ਬਾਤਸ਼ੂਆਈ ਦੇ ਗੋਲ ਨਾਲ ਚੇਲਸੀ ਨੇ ਅਯਾਕਸ ਖਿਲਾਫ ਦਰਜ ਕੀਤੀ ਜਿੱਤ

ਸਪੋਰਟਸ ਡੈਸਕ— ਚੇਲਸੀ ਦੀ ਨੌਜਵਾਨ ਟੀਮ ਨੇ ਮਿਸ਼ੀ ਬਾਤਸ਼ੂਆਈ ਦੇ ਆਖਰੀ ਪਲਾਂ 'ਚ ਕੀਤੇ ਗੋਲ ਦੀ ਬਦੌਲਤ ਇੱਥੇ ਚੈਂਪੀਅਨਸ ਲੀਗ 'ਚ ਅਯਾਕਸ ਨੂੰ 1-0 ਨਾਲ ਹਰਾ ਕੇ ਨਾਕਆਊਟ ਰਾਊਂਡ 'ਚ ਜਗ੍ਹਾ ਬਣਾਉਣ ਦੀਆਂ ਉਮੀਦਾਂ ਨੂੰ ਜਿਊਂਦੇ ਰੱਖਿਆ ਹੈ। ਬਦਲਵੇਂ ਖਿਡਾਰੀ ਬਾਤਸ਼ੂਆਈ ਨੇ 86ਵੇਂ ਮਿੰਟ 'ਚ ਗੋਲ ਕਰ ਕੇ ਚੇਲਸੀ ਦੀ ਜਿੱਤ ਤੈਅ ਕੀਤੀ। ਇਸ ਜਿੱਤ ਨਾਲ ਚੇਲਸੀ ਦੇ ਗਰੁੱਪ-ਐੱਚ 'ਚੋਂ 6 ਅੰਕ ਹੋ ਗਏ ਹਨ। ਪਿਛਲੇ ਸਾਲ ਸੈਮੀਫਾਈਨਲ 'ਚ ਜਗ੍ਹਾ ਬਣਾਉਣ ਵਾਲੇ ਅਯਾਕਸ ਦੇ ਵੀ ਛੇ ਅੰਕ ਹਨ।

ਉਥੇ ਹੀ ਦੂਜੇ ਪਾਸੇ ਲਿਓਨੇਲ ਮੇਸੀ ਦੇ ਰਿਕਾਰਡ ਗੋਲ ਨਾਲ ਬਾਰਸੀਲੋਨਾ ਚੈਂਪੀਅਨਸ ਲੀਗ ਫੁੱਟਬਾਲ ਟੂਰਨਾਮੈਂਟ ਦੇ ਗਰੁਪ ਐੱਫ 'ਚ ਬੁੱਧਵਾਰ ਨੂੰ ਸਲੇਵਿਆ ਪ੍ਰਾਗ ਨੂੰ 2-1 ਨਾਲ ਹਰਾ ਕੇ ਅੰਕ ਸੂਚੀ ਵਿਚ ਚੋਟੀ 'ਤੇ ਪਹੁੰਚ ਗਿਆ। ਉਹ ਚੈਂਪੀਅਨਸ ਲੀਗ 'ਚ ਲਗਾਤਾਰ 15 ਸੈਸ਼ਨ 'ਚ ਘੱਟੋਂ-ਘੱਟ ਇਕ ਗੋਲ ਕਰਨ ਵਾਲੇ ਦੁਨੀਆ ਦੇ ਪਹਿਲੇ ਖਿਡਾਰੀ ਬਣੇ। ਮਿਡਲ ਆਰਡਰ ਤਕ ਬਾਰਸੀਲੋਨਾ ਦੀ ਟੀਮ 1-0 ਨਾਲ ਅੱਗੇ ਸੀ। ਦੂਜੇ ਹਾਫ ਦੇ 5ਵੇਂ ਮਿੰਟ ਵਿਚ ਲੁਕਾਸ ਮਾਸੋਪਸਟ ਦੇ ਬਿਹਤਰੀਨ ਪਾਸ ਨੂੰ ਗੋਲ 'ਚ ਬਦਲ ਕੇ ਯਾਨ ਬੋਰਿਲ ਨੇ ਸਲੇਵਿਆ ਪ੍ਰਾਗ ਨੂੰ ਹਰਾਇਆ। ਸਲੇਵਿਆ ਦੇ ਵਿੰਗਰ ਪੀਟਰ ਓਲਾਯਿੰਕਾ ਹਾਲਾਂਕਿ 57ਵੇਂ ਮਿੰਟ 'ਚ ਗੋਲ ਕਰ ਬੈਠੇ ਜਿਸ ਨਾਲ ਬਾਰਸੀਲੋਨਾ ਨੇ 2-1 ਨਾਲ ਬੜ੍ਹਤ ਬਣਾ ਲਈ ਜੋ ਫੈਸਲਾਕੁੰਨ ਸਾਬਤ ਹੋਈ।