ਈਸਟ ਦਿੱਲੀ ਰਾਈਡਰਜ਼ ਦਿੱਲੀ ਪ੍ਰੀਮੀਅਰ ਲੀਗ ਦੇ ਫਾਈਨਲ ''ਚ

ਨਵੀਂ ਦਿੱਲੀ- ਈਸਟ ਦਿੱਲੀ ਰਾਈਡਰਜ਼ ਨੇ ਹਰਸ਼ ਤਿਆਗੀ ਦੇ ਹਰਫਨਮੌਲਾ ਖੇਡ ਦੀ ਮਦਦ ਨਾਲ ਨਾਰਥ ਦਿੱਲੀ ਸਟ੍ਰਾਈਕਰਜ਼ ਨੂੰ ਚਾਰ ਵਿਕਟਾਂ ਨਾਲ ਹਰਾ ਕੇ ਦਿੱਲੀ ਪ੍ਰੀਮੀਅਰ ਲੀਗ (ਡੀ.ਪੀ.ਐੱਲ.) ਦੇ ਫਾਈਨਲ ਵਿਚ ਪ੍ਰਵੇਸ਼ ਕਰ ਲਿਆ ਹੈ। ਰਾਈਡਰਜ਼ ਦਾ ਐਤਵਾਰ ਨੂੰ ਹੋਣ ਵਾਲੇ ਫਾਈਨਲ ਵਿੱਚ ਦੱਖਣੀ ਦਿੱਲੀ ਸੁਪਰਸਟਾਰਜ਼ ਅਤੇ ਪੁਰਾਣੀ ਦਿੱਲੀ 6 ਦੇ ਵਿਚਾਲੇ ਦੂਜੇ ਸੈਮੀਫਾਈਨਲ ਦੇ ਜੇਤੂ ਨਾਲ ਮੁਕਾਬਲਾ ਹੋਵੇਗਾ।
ਮੀਂਹ ਕਾਰਨ ਮੈਚ ਨੂੰ ਪ੍ਰਤੀ ਟੀਮ 18 ਓਵਰਾਂ ਦਾ ਕਰ ਦਿੱਤਾ ਗਿਆ ਜਿਸ ਤੋਂ ਬਾਅਦ ਨਾਰਥ ਦਿੱਲੀ ਸਟ੍ਰਾਈਕਰਜ਼ ਨੇ ਚਾਰ ਵਿਕਟਾਂ 'ਤੇ 173 ਦੌੜਾਂ ਬਣਾਈਆਂ। ਈਸਟ ਦਿੱਲੀ ਨੇ ਇਸ ਦੇ ਜਵਾਬ 'ਚ ਤਿਆਗੀ ਦੀਆਂ 17 ਗੇਂਦਾਂ ’ਤੇ ਨਾਬਾਦ 43 ਦੌੜਾਂ ਦੀ ਬਦੌਲਤ 17.3 ਓਵਰਾਂ ਵਿੱਚ ਛੇ ਵਿਕਟਾਂ ’ਤੇ 177 ਦੌੜਾਂ ਬਣਾ ਕੇ ਟੀਚਾ ਹਾਸਲ ਕਰ ਲਿਆ। ਤਿਆਗੀ ਤੋਂ ਇਲਾਵਾ ਉਸ ਦੀ ਤਰਫੋਂ ਹਿੰਮਤ ਸਿੰਘ ਨੇ 27 ਦੌੜਾਂ ਦਾ ਯੋਗਦਾਨ ਦਿੱਤਾ। ਇਸ ਤੋਂ ਪਹਿਲਾਂ ਤਿਆਗੀ ਨੇ ਵੀ 17 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ ਸਨ। ਨਾਰਥ ਦਿੱਲੀ ਵਲੋਂ ਵੈਭਵ ਕਾਂਡਪਾਲ ਨੇ ਸਭ ਤੋਂ ਵੱਧ 39 ਦੌੜਾਂ ਬਣਾਈਆਂ।