WI v AUS : ਵਿੰਡੀਜ਼ ਨੂੰ 6 ਵਿਕਟਾਂ ਨਾਲ ਹਰਾਇਆ, ਆਸਟਰੇਲੀਆ ਨੇ 2-1 ਨਾਲ ਜਿੱਤੀ ਸੀਰੀਜ਼

ਬਾਰਬਾਡੋਸ- ਮੈਥਿਊ ਵੇਡ ਨੇ ਆਪਣੇ ਕਰੀਅਰ ਦਾ 11ਵਾਂ ਅਰਧ ਸੈਂਕੜਾ ਲਗਾਇਆ, ਜਿਸ ਨਾਲ ਆਸਟਰੇਲੀਆ ਨੇ ਤੀਜੇ ਅਤੇ ਆਖਰੀ ਵਨ ਡੇ ਅੰਤਰਰਾਸ਼ਟਰੀ ਕ੍ਰਿਕਟ ਮੈਚ ਵਿਚ ਵੈਸਟਇੰਡੀਜ਼ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਤਿੰਨ ਮੈਚਾਂ ਦੀ ਸੀਰੀਜ਼ 2-1 ਨਾਲ ਜਿੱਤੀ। ਵੈਸਟਇੰਡੀਜ਼ ਦੀ ਟੀਮ 45.1 ਓਵਰਾਂ ਵਿਚ 152 ਦੌੜਾਂ 'ਤੇ ਢੇਰ ਹੋ ਗਈ ਸੀ। ਆਸਟਰੇਲੀਆ ਨੇ ਵੇਡ ਦੇ 52 ਗੇਂਦਾਂ 'ਤੇ ਅਜੇਤੂ 51 ਦੌੜਾਂ ਨਾਲ 31ਵੇਂ ਓਵਰ ਵਿਚ ਚਾਰ ਵਿਕਟਾਂ 'ਤੇ 153 ਦੌੜਾਂ ਬਣਾ ਕੇ ਜਿੱਤ ਦਰਜ ਕੀਤੀ।

Australia claim a 2-1 series win! ✅

The visitors surge to a six-wicket triumph over West Indies in Bridgetown.

Matthew Wade the pick of the Australian batters with 51* off 52 balls.#WIvAUS | https://t.co/H7Cnw8uGeX pic.twitter.com/E0udACVTYx

— ICC (@ICC) July 27, 2021

ਵਿਕਟਕੀਪਰ ਅਲੇਕਸ ਕੈਰੀ ਨੇ 35 ਅਤੇ ਮਿਸ਼ੇਲ ਮਾਰਸ਼ ਨੇ 29 ਦੌੜਾਂ ਦਾ ਯੋਗਦਾਨ ਦਿੱਤਾ। ਆਸਟਰੇਲੀਆ ਨੇ ਪਹਿਲਾ ਵਨ ਡੇ 133 ਦੌੜਾਂ ਨਾਲ ਜਿੱਤਿਆ ਸੀ ਪਰ ਵੈਸਟਇੰਡੀਜ਼ ਨੇ ਦੂਜੇ ਮੈਚ ਵਿਚ ਚਾਰ ਵਿਕਟਾਂ ਨਾਲ ਜਿੱਤ ਦਰਜ ਕਰਕੇ ਵਾਪਸੀ ਕੀਤੀ ਸੀ। ਵੈਸਟਇੰਡੀਜ਼ ਦੇ ਕਪਤਾਨ ਕੀਰੋਨ ਪੋਲਾਰਡ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਪਰ ਮਿਸ਼ੇਲ ਸਟਾਰਕ (43 ਦੌੜਾਂ 'ਤੇ 3 ਵਿਕਟਾਂ) ਦੀ ਅਗਵਾਈ ਵਿਚ ਆਸਟਰੇਲੀਆ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਸਾਹਮਣੇ ਉਸਦੇ ਬੱਲੇਬਾਜ਼ ਟਿਕ ਕੇ ਨਹੀਂ ਖੇਡ ਸਕੇ।

ਐਸਟਨ ਐਗਰ ਅਤੇ ਐਡਮ ਜੰਪਾ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ। ਐਗਰ ਨੇ ਬਾਅਦ ਵਿਚ 19 ਦੌੜਾਂ ਵੀ ਬਣਾਈਆਂ ਅਤੇ ਉਨ੍ਹਾਂ ਨੂੰ 'ਮੈਨ ਆਫ ਦਿ ਮੈਚ' ਚੁਣਿਆ ਗਿਆ। ਸਲਾਮੀ ਬੱਲੇਬਾਜ਼ ਈਵਨ ਲੁਈਸ ਨੇ ਵੈਸਟਇੰਡੀਜ਼ ਵਲੋਂ 66 ਗੇਂਦਾਂ 'ਤੇ 55 ਦੌੜਾਂ ਬਣਾਈਆਂ ਪਰ ਕੋਈ ਵੀ ਹੋਰ ਬੱਲੇਬਾਜ਼ ਉਸਦਾ ਸਾਥ ਨਹੀਂ ਦੇ ਸਕਿਆ।

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।