ਬਿਕਨੀ ਬਾਡੀ ਬਿਲਡਿੰਗ ਮੁਕਾਬਲੇਬਾਜ਼ੀ 'ਚ ਹਿੱਸਾ ਲਵੇਗੀ WWE ਦੀ ਹੌਟ ਰੈਸਲਰ, ਦੇਖੋ ਤਸਵੀਰਾਂ
08/14/2020 4:49:05 PM
ਨਵੀਂ ਦਿੱਲੀ– ਡਬਲਯੂ.ਡਬਲਯੂ.ਈ. ਦੀ ਸਟਾਰ ਰੈਸਲਰ ਪੀਟਨ ਰਾਇਸ ਹੁਣ ਬਾਡੀ ਬਣਾਉਣ ’ਚ ਰੁੱਝੀ ਹੋਈ ਹੈ। ਤਾਲਾਬੰਦੀ ਦੌਰਾਨ ਜਦੋਂ ਸਟਾਰ ਪੀਟਨ ਰਾਇਸ ਵਿਹਲੀ ਸੀ ਤਾਂ ਉਸ ਨੇ ਜਿਮ ’ਚ ਖ਼ੂਬ ਪਸੀਨਾ ਵਹਾਇਆ। ਹੁਣ ਉਹ ਬਿਕਨੀ ਬਾਡੀ ਬਿਲਡਿੰਗ ਮੁਕਾਬਲੇਬਾਜ਼ੀ ’ਚ ਹਿੱਸਾ ਲੈਣ ਦੀ ਤਿਆਰੀ ਕਰ ਰਹੀ ਹੈ। ਪੀਟਨ ਜਿਸਦਾ ਅਸਲੀ ਨਾਂ ਕੈਸੀ ਲੀ ਹੈ, ਬਾਰੇ ਹਾਲ ਹੀ ’ਚ ਡਬਲਯੂ.ਡਬਲਯੂ.ਈ. ਸੀ.ਈ.ਓ. ਵਿੰਸ ਮੈਕਮੋਹਨ ਨੇ ਕਿਹਾ ਸੀ ਕਿ ਉਹ ਭਵਿੱਖ ’ਚ ਕੰਪਨੀ ਦਾ ਚਿਹਰਾ ਹੋ ਸਕਦੀ ਹੈ।
ਆਸਟਰੇਲੀਆ ’ਚ ਜੰਮੀ ਪਹਿਲਵਾਨ ਨੇ ਬੀਤੇ ਦਿਨੀਂ ਆਪਣੇ ਯੂਟਿਊਬ ਚੈਨਲ ’ਤੇ ਇਕ ਵੀਡੀਓ ਸਾਂਝੀ ਕੀਤੀ ਸੀ ਜਿਸ ਵਿਚ ਉਹ ਆਪਣੇ ਪਹਿਲੇ ਮੁਕਾਬਲੇਬਾਜ਼ੀ ਪ੍ਰੋਗਰਾਮ ਲਈ ਟ੍ਰੇਨਿੰਗ ਕਰਦੀ ਨਜ਼ਰ ਆ ਰਹੀ ਹੈ। ਆਪਣੀ ਸਵੇਰ ਦੀ ਕਸਰਤ ਤੋਂ ਬਾਅਦ ਪੀਟਨ ਰਾਇਸ ਨੇ ਵੀਡੀਓ ’ਚ ਐਲਾਨ ਕੀਤਾ ਕਿ ਹੁਣ ਉਹ ਆਪਣੇ ਪ੍ਰਸ਼ੰਸਕਾਂ ਨਾਲ ਮੁਲਾਕਾਤ 15 ਅਗਸਤ ਨੂੰ ਕਰੇਗੀ ਜਦੋਂ ਬਾਡੀ ਬਿਲਡਿੰਗ ਮੁਕਾਬਲੇਬਾਜ਼ੀ ਦੀ ‘ਨੋਵਿਸ ਕੈਟਾਗਿਰੀ’ ’ਚ ਉਹ ਉਤਰੇਗੀ।
ਪੀਟਨ ਰਾਇਸ ਨੇ ਇਹ ਵੀ ਕਿਹਾ ਕਿ ਉਹ ਬਾਡੀ ਬਿਲਡਿੰਗ ਨਹੀਂ ਕਰੇਗੀ, ਉਹ ਅਜੇ ‘ਬਿਕਨੀ ਐਂਡ ਆਲ ਵੈਲਨੈੱਸ’ ’ਚ ਹਿੱਸਾ ਲਵੇਗੀ, ਜੋ ਕਿ ਇਸੇ ਦਾ ਇਕ ਹਿੱਸਾ ਹੈ। ਵੀਡੀਓ ’ਚ ਰਾਇਸ ਨੇ ਆਪਣੀ ਰੋਜ਼ਾਨਾ ਦੀ ਕਸਰਤ ਅਤੇ ਪੋਜ਼ਿੰਗ ਅਭਿਆਸ ਦੀ ਤਸਵੀਰ ਸਾਂਝੀ ਕੀਤੀ ਹੈ। ਨਾਲ ਹੀ ਲਿਖਿਆ ਹੈ ਕਿ ਇਹ ਸਚਮੁਚ ਬੇਹੱਦ ਮੁਸ਼ਕਲ ਹੈ।
ਪੀਟਨ ਰਾਇਸ ਨੂੰ ਆਪਣੇ ਇੰਸਟਾਗ੍ਰਾਮ ’ਤੇ ਗਲੈਮਰ ਅਤੇ ਬਿਕਨੀ ਸ਼ਾਟਸ ਪੋਸਟ ਕਰਨ ਲਈ ਜਾਣਿਆ ਜਾਂਦਾ ਹੈ ਪਰ ਮੌਜੂਦਾ ਸਮੇਂ ’ਚ ਉਹ ਬਾਡੀ ਟ੍ਰਾਂਸਫਾਰਮੇਸ਼ਨ ’ਚੋਂ ਗੁਜ਼ਰ ਰਹੀ ਹੈ। ਬਾਡੀ-ਬਿਲਡਿੰਗ/ਬਿਕਨੀ ਮੁਕਾਬਲੇਬਾਜ਼ੀ ਲਈ ਉਸ ਨੇ 12 ਹਫਤਿਆਂ ਤੋਂ ਤਿਆਰੀ ਕੀਤੀ ਹੈ।
