ਮੇਸੀ ਤੋਂ ਬਿਨਾਂ ਵੀ ਅਰਜਨਟੀਨਾ ਨੇ ਬੋਲੀਵੀਆ ਨੂੰ 3-0 ਨਾਲ ਹਰਾਇਆ

ਲਾ ਪਾਜ਼ (ਬੋਲੀਵੀਆ), (ਭਾਸ਼ਾ)- ਲਾ ਪਾਜ਼ ਦੇ ਉਚਾਈ ਵਾਲੇ ਸਥਾਨ 'ਤੇ ਬਣੇ ਸਟੇਡੀਅਮ ਦੇ ਮਾੜੇ ਹਾਲਾਤਾਂ ਅਤੇ ਸਟਾਰ ਸਟ੍ਰਾਈਕਰ ਲਿਓਨਿਲ ਮੇਸੀ ਦੀ ਗੈਰ-ਮੌਜੂਦਗੀ ਦੇ ਬਾਵਜੂਦ ਵਿਸ਼ਵ ਚੈਂਪੀਅਨ ਅਰਜਨਟੀਨਾ ਨੇ ਵਿਸ਼ਵ ਕੱਪ 2026 ਦੇ ਦੱਖਣੀ ਅਮਰੀਕੀ ਕੁਆਲੀਫਾਇੰਗ ਮੈਚ ਵਿੱਚ ਬੋਲੀਵੀਆ ਨੂੰ 3-0 ਨਾਲ ਹਰਾ ਕੇ ਆਪਣੀ ਜੇਤੂ ਮੁਹਿੰਮ ਜਾਰੀ ਰੱਖੀ।ਅਰਜਨਟੀਨਾ ਦੀ ਇਹ ਲਗਾਤਾਰ ਦੂਜੀ ਜਿੱਤ ਹੈ। ਉਸ ਨੇ ਪਹਿਲੇ ਹਾਫ ਵਿੱਚ ਦੋ ਗੋਲ ਕਰਕੇ ਆਪਣੀ ਜਿੱਤ ਯਕੀਨੀ ਬਣਾਈ। 

ਇਹ ਵੀ ਪੜ੍ਹੋ : ਕੁਲਦੀਪ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਵਨਡੇ ਵਿੱਚ ਸਭ ਤੋਂ ਤੇਜ਼ 150 ਵਿਕਟਾਂ ਲੈਣ ਵਾਲਾ ਭਾਰਤੀ ਸਪਿਨਰ ਬਣਿਆ

ਇਸ ਦੌਰਾਨ ਅਰਜਨਟੀਨਾ ਦਾ ਕੰਮ ਉਦੋਂ ਆਸਾਨ ਹੋ ਗਿਆ ਜਦੋਂ ਬੋਲੀਵੀਆ ਦੇ ਰੌਬਰਟੋ ਫਰਨਾਂਡੇਜ਼ ਨੂੰ 39ਵੇਂ ਮਿੰਟ ਵਿੱਚ ਲਾਲ ਕਾਰਡ ਮਿਲਿਆ। ਮੇਸੀ ਥਕਾਵਟ ਕਾਰਨ ਇਸ ਮੈਚ ਵਿੱਚ ਨਹੀਂ ਖੇਡ ਸਕਿਆ। ਉਸਦੀ ਗੈਰ-ਮੌਜੂਦਗੀ ਵਿੱਚ, ਤਜਰਬੇਕਾਰ ਐਂਜਲ ਡੀ ਮਾਰੀਆ ਨੇ ਟੀਮ ਦੀ ਅਗਵਾਈ ਕੀਤੀ। ਡੀ ਮਾਰੀਆ ਦੀ ਕੋਸ਼ਿਸ਼ ਨਾਲ ਐਨਜ਼ੋ ਫਰਨਾਂਡੇਜ਼ ਨੇ 31ਵੇਂ ਮਿੰਟ ਵਿੱਚ ਪਹਿਲਾ ਗੋਲ ਕੀਤਾ। ਨਿਕੋਲਸ ਟੈਗਲਿਯਾਫੀਕੋ ਨੇ 42ਵੇਂ ਮਿੰਟ ਵਿੱਚ ਦੂਜਾ ਅਤੇ ਨਿਕੋ ਗੋਂਜਾਲੇਜ਼ ਨੇ 83ਵੇਂ ਮਿੰਟ ਵਿੱਚ ਤੀਜਾ ਗੋਲ ਕਰਕੇ ਅਰਜਨਟੀਨਾ ਦੀ ਆਸਾਨ ਜਿੱਤ ਯਕੀਨੀ ਬਣਾਈ। ਉਰੂਗਵੇ ਕੋਲ ਅਰਜਨਟੀਨਾ ਨਾਲ ਬਰਾਬਰੀ ਕਰਨ ਦਾ ਮੌਕਾ ਸੀ ਪਰ ਉਸ ਦੀ ਟੀਮ ਇਕਵਾਡੋਰ ਤੋਂ 2-1 ਨਾਲ ਹਾਰ ਗਈ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ