ਸ਼ਤਰੰਜ ਓਲੰਪੀਆਡ : ਭਾਰਤੀ ਪੁਰਸ਼ ਟੀਮ ਨੇ ਮੋਰੱਕੋ ਨੂੰ, ਮਹਿਲਾਵਾਂ ਨੇ ਜਮੈਕਾ ਨੂੰ ਹਰਾਇਆ

ਬੁਡਾਪੇਸਟ- ਭਾਰਤੀ ਪੁਰਸ਼ ਟੀਮ ਨੇ 45ਵੇਂ ਸ਼ਤਰੰਜ ਓਲੰਪੀਆਡ ਵਿਚ ਸ਼ਾਨਦਾਰ ਸ਼ੁਰੂਆਤ ਕਰਦੇ ਹੋਏ ਮੋਰੱਕੋ ਨੂੰ 4.0 ਨਾਲ ਹਰਾਇਆ। ਇਸ ਤੋਂ ਬਾਅਦ ਭਾਰਤੀ ਮਹਿਲਾ ਟੀਮ ਨੇ ਜਮੈਕਾ 'ਤੇ 3.5-0.5 ਨਾਲ ਜਿੱਤ ਦਰਜ ਕੀਤੀ। ਵਿਸ਼ਵ ਚੈਂਪੀਅਨਸ਼ਿਪ ਦੇ ਚੈਲੰਜਰ ਡੀ ਗੁਕੇਸ਼ ਨੇ ਪਹਿਲੇ ਦੌਰ ਤੋਂ ਬ੍ਰੇਕ ਲੈ ਲਈ ਹੈ। ਆਰ ਪ੍ਰਗਨਾਨੰਦਾ ਨੇ ਸ਼ੁਰੂਆਤ ਕਰਦੇ ਹੋਏ ਤਿਸਿਰ ਮੁਹੰਮਦ ਨੂੰ ਹਰਾਇਆ।
ਵਿਦਿਤ ਗੁਜਰਾਤੀ, ਅਰਜੁਨ ਇਰੀਗੇਸੀ ਅਤੇ ਪੀ ਹਰੀਕ੍ਰਿਸ਼ਨ ਨੇ ਵੀ ਆਪਣੇ-ਆਪਣੇ ਮੁਕਾਬਲੇ ਜਿੱਤੇ। ਮਹਿਲਾ ਵਰਗ ਵਿੱਚ ਆਰ ਵੈਸ਼ਾਲੀ, ਦਿਵਿਆ ਦੇਸ਼ਮੁੱਖ ਅਤੇ ਤਾਨੀਆ ਸਚਦੇਵ ਜੇਤੂ ਰਹੇ ਜਦਕਿ ਵੰਤਿਕਾ ਅਗਰਵਾਲ ਨੇ ਡਰਾਅ ਖੇਡਿਆ।