ਭਾਰਤ-ਦੱਖਣੀ ਅਫਰੀਕਾ ਟੈਸਟ ਸੀਰੀਜ਼ ''ਚ ਜੋ ਭਾਵਨਾਵਾਂ ਸਨ ਉਹ ਏਸ਼ੇਜ਼ ''ਚ ਨਹੀਂ ਦਿੱਸੀਆਂ : ਇਆਨ ਚੈਪਲ
01/17/2022 10:34:49 AM
ਸਪੋਰਟਸ ਡੈਸਕ- ਆਸਟਰੇਲੀਆ ਦੇ ਮਹਾਨ ਕ੍ਰਿਕਟਰ ਇਆਨ ਚੈਪਲ ਨੂੰ ਲਗਦਾ ਹੈ ਕਿ ਭਾਰਤ ਤੇ ਦੱਖਣੀ ਅਫ਼ਰੀਕਾ ਦਰਮਿਆਨ ਸਮਾਪਤ ਹੋਈ ਟੈਸਟ ਸੀਰੀਜ਼ ਦੇ ਦੌਰਾਨ ਭਾਵਨਾਵਾਂ ਦਿਖਾਈ ਦਿੱਤੀਆਂ ਜਦਕਿ ਇਕਪਾਸੜ ਏਸ਼ੇਜ਼ ਸੀਰੀਜ਼ 'ਚ ਇਸ ਦੀ ਪੂਰੀ ਤਰ੍ਹਾਂ ਕਮੀ ਦਿਖਾਈ ਦਿੱਤੀ। ਤਿੰਨ ਮੈਚਾਂ ਦੀ ਸੀਰੀਜ਼ ਦੇ ਸ਼ੁਰੂਆਤੀ ਮੈਚ 'ਚ ਕਰਾਰੀ ਹਾਰ ਝੱਲਣ ਦੇ ਬਾਅਦ ਦੱਖਣੀ ਅਫਰੀਕਾ ਨੇ ਸ਼ਾਨਦਾਰ ਤਰੀਕੇ ਨਾਲ ਵਾਪਸੀ ਕਰਦੇ ਹੋਏ ਦੂਜੇ ਤੇ ਤੀਜੇ ਟੈਸਟ 'ਚ ਜਿੱਤ ਦਰਜ ਕਰਕੇ ਸੀਰੀਜ਼ ਨੂੰ 2-1 ਨਾਲ ਆਪਣੇ ਨਾ ਕਰ ਲਿਆ।
ਚੈਪਲ ਨੇ ਲਿਖਿਆ ਕਿ ਦੱਖਣੀ ਅਫ਼ਰੀਕਾ ਨੇ ਹੈਰਾਨੀ ਭਰੇ ਤਰੀਕੇ ਨਾਲ ਭਾਰਤ ਨੂੰ ਪੁਰਾਣੇ ਜ਼ਮਾਨੇ ਦੀ 'ਡਾਗਫਾਈਟ' ਦੀ ਤਰ੍ਹਾਂ ਹਰਾ ਦਿੱਤਾ ਜਿਸ 'ਚ ਕੁਝ ਰੋਮਾਂਚਕਾਰੀ ਕ੍ਰਿਕਟ ਸ਼ਾਮਲ ਸੀ। ਇਸ 'ਚ ਉਸ ਤਰ੍ਹਾਂ ਦੀਆਂ ਕਾਫ਼ੀ ਭਾਵਨਾਵਾਂ ਸਨ ਜੋ ਏਸ਼ੇਜ਼ ਮੁਕਾਬਲਿਆਂ ਦੇ ਦੌਰਾਨ ਪੂਰੀ ਤਰ੍ਹਾਂ ਨਾਲ ਗ਼ਾਇਬ ਸਨ।
ਇਹ ਵੀ ਪੜ੍ਹੋ : ICC ਅੰਡਰ-19 ਵਿਸ਼ਵ ਕੱਪ : ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ 45 ਦੌੜਾਂ ਨਾਲ ਹਰਾਇਆ
ਇਸ ਸਾਬਕਾ ਆਸਟਰੇਲੀਆਈ ਕਪਤਾਨ ਨੇ ਕਿਹਾ ਕਿ ਦੱਖਣੀ ਅਫ਼ਰੀਕਾ ਸੀਰੀਜ਼ 'ਚ ਅਜਿਹੀਆਂ ਪਿੱਚਾਂ 'ਤੇ ਪੂਰੀ ਤਰ੍ਹਾਂ ਨਾਲ ਗੇਂਦਬਾਜ਼ਾਂ ਦਾ ਦਬਦਬਾ ਦਿਸਿਆ ਜੋ ਸ਼ਾਇਦ ਫੀਲਡਿੰਗ ਕਰ ਰਹੀ ਟੀਮ ਲਈ ਜ਼ਿਆਦਾ ਫ਼ਾਇਦੇਮੰਦ ਸੀ ਪਰ ਕੁਝ ਸ਼ਾਨਦਾਰ ਬੱਲੇਬਾਜ਼ੀ ਵੀ ਦਿਖਾਈ ਦਿੱਤੀ। ਇਸ 'ਚ ਦੋਵੇਂ ਟੀਮਾਂਪੂਰੀ ਸੀਰੀਜ਼ 'ਚ ਇਕ ਦੂਜੇ ਨੂੰ ਚਣੌਤੀ ਦਿੰਦੀਆਂ ਰਹੀਆਂ ਜਦਕਿ ਰਿਵਾਇਤੀ ਮੁਕਾਬਲੇਬਾਜ਼ ਆਸਟਰੇਲੀਆ ਤੇ ਇੰਗਲੈਂਡ ਦਰਮਿਆਨ ਏਸ਼ੇਜ਼ ਸੀਰੀਜ਼ ਪੂਰੀ ਤਰ੍ਹਾਂ ਨਾਲ ਇਕਪਾਸੜ ਰਹੀ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
