ਪੈਰਿਸ ਓਲੰਪਿਕ ਖੇਡਣਗੇ ਜੋਕੋਵਿਚ, ਸਰਬੀਆਈ ਓਲੰਪਿਕ ਕਮੇਟੀ ਨੇ ਕੀਤੀ ਪੁਸ਼ਟੀ

ਲੰਡਨ- ਸਰਬੀਆਈ ਓਲੰਪਿਕ ਕਮੇਟੀ ਨੇ ਪੁਸ਼ਟੀ ਕੀਤੀ ਹੈ ਕਿ ਨੋਵਾਕ ਜੋਕੋਵਿਚ ਆਉਣ ਵਾਲੀਆਂ ਪੈਰਿਸ ਓਲੰਪਿਕ ਵਿੱਚ ਹਿੱਸਾ ਲੈਣਗੇ। ਫਰੈਂਚ ਓਪਨ ਦੇ ਕੁਆਰਟਰ ਫਾਈਨਲ ਤੋਂ ਪਹਿਲਾਂ ਗੋਡੇ ਦੀ ਸਰਜਰੀ ਕਾਰਨ ਪਿੱਛੇ ਹਟਣ ਵਾਲੇ ਜੋਕੋਵਿਚ ਨੇ ਉਮੀਦ ਜਤਾਈ ਕਿ ਉਹ ਜਲਦੀ ਹੀ ਮੁਕਾਬਲੇ ਵਿੱਚ ਵਾਪਸੀ ਕਰਨਗੇ।
ਸਰਬੀਆਈ ਕਮੇਟੀ ਨੇ ਕਿਹਾ ਕਿ ਜੋਕੋਵਿਚ ਨੇ ਪੈਰਿਸ ਓਲੰਪਿਕ ਵਿੱਚ ਖੇਡਣ ਦੀ ਪੁਸ਼ਟੀ ਕਰ ਦਿੱਤੀ ਹੈ ਜੋ ਉਸ ਦਾ ਪੰਜਵਾਂ ਓਲੰਪਿਕ ਹੋਵੇਗਾ। ਜੋਕੋਵਿਚ ਨੇ ਕਿਹਾ ਕਿ ਉਨ੍ਹਾਂ ਦੇ ਸੱਜੇ ਗੋਡੇ ਦੀ ਸਰਜਰੀ ਸਫਲ ਰਹੀ ਹੈ। ਪੈਰਿਸ ਓਲੰਪਿਕ ਦੇ ਟੈਨਿਸ ਮੁਕਾਬਲੇ 27 ਜੁਲਾਈ ਤੋਂ ਸ਼ੁਰੂ ਹੋਣਗੇ। ਜੋਕੋਵਿਚ ਨੇ 2008 ਬੀਜਿੰਗ ਓਲੰਪਿਕ ਵਿੱਚ ਆਪਣੇ ਡੈਬਿਊ ਵਿੱਚ ਕਾਂਸੀ ਦਾ ਤਮਗਾ ਜਿੱਤਿਆ ਸੀ।