆਂ 'ਚ ਆ ਸਕਦੈ ਵੱਡਾ ਫ਼ੈਸਲਾ

pic.twitter.com/PeRiAEO95H

— byron (@byzbateson) January 20, 2026

ਮੈਚ ਦੀ ਗੱਲ ਕਰੀਏ ਤਾਂ ਪਰਥ ਸਕੌਰਚਰਜ਼ ਦੀ ਟੀਮ ਨੂੰ ਦੌੜਾਂ ਬਣਾਉਣ ਲਈ ਕਾਫੀ ਸੰਘਰਸ਼ ਕਰਨਾ ਪਿਆ। ਸਲਾਮੀ ਬੱਲੇਬਾਜ਼ ਫਿਨ ਐਲਨ ਨੇ 30 ਗੇਂਦਾਂ ਵਿੱਚ 49 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ, ਪਰ ਉਹ ਆਪਣਾ ਅਰਧ ਸੈਂਕੜਾ ਪੂਰਾ ਕਰਨ ਤੋਂ ਖੁੰਝ ਗਏ। ਕਪਤਾਨ ਐਸ਼ਟਨ ਟਰਨਰ ਨੇ 29 ਅਤੇ ਝਾਏ ਰਿਚਰਡਸਨ ਨੇ 20 ਦੌੜਾਂ ਦਾ ਯੋਗਦਾਨ ਪਾਇਆ, ਜਿਸ ਦੀ ਬਦੌਲਤ ਟੀਮ ਨੇ 9 ਵਿਕਟਾਂ ਗੁਆ ਕੇ 147 ਦੌੜਾਂ ਬਣਾਈਆਂ। ਸਿਡਨੀ ਸਿਕਸਰਜ਼ ਵੱਲੋਂ ਮਿਸ਼ੇਲ ਸਟਾਰਕ, ਬੇਨ ਡਵਾਰਸ਼ੂਇਸ ਅਤੇ ਜੇਕ ਐਡਵਰਡਸ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ।

ਇਹ ਵੀ ਪੜ੍ਹੋ- 'ਕੋਈ ਨਹੀਂ ਦੇਖੇਗਾ T20 ਵਿਸ਼ਵ ਕੱਪ...!', ICC 'ਤੇ ਭੜਕੇ ਅਸ਼ਵਿਨ, ਦੱਸੀ ਵੱਡੀ ਵਜ੍ਹਾ