ਕਾਰਲਸਨ ਨੇ ਗੁਕੇਸ਼ ਨੂੰ ਹਰਾਇਆ, ਲੀਡ ਹਾਸਲ ਕੀਤੀ

ਜ਼ਗਰੇਬ- ਮੈਗਨਸ ਕਾਰਲਸਨ ਨੇ ਬਲਿਟਜ਼ ਫਾਰਮੈਟ ਵਿੱਚ ਭਾਰਤ ਦੇ ਡੀ ਗੁਕੇਸ਼ ਨੂੰ ਹਰਾ ਕੇ ਇੱਥੇ ਖੇਡੇ ਜਾ ਰਹੇ 2025 ਸੁਪਰਯੂਨਾਈਟਿਡ ਕ੍ਰੋਏਸ਼ੀਆ ਰੈਪਿਡ ਐਂਡ ਬਲਿਟਜ਼ ਵਿੱਚ ਲੀਡ ਹਾਸਲ ਕੀਤੀ। ਗੁਕੇਸ਼ ਨੇ 3 ਜੁਲਾਈ ਨੂੰ ਰੈਪਿਡ ਫਾਰਮੈਟ ਵਿੱਚ ਕਾਰਲਸਨ ਨੂੰ ਹਰਾਇਆ ਸੀ, ਪਰ ਨਾਰਵੇਈ ਖਿਡਾਰੀ ਨੇ ਕੱਲ੍ਹ ਉਸ ਉੱਤੇ ਆਸਾਨੀ ਨਾਲ ਜਿੱਤ ਪ੍ਰਾਪਤ ਕੀਤੀ। 

ਗੁਕੇਸ਼ ਕਲਾਸੀਕਲ ਫਾਰਮੈਟ ਵਿੱਚ ਵਿਸ਼ਵ ਨੰਬਰ 1 ਹੈ, ਜਦੋਂ ਕਿ ਕਾਰਲਸਨ ਰੈਪਿਡ ਐਂਡ ਬਲਿਟਜ਼ ਫਾਰਮੈਟ ਵਿੱਚ ਵਿਸ਼ਵ ਨੰਬਰ 1 ਹੈ। 2025 ਸੁਪਰਯੂਨਾਈਟਿਡ ਕ੍ਰੋਏਸ਼ੀਆ ਰੈਪਿਡ ਐਂਡ ਬਲਿਟਜ਼ ਦੇ ਰੈਪਿਡ ਫਾਰਮੈਟ ਵਿੱਚ ਸਿਖਰ 'ਤੇ ਰਹਿਣ ਵਾਲੇ ਗੁਕੇਸ਼ ਦਾ ਸ਼ਨੀਵਾਰ ਨੂੰ ਦਿਨ ਬਹੁਤ ਮਾੜਾ ਰਿਹਾ, ਕਿਉਂਕਿ ਗੁਕੇਸ਼ ਬਲਿਟਜ਼ ਦੇ ਨੌਂ ਦੌਰਾਂ ਵਿੱਚੋਂ ਸੱਤ ਹਾਰ ਗਿਆ ਹੈ। ਉਸਦੀ ਇੱਕੋ ਇੱਕ ਜਿੱਤ ਵਿਸ਼ਵ ਨੰਬਰ ਤਿੰਨ ਫੈਬੀਆਨੋ ਕਾਰੂਆਨਾ ਦੇ ਖਿਲਾਫ ਸੀ, ਅਤੇ ਉਸਨੇ ਹਮਵਤਨ ਅਨੀਸ਼ ਗਿਰੀ ਦੇ ਖਿਲਾਫ ਡਰਾਅ ਖੇਡਿਆ। ਕਾਰਲਸਨ ਹੁਣ ਕੁੱਲ 17.5 ਅੰਕਾਂ ਨਾਲ ਅੰਕ ਸੂਚੀ ਵਿੱਚ ਸਿਖਰ 'ਤੇ ਹੈ, ਜਾਨ-ਕ੍ਰਿਜ਼ਟੋਫ ਡੂਡਾ 16 ਅੰਕਾਂ ਨਾਲ ਦੂਜੇ ਅਤੇ ਡੀ ਗੁਕੇਸ਼ 15.5 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਹੈ। ਐਤਵਾਰ ਨੂੰ ਨੌਂ ਹੋਰ ਦੌਰ ਖੇਡੇ ਜਾਣੇ ਹਨ।