ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੇ ਨੇ ਮਹਾਨ ਕ੍ਰਿਕਟਰ ਗ੍ਰੇਗ ਚੈਪਲ, ਦੋਸਤਾਂ ਨੇ ਪੈਸਾ ਇਕੱਠਾ ਕਰਨ ਦੀ ਮੁਹਿੰਮ ਚਲਾਈ

ਐਡੀਲੇਡ: ਮਹਾਨ ਕ੍ਰਿਕਟਰ ਗ੍ਰੇਗ ਚੈਪਲ ਨੇ ਖੁਲਾਸਾ ਕੀਤਾ ਹੈ ਕਿ ਉਹ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਉਸ ਦੇ ਦੋਸਤਾਂ ਨੇ ਉਸ ਦੀ ਮਦਦ ਲਈ ਪੈਸਾ ਇਕੱਠਾ ਕਰਨ ਲਈ ਇੱਕ ਆਨਲਾਈਨ ਮੁਹਿੰਮ ਸ਼ੁਰੂ ਕੀਤੀ ਹੈ। ਆਸਟ੍ਰੇਲੀਆ ਦਾ ਇਹ 75 ਸਾਲਾ ਸਾਬਕਾ ਕਪਤਾਨ 2005 ਤੋਂ 2007 ਤੱਕ ਭਾਰਤ ਦਾ ਮੁੱਖ ਕੋਚ ਵੀ ਰਿਹਾ ਸੀ ਅਤੇ ਉਨ੍ਹਾਂ ਦਾ ਕਾਰਜਕਾਲ ਵਿਵਾਦਪੂਰਨ ਰਿਹਾ ਸੀ।

ਇਹ ਵੀ ਪੜ੍ਹੋ : ਪੈਰਾ ਏਸ਼ੀਆਈ ਖੇਡਾਂ 'ਚ ਭਾਰਤ ਦਾ ਸ਼ਾਨਦਾਰ ਪ੍ਰਦਰਸ਼ਨ, ਹੁਣ ਤਕ 18 ਸੋਨ ਸਣੇ ਕੁਲ 80 ਤਮਗੇ ਕੀਤੇ ਆਪਣੇ ਨਾਂ

ਚੈਪਲ ਨੇ ਮੰਨਿਆ ਕਿ ਉਹ ਮੁਸ਼ਕਲ ਵਿੱਚ ਨਹੀਂ ਹਨ ਪਰ ਆਪਣੇ ਕ੍ਰਿਕਟ ਕਰੀਅਰ ਨੂੰ ਦੇਖਦੇ ਹੋਏ ਆਲੀਸ਼ਾਨ ਜ਼ਿੰਦਗੀ ਵੀ ਨਹੀਂ ਜੀ ਰਹੇ ਹਨ। ਚੈਪਲ ਨੇ ਕਿਹਾ, 'ਮੈਂ ਬਹੁਤ ਬੁਰੀ ਸਥਿਤੀ 'ਚ ਨਹੀਂ ਹਾਂ। ਮੈਂ ਨਿਸ਼ਚਤ ਤੌਰ 'ਤੇ ਇਹ ਨਹੀਂ ਦਿਖਾਉਣਾ ਚਾਹੁੰਦਾ ਕਿ ਅਸੀਂ ਗੰਭੀਰ ਸੰਕਟ ਵਿੱਚ ਹਾਂ ਕਿਉਂਕਿ ਅਸੀਂ ਨਹੀਂ ਹਾਂ, ਪਰ ਅਸੀਂ ਇੱਕ ਲਗਜ਼ਰੀ ਜ਼ਿੰਦਗੀ ਵੀ ਨਹੀਂ ਜੀ ਰਹੇ ਹਾਂ। ਮੈਨੂੰ ਲੱਗਦਾ ਹੈ ਕਿ ਜ਼ਿਆਦਾਤਰ ਲੋਕ ਸੋਚਦੇ ਹਨ ਕਿ ਕਿਉਂਕਿ ਅਸੀਂ ਕ੍ਰਿਕਟ ਖੇਡਦੇ ਹਾਂ ਅਸੀਂ ਸਾਰੇ ਲਗਜ਼ਰੀ ਜ਼ਿੰਦਗੀ ਜੀ ਰਹੇ ਹਾਂ। ਯਕੀਨਨ ਅਸੀਂ ਗਰੀਬ ਨਹੀਂ ਹਾਂ ਪਰ ਸਾਨੂੰ ਅੱਜ ਦੇ ਖਿਡਾਰੀਆਂ ਵਾਂਗ ਲਾਭ ਨਹੀਂ ਮਿਲ ਰਿਹਾ।

ਇਹ ਵੀ ਪੜ੍ਹੋ : ਕਪਤਾਨ ਦੇ ਤੌਰ 'ਤੇ ਬਾਬਰ ਆਜ਼ਮ ਦਾ ਭਵਿੱਖ WC 'ਚ ਉਨ੍ਹਾਂ ਦੇ ਪ੍ਰਦਰਸ਼ਨ 'ਤੇ ਨਿਰਭਰ, PCB ਨੇ ਦਿੱਤੇ ਸੰਕੇਤ

ਖਬਰਾਂ ਮੁਤਾਬਕ ਚੈਪਲ 'ਹਿਚਕ' ਦੇ ਨਾਲ 'ਗੋ-ਫੰਡ-ਮੀ' ਮੁਹਿੰਮ ਨੂੰ ਕਰਨ ਲਈ ਸਹਿਮਤ ਹੋ ਗਏ ਹਨ ਜੋ ਉਨ੍ਹਾਂ ਲਈ ਤਿਆਰ ਕੀਤੀ ਗਈ ਸੀ। ਇਸ ਦੇ ਤਹਿਤ ਪਿਛਲੇ ਹਫਤੇ ਮੈਲਬੌਰਨ ਕ੍ਰਿਕਟ ਗਰਾਊਂਡ 'ਤੇ ਦੁਪਹਿਰ ਦੇ ਖਾਣੇ ਦਾ ਆਯੋਜਨ ਕੀਤਾ ਗਿਆ ਸੀ, ਜਿਸ ਦੀ ਮੇਜ਼ਬਾਨੀ ਐਡੀ ਮੈਗਵਾਇਰ ਨੇ ਕੀਤੀ ਸੀ ਅਤੇ ਉਸ ਦੇ ਭਰਾ ਇਆਨ ਅਤੇ ਟ੍ਰੇਵਰ ਨੇ ਵੀ ਇਸ 'ਚ ਸ਼ਿਰਕਤ ਕੀਤੀ ਸੀ। ਚੈਪਲ ਨੇ ਕਿਹਾ ਕਿ ਉਹ ਆਪਣੇ ਦੌਰ ਦੇ ਇਕੱਲੇ ਅਜਿਹੇ ਖਿਡਾਰੀ ਨਹੀਂ ਹਨ ਜੋ ਵਿੱਤੀ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਹਨ। ਚੈਪਲ ਦੇ ਦੋਸਤ ਪੀਟਰ ਮੈਲੋਨੀ ਨੇ ਕਿਹਾ ਕਿ ਉਹ ਇਸ ਮੁਹਿੰਮ ਤੋਂ ਲਗਭਗ $250,000 ਇਕੱਠਾ ਕਰਨ ਦੀ ਉਮੀਦ ਕਰਦਾ ਹੈ ਜਿਸ ਨਾਲ ਕ੍ਰਿਕਟਰ ਦੇ ਆਖਰੀ ਸਾਲਾਂ ਦੇ ਜੀਵਨ ਦੀ ਗੁਣਵੱਤਾ ਵਿੱਚ ਕਾਫੀ ਸੁਧਾਰ ਦੀ ਉਮੀਦ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ