"Happy Birthday ਮੇਰੀ ਜਾਨ'''' ! ਅਰਸ਼ਦੀਪ ਸਿੰਘ ਨੇ GF ਨੂੰ ਰੋਮਾਂਟਿਕ ਅੰਦਾਜ਼ ''ਚ ਕੀਤਾ Wish

ਸਪੋਰਟਸ ਡੈਸਕ: ਭਾਰਤੀ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਨੇ ਆਪਣੀ ਗਰਲਫ੍ਰੈਂਡ ਤੇ ਪੰਜਾਬੀ ਮਾਡਲ-ਅਦਾਕਾਰਾ ਸਮਰੀਨ ਕੌਰ ਦੇ ਜਨਮਦਿਨ 'ਤੇ ਇੱਕ ਬਹੁਤ ਹੀ ਰੋਮਾਂਟਿਕ ਅਤੇ ਖਾਸ ਪੋਸਟ ਸਾਂਝੀ ਕਰ ਕੇ ਆਪਣੇ ਰਿਸ਼ਤੇ 'ਤੇ ਮੋਹਰ ਲਗਾ ਦਿੱਤੀ ਹੈ। ਅਰਸ਼ਦੀਪ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸਮਰੀਨ ਨਾਲ 8 ਖੂਬਸੂਰਤ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਲਿਖਿਆ, "ਹੈਪੀ ਬਰਥਡੇ ਮੇਰੀ ਜਾਨ, ਮੇਰੀ ਕ੍ਰੇਜ਼ੀ, ਸਮਾਰਟ, ਮੈਚਿਓਰ ਅਤੇ ਖੂਬਸੂਰਤ ਪਾਰਟਨਰ।"

ਸਮਰੀਨ ਕੌਰ ਹਾਲ ਹੀ 'ਚ 27 ਸਾਲ ਦੀ ਹੋ ਗਈ ਹੈ। ਅਰਸ਼ਦੀਪ ਦੀ ਇਸ ਪੋਸਟ ਨੂੰ ਪ੍ਰਸ਼ੰਸਕਾਂ ਵੱਲੋਂ ਬੇਹੱਦ ਖਾਸ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਇਹ ਪਹਿਲੀ ਵਾਰ ਹੈ, ਜਦੋਂ ਇਸ ਸਟਾਰ ਖਿਡਾਰੀ ਨੇ ਸੋਸ਼ਲ ਮੀਡੀਆ 'ਤੇ ਖੁੱਲ੍ਹ ਕੇ ਸਮਰੀਨ ਲਈ 'ਮੇਰੀ ਜਾਨ' ਤੇ 'ਪਾਰਟਨਰ' ਵਰਗੇ ਸ਼ਬਦਾਂ ਦੀ ਵਰਤੋਂ ਕੀਤੀ ਹੈ। ਇਸ ਨਾਲ ਦੋਹਾਂ ਦੇ ਰਿਸ਼ਤੇ ਨੂੰ ਲੈ ਕੇ ਚੱਲ ਰਹੀਆਂ ਚਰਚਾਵਾਂ ਹੋਰ ਤੇਜ਼ ਹੋ ਗਈਆਂ ਹਨ, ਹਾਲਾਂਕਿ ਦੋਹਾਂ ਦੇ ਪਰਿਵਾਰਾਂ ਵੱਲੋਂ ਅਜੇ ਤੱਕ ਇਸ ਸਬੰਧੀ ਜਨਤਕ ਤੌਰ 'ਤੇ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Arshdeep Singh (@_arshdeep.singh__)

ਇਸ ਜੋੜੀ ਦੇ ਨਜ਼ਦੀਕੀ ਸਬੰਧਾਂ ਦਾ ਅੰਦਾਜ਼ਾ ਇਸ ਗੱਲ ਤੋਂ ਵੀ ਲਗਾਇਆ ਜਾ ਸਕਦਾ ਹੈ ਕਿ ਹਾਲ ਹੀ ਵਿੱਚ (5-6 ਸਤੰਬਰ ਦੌਰਾਨ) ਦੋਹਾਂ ਨੇ ਬੈਂਗਲੁਰੂ ਦੇ ਮਸ਼ਹੂਰ 'ਏਲੀਅਨਜ਼ ਟੈਟੂ ਸਟੂਡੀਓ' ਵਿੱਚ ਵਿਸ਼ੇਸ਼ ਮੈਚਿੰਗ ਟੈਟੂ ਬਣਵਾਏ ਹਨ। ਮਸ਼ਹੂਰ ਟੈਟੂ ਆਰਟਿਸਟ ਸਨੀ ਸੇਨ ਅਤੇ ਡਿਜ਼ਾਈਨਰ ਅਭਿਸ਼ੇਕ ਗਵਈ ਦੁਆਰਾ ਤਿਆਰ ਕੀਤੇ ਗਏ ਇਹਨਾਂ ਟੈਟੂਆਂ ਵਿੱਚ ਅਰਸ਼ਦੀਪ ਨੇ ਆਪਣੀ ਬਾਂਹ 'ਤੇ ਸਮਰੀਨ ਦੇ ਨਾਮ ਦੇ ਸ਼ੁਰੂਆਤੀ ਅੱਖਰ 'SK' ਅਤੇ ਸਮਰੀਨ ਨੇ ਆਪਣੀ ਬਾਂਹ 'ਤੇ ਅਰਸ਼ਦੀਪ ਦੇ ਨਾਮ ਦੇ ਸ਼ੁਰੂਆਤੀ ਅੱਖਰ 'AS' ਲਿਖਿਆ ਹੈ। ਇਨ੍ਹਾਂ ਟੈਟੂਆਂ ਨੂੰ ਹੋਰ ਵੀ ਖਾਸ ਬਣਾਉਣ ਲਈ ਦੋਹਾਂ ਨੇ ਇੱਕ-ਦੂਜੇ ਦੀ ਹੱਥ ਦੀ ਲਿਖਤ ਦੀ ਵਰਤੋਂ ਕੀਤੀ ਹੈ।

ਦੋਹਾਂ ਦੇ ਅਫੇਅਰ ਦੀ ਚਰਚਾ ਸਭ ਤੋਂ ਪਹਿਲਾਂ ਅਪ੍ਰੈਲ 2026 ਵਿੱਚ ਸ਼ੁਰੂ ਹੋਈ ਸੀ, ਜਦੋਂ ਅਰਸ਼ਦੀਪ ਸਿੰਘ ਨੇ ਆਪਣੇ ਸਨੈਪਚੈਟ ਖਾਤੇ 'ਤੇ ਇੱਕ ਫੋਟੋ ਸਾਂਝੀ ਕੀਤੀ ਸੀ, ਜਿਸ ਵਿੱਚ ਉਹ ਕਿਸੇ ਲੜਕੀ ਦਾ ਹੱਥ ਫੜੇ ਨਜ਼ਰ ਆ ਰਹੇ ਸਨ ਪਰ ਚਿਹਰਾ ਲੁਕਾਇਆ ਹੋਇਆ ਸੀ। ਪ੍ਰਸ਼ੰਸਕਾਂ ਨੇ ਬਾਰੀਕੀ ਨਾਲ ਲੜਕੀ ਦੇ ਹੱਥ ਦੇ ਟੈਟੂ ਅਤੇ ਨੇਲ ਆਰਟ ਦਾ ਮਿਲਾਨ ਪੰਜਾਬੀ ਅਦਾਕਾਰਾ ਸਮਰੀਨ ਕੌਰ ਦੀਆਂ ਤਸਵੀਰਾਂ ਨਾਲ ਕੀਤਾ, ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਦੇ ਰਿਸ਼ਤੇ ਦੀਆਂ ਖ਼ਬਰਾਂ ਉੱਡਣ ਲੱਗੀਆਂ।

 ਆਈਪੀਐਲ 2026 ਦੌਰਾਨ ਸਮਰੀਨ ਕੌਰ ਨੂੰ ਕਈ ਮੌਕਿਆਂ 'ਤੇ ਪੰਜਾਬ ਕਿੰਗਜ਼ ਦੇ ਮੈਚਾਂ ਦੌਰਾਨ ਅਰਸ਼ਦੀਪ ਸਿੰਘ ਨੂੰ ਚੀਅਰ ਕਰਦੇ ਦੇਖਿਆ ਗਿਆ ਸੀ। ਉਹ ਨਿਊ ਚੰਡੀਗੜ੍ਹ ਦੇ ਮਹਾਰਾਜਾ ਯਾਦਵਿੰਦਰ ਸਿੰਘ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਅਤੇ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ ਦੇ ਵੀਆਈਪੀ ਸਟੈਂਡਾਂ ਵਿੱਚ ਮੌਜੂਦ ਰਹੀ। ਇਸ ਤੋਂ ਇਲਾਵਾ, ਮਈ ਵਿੱਚ ਦੋਹਾਂ ਨੂੰ ਹਿਮਾਚਲ ਪ੍ਰਦੇਸ਼ ਦੇ ਧਰਮਸ਼ਾਲਾ ਦੀਆਂ ਸੜਕਾਂ ਅਤੇ ਚੰਡੀਗੜ੍ਹ ਏਅਰਪੋਰਟ 'ਤੇ ਹੱਥਾਂ ਵਿੱਚ ਹੱਥ ਪਾ ਕੇ ਘੁੰਮਦੇ ਹੋਏ ਵੀ ਦੇਖਿਆ ਗਿਆ ਸੀ। ਜੂਨ ਵਿੱਚ ਦੋਹਾਂ ਨੇ ਪੰਜਾਬ ਦੇ ਇੱਕ ਪ੍ਰਸਿੱਧ ਗੁਰਦੁਆਰਾ ਸਾਹਿਬ ਵਿੱਚ ਇਕੱਠੇ ਮੱਥਾ ਵੀ ਟੇਕਿਆ। ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਅਣਫਾਲੋ ਹੋਣ ਕਾਰਨ ਬ੍ਰੇਕਅੱਪ ਦੀਆਂ ਅਫ਼ਵਾਹਾਂ ਵੀ ਸਾਹਮਣੇ ਆਈਆਂ ਸਨ, ਜੋ ਕਿ ਬਾਅਦ ਵਿੱਚ ਸਿਰਫ਼ ਤਕਨੀਕੀ ਖ਼ਰਾਬੀ ਜਾਂ ਅਫ਼ਵਾਹ ਹੀ ਸਾਬਤ ਹੋਈਆਂ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt