IPL 2022: ਹਾਰ ਤੋਂ ਬਾਅਦ ਬੋਲੇ ਸ਼੍ਰੇਅਸ ਅਈਅਰ, ਬ੍ਰੇਬੋਰਨ ਸਾਡੀ ਟੀਮ ਲਈ ਚੰਗਾ ਮੈਦਾਨ ਸਾਬਤ ਨਹੀਂ ਹੋਇਆ
Tuesday, Apr 19, 2022 - 02:53 PM (IST)
ਮੁੰਬਈ (ਏਜੰਸੀ)- ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਕਪਤਾਨ ਸ਼੍ਰੇਅਸ ਅਈਅਰ ਨੇ ਸੋਮਵਾਰ ਨੂੰ ਰਾਜਸਥਾਨ ਰਾਇਲਜ਼ ਤੋਂ ਮਿਲੀ 7 ਦੌੜਾਂ ਦੀ ਹਾਰ ਤੋਂ ਬਾਅਦ ਕਿਹਾ ਕਿ ਅਸੀਂ ਲੋੜੀਂਦੀ ਰਨ ਰੇਟ ਦੇ ਅਨੁਸਾਰ ਬੱਲੇਬਾਜ਼ੀ ਕਰ ਰਹੇ ਸੀ। ਫੁਚਿਨ ਨੇ ਚੰਗੀ ਬੱਲੇਬਾਜ਼ੀ ਕੀਤੀ। ਇਸ ਤੋਂ ਬਾਅਦ ਅਸੀਂ ਹੌਲੀ ਹੋ ਗਏ ਅਤੇ ਮੈਚ ਸਾਡੇ ਹੱਥੋਂ ਖਿਸਕ ਗਿਆ।
ਅਈਅਰ ਨੇ ਮੈਚ ਤੋਂ ਬਾਅਦ ਕਿਹਾ, ''ਮੈਂ ਅੰਤ ਤੱਕ ਖੇਡਣਾ ਚਾਹੁੰਦਾ ਸੀ ਅਤੇ ਯੋਜਨਾ ਇਹ ਸੀ ਕਿ ਦੂਜੇ ਸਿਰੇ ਦੇ ਬੱਲੇਬਾਜ਼ ਜੋਖਮ ਉਠਾਉਣਗੇ। ਯੁਜ਼ੀ ਖ਼ਿਲਾਫ਼ ਮੇਰਾ ਮੈਚ ਅੱਪ ਸੀ ਪਰ ਮੈਂ ਬਦਕਿਸਮਤੀ ਨਾਲ ਆਊਟ ਹੋ ਗਿਆ। ਬਟਲਰ ਇੱਕ ਸ਼ਾਨਦਾਰ ਬੱਲੇਬਾਜ਼ ਹਨ। ਉਹ ਗੇਂਦ ਨੂੰ ਚਾਰੇ ਦਿਸ਼ਾਵਾਂ ਵਿੱਚ ਮਾਰਦੇ ਹਨ। ਉਨ੍ਹਾਂ ਨੇ ਚੰਗੀ ਬੱਲੇਬਾਜ਼ੀ ਕੀਤੀ। ਮੈਨੂੰ ਨਹੀਂ ਲੱਗਦਾ ਕਿ ਤ੍ਰੇਲ ਨੇ ਅੱਜ ਜ਼ਿਆਦਾ ਪ੍ਰਭਾਵ ਪਾਇਆ।"
ਉਨ੍ਹਾਂ ਕਿਹਾ, 'ਇਹ ਚੰਗੀ ਪਿੱਚ ਸੀ ਅਤੇ ਬ੍ਰੇਬੋਰਨ ਸਾਡੀ ਟੀਮ ਲਈ ਚੰਗਾ ਮੈਦਾਨ ਸਾਬਤ ਨਹੀਂ ਹੋਇਆ ਹੈ। ਜਦੋਂ ਤੁਸੀਂ ਇੰਨੇ ਵੱਡੇ ਸਕੋਰ ਦਾ ਪਿੱਛਾ ਕਰਦੇ ਹੋ, ਤਾਂ ਤੁਸੀਂ ਦਬਾਅ ਵਿੱਚ ਹੁੰਦੇ ਹੋ। ਮੈਂ ਪਹਿਲੀ ਗੇਂਦ 'ਤੇ ਹਮਲਾਵਰ ਬੱਲੇਬਾਜ਼ੀ ਕਰਨਾ ਚਾਹੁੰਦਾ ਸੀ। ਟੀਚਾ ਭਾਵੇਂ ਕਿੰਨਾ ਵੀ ਵੱਡਾ ਹੋਵੇ, ਮੈਨੂੰ ਭਰੋਸਾ ਸੀ ਕਿ ਜੇਕਰ ਵਿਰੋਧੀ ਟੀਮ ਇਹ ਸਕੋਰ ਬਣਾ ਸਕਦੀ ਹੈ ਤਾਂ ਮੈਂ ਵੀ ਇਹ ਸਕੋਰ ਬਣਾ ਸਕਦਾ ਹਾਂ।'
