ਯੂਰੋ 2024 : ਪੁਰਤਗਾਲ ਨੇ ਚੈੱਕ ਗਣਰਾਜ ਨੂੰ ਹਰਾ ਕੇ ਜਿੱਤ ਨਾਲ ਕੀਤੀ ਸ਼ੁਰੂਆਤ
06/19/2024 4:44:11 PM
ਲੀਪਜ਼ਿਗ : ਸਟਾਪੇਜ ਟਾਈਮ ਵਿੱਚ ਸਬਸਟੀਟਿਊਟ ਫ੍ਰਾਂਸਿਸਕੋ ਕੋਨਸੀਕਾਓ ਦੇ ਗੋਲ ਦੀ ਮਦਦ ਨਾਲ ਪੁਰਤਗਾਲ ਨੇ ਯੂਰਪੀਅਨ ਫੁੱਟਬਾਲ ਚੈਂਪੀਅਨਸ਼ਿਪ ਦੇ ਮੈਚ ਵਿੱਚ ਚੈੱਕ ਗਣਰਾਜ ਨੂੰ 2.1 ਨਾਲ ਹਰਾ ਕੇ ਜਿੱਤ ਨਾਲ ਸ਼ੁਰੂਆਤ ਕੀਤੀ। 90ਵੇਂ ਮਿੰਟ 'ਚ ਮੈਦਾਨ 'ਤੇ ਆਏ ਕੋਨਸੀਕਾਓ ਨੇ 92ਵੇਂ ਮਿੰਟ 'ਚ ਗੋਲ ਦਾਗ ਦਿੱਤਾ।
ਚੈੱਕ ਗਣਰਾਜ ਲਈ ਲੁਕਾਸ ਪ੍ਰੋਵੋਡ ਨੇ 62ਵੇਂ ਮਿੰਟ ਵਿੱਚ ਗੋਲ ਕੀਤਾ। ਇਸ ਦੇ ਅੱਠ ਮਿੰਟ ਬਾਅਦ ਰਾਨਾਕ ਨੇ ਰਿਬਾਉਂਡ 'ਤੇ ਪੁਰਤਗਾਲ ਲਈ ਬਰਾਬਰੀ ਵਾਲਾ ਗੋਲ ਕੀਤਾ। ਇਸ ਤੋਂ ਕਰੀਬ 24 ਸਾਲ ਪਹਿਲਾਂ ਕੋਨਸੀਕਾਓ ਦੇ ਪਿਤਾ ਸਰਜੀਓ ਨੇ ਹੈਟ੍ਰਿਕ ਬਣਾ ਕੇ ਡਿਫੈਂਡਿੰਗ ਚੈਂਪੀਅਨ ਜਰਮਨੀ ਨੂੰ ਯੂਰੋ 2000 ਤੋਂ ਬਾਹਰ ਕਰ ਦਿੱਤਾ ਸੀ। ਛੇ ਯੂਰੋ ਚੈਂਪੀਅਨਸ਼ਿਪ ਖੇਡਣ ਵਾਲੇ ਪਹਿਲੇ ਖਿਡਾਰੀ ਬਣੇ ਸੁਪਰਸਟਾਰ ਕ੍ਰਿਸਟੀਆਨੋ ਰੋਨਾਲਡੋ ਕੋਈ ਗੋਲ ਨਹੀਂ ਕਰ ਸਕੇ। ਉਹ ਟੂਰਨਾਮੈਂਟ ਦੇ ਇਤਿਹਾਸ ਵਿੱਚ ਪੁਰਤਗਾਲ ਲਈ 14 ਗੋਲ ਕਰ ਚੁੱਕੇ ਹਨ।
