ਕੋਵਿਡ ਮਹਾਮਾਰੀ ਕਾਰਨ ਲੋਕਾਂ ਦਾ ਫਿਟਨੈੱਸ ''ਤੇ ਧਿਆਨ ਕਈ ਗੁਣਾ ਵਧਿਆ ਹੈ : ਸਚਿਨ ਤੇਂਦੁਲਕਰ

ਮੁੰਬਈ : ਸਚਿਨ ਤੇਂਦੁਲਕਰ ਐਤਵਾਰ ਨੂੰ ਮੁੰਬਈ ਹਾਫ ਮੈਰਾਥਨ ਨੂੰ ਹਰੀ ਝੰਡੀ ਦਿਖਾਉਣਗੇ, ਜੋ ਕੋਵਿਡ-19 ਕਾਰਨ ਬਰੇਕ ਤੋਂ ਬਾਅਦ ਵਾਪਸੀ ਕਰੇਗੀ। ਇਸ ਵਿੱਚ 13 ਹਜ਼ਾਰ 500 ਤੋਂ ਵੱਧ ਦੌੜਾਕ ਹਿੱਸਾ ਲੈਣਗੇ। ਦੌੜਾਕ ਤਿੰਨ ਵੱਖ-ਵੱਖ ਵਰਗਾਂ ਵਿੱਚ ਮੁਕਾਬਲਾ ਪੇਸ਼ ਕਰਨਗੇ। 21 ਕੇ (km) ਵਰਗ ਵਿੱਚ ਚਾਰ ਹਜ਼ਾਰ ਤੋਂ ਵੱਧ ਦੌੜਾਕ ਚੁਣੌਤੀ ਪੇਸ਼ ਕਰਨਗੇ। ਸੱਤ ਹਜ਼ਾਰ ਦੌੜਾਕ 10K ਅਤੇ ਢਾਈ ਹਜ਼ਾਰ ਦੌੜਾਕ 5K ਵਰਗ ਵਿੱਚ ਹਿੱਸਾ ਲੈਣਗੇ।

ਹਾਫ ਮੈਰਾਥਨ ਅਤੇ 10,000 ਮੀਟਰ ਦੌੜ ਦੇ ਜੇਤੂਆਂ ਨੂੰ ਸਨਮਾਨਿਤ ਕਰਨ ਵਾਲੇ ਤੇਂਦੁਲਕਰ ਨੇ ਕਿਹਾ- 'ਕਸਰਤ ਦੇ ਤੌਰ 'ਤੇ ਦੌੜਨ ਦੇ ਬਹੁਤ ਸਾਰੇ ਫਾਇਦੇ ਹਨ, ਇਸ ਨਾਲ ਤੁਹਾਨੂੰ ਸਰੀਰਕ ਅਤੇ ਮਾਨਸਿਕ ਤੰਦਰੁਸਤੀ ਮਿਲਦੀ ਹੈ। ਉਨ੍ਹਾਂ ਕਿਹਾ - ਜਦੋਂ ਤੋਂ ਕੋਵਿਡ ਮਹਾਮਾਰੀ ਸ਼ੁਰੂ ਹੋਈ ਹੈ, ਫਿੱਟਨੈਸ 'ਤੇ ਧਿਆਨ ਕਈ ਗੁਣਾ ਵੱਧ ਗਿਆ ਹੈ ਅਤੇ ਲੋਕਾਂ ਨੂੰ ਇੱਕ ਸਰਗਰਮ ਅਤੇ ਸਿਹਤਮੰਦ ਜੀਵਨ ਸ਼ੈਲੀ ਦੀ ਮਹੱਤਤਾ ਦਾ ਅਹਿਸਾਸ ਹੋਇਆ ਹੈ।

ਹਾਫ ਮੈਰਾਥਨ ਬੀਕੇਸੀ ਦੇ ਜੀਓ ਗਾਰਡਨ ਤੋਂ ਸ਼ੁਰੂ ਅਤੇ ਸਮਾਪਤ ਹੋਵੇਗੀ। ਹਾਫ-ਮੈਰਾਥਨ (21K) ਸਵੇਰੇ 5:15 ਵਜੇ ਸ਼ੁਰੂ ਹੋਵੇਗੀ, 10K ਦੌੜ ਸਵੇਰੇ 6:20 ਵਜੇ ਸ਼ੁਰੂ ਹੋਵੇਗੀ ਅਤੇ 5K ਦੌੜ ਸਵੇਰੇ 8:00 ਵਜੇ ਸ਼ੁਰੂ ਹੋਵੇਗੀ। ਭਾਰਤੀ ਜਲ ਸੈਨਾ ਦੇ ਦੋ ਹਜ਼ਾਰ ਤੋਂ ਵੱਧ ਦੌੜਾਕ ਵੀ ਇਸ ਵਿੱਚ ਹਿੱਸਾ ਲੈਣਗੇ। ਹਾਫ ਮੈਰਾਥਨ ਵਿੱਚ ਸਭ ਤੋਂ ਵੱਡੀ ਉਮਰ ਦੇ ਪੁਰਸ਼ ਭਾਗੀਦਾਰ ਦੀ ਉਮਰ 82 ਸਾਲ ਅਤੇ ਸਭ ਤੋਂ ਵੱਡੀ ਉਮਰ ਦੀ ਮਹਿਲਾ ਭਾਗੀਦਾਰ ਦੀ ਉਮਰ 72 ਸਾਲ ਹੋਵੇਗੀ। ਸਭ ਤੋਂ ਘੱਟ ਉਮਰ ਦੇ ਦੌੜਾਕ ਇੱਕ ਸੱਤ ਸਾਲ ਦੀ ਕੁੜੀ ਅਤੇ ਇੱਕ ਅੱਠ ਸਾਲ ਦਾ ਲੜਕਾ ਹੋਵੇਗਾ ਜੋ ਦੋਵੇਂ 5K ਸ਼੍ਰੇਣੀ ਵਿੱਚ ਚੁਣੌਤੀ ਦੇਣਗੇ।