FIFA World Cup: ਫਿਰ ਚੱਲਿਆ ਮੈਸੀ ਦਾ ਜਾਦੂ, ਇੰਗਲੈਂਡ ਨੂੰ ਹਰਾ ਕੇ ਦੂਜੀ ਵਾਰ ਫਾਈਨਲ ''ਚ ਪੁੱਜਾ ਅਰਜਨਟੀਨਾ

ਸਪੋਰਟਸ ਡੈਸਕ : ਕਪਤਾਨ ਲਿਓਨਲ ਮੈਸੀ ਨੇ ਪਹਿਲੇ ਹਾਫ 'ਚ ਜੂਝਣ ਤੋਂ ਬਾਅਦ ਦੂਜੇ ਹਾਫ ਦੇ ਆਖਰੀ ਮਿੰਟਾਂ 'ਚ ਆਪਣਾ ਜਲਵਾ ਬਿਖੇਰਿਆ ਅਤੇ 2 ਗੋਲ ਕਰਨ ਵਿੱਚ ਮਦਦ ਕੀਤੀ, ਜਿਸ ਨਾਲ ਪਿਛਲੀ ਚੈਂਪੀਅਨ ਅਰਜਨਟੀਨਾ ਨੇ ਬੁੱਧਵਾਰ ਨੂੰ ਇੱਥੇ ਸੈਮੀਫਾਈਨਲ ਵਿੱਚ ਇੰਗਲੈਂਡ ਖਿਲਾਫ ਪੱਛੜਣ ਤੋਂ ਬਾਅਦ ਜ਼ੋਰਦਾਰ ਵਾਪਸੀ ਕਰਦੇ ਹੋਏ 2-1 ਦੀ ਜਿੱਤ ਨਾਲ ਲਗਾਤਾਰ ਦੂਜੀ ਵਾਰ ਫੁੱਟਬਾਲ ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ, ਜਿੱਥੇ ਉਹ ਐਤਵਾਰ ਨੂੰ ਸਪੇਨ ਦਾ ਸਾਹਮਣਾ ਕਰਨਗੇ।

LAUTARO MARTINEZ MATCH WINNER GOAL AGAINST ENGLAND !!!

🏟️ View from the stands

🏴󠁧󠁢󠁥󠁮󠁧󠁿 England vs Argentina 🇦🇷 #FIFAWorldCup #ENGARG pic.twitter.com/sZXgelMt4f

— StatPad Football📊📈📉 (@StatPadFootball) July 15, 2026

ਪਹਿਲੇ ਅੱਧ ਵਿੱਚ ਮੈਸੀ ਨੇ 15 ਵਾਰ ਵਿਰੋਧੀ ਖਿਡਾਰੀਆਂ ਤੋਂ ਕਬਜ਼ਾ ਗੁਆ ਦਿੱਤਾ, ਪਰ 2018 ਤੋਂ ਬਾਅਦ ਕਿਸੇ ਵੱਡੇ ਟੂਰਨਾਮੈਂਟ ਵਿੱਚ ਉਸਦਾ ਇਹ ਸਭ ਤੋਂ ਬੁਰਾ ਪ੍ਰਦਰਸ਼ਨ ਸੀ ਪਰ ਮੈਚ ਦੇ ਆਖਰੀ ਪਲਾਂ ਵਿੱਚ ਭਾਰੀ ਦਬਾਅ ਹੇਠ ਉਸਨੇ ਬਿਲਕੁਲ ਦਿਖਾਇਆ ਕਿ ਉਸ ਨੂੰ ਦੁਨੀਆ ਦੇ ਮਹਾਨ ਖਿਡਾਰੀਆਂ ਵਿੱਚ ਕਿਉਂ ਦਰਜਾ ਦਿੱਤਾ ਜਾਂਦਾ ਹੈ।

ਐਂਜ਼ੋ ਫਰਨਾਂਡੇਜ਼ ਨੇ ਪਹਿਲਾਂ 85ਵੇਂ ਮਿੰਟ ਵਿੱਚ ਮੈਸੀ ਦੇ ਪਾਸ ਨੂੰ ਗੋਲ ਵਿੱਚ ਬਦਲ ਕੇ ਅਰਜਨਟੀਨਾ ਲਈ ਬਰਾਬਰੀ ਕੀਤੀ, ਜਦੋਂਕਿ ਸੱਤ ਮਿੰਟ ਬਾਅਦ ਬਦਲਵੇਂ ਖਿਡਾਰੀ ਲੌਟਾਰੋ ਮਾਰਟੀਨੇਜ਼ (90+2 ਮਿੰਟ) ਨੇ ਆਪਣੇ ਕਪਤਾਨ ਦੇ ਇੱਕ ਹੋਰ ਪਾਸ 'ਤੇ ਗੋਲ ਕਰਕੇ ਜਿੱਤ 'ਤੇ ਮੋਹਰ ਲਗਾਈ। ਅਰਜਨਟੀਨਾ ਵਿਸ਼ਵ ਕੱਪ ਮੈਚ ਵਿੱਚ ਇੰਗਲੈਂਡ ਨੂੰ 2-1 ਨਾਲ ਹਰਾ ਕੇ ਫਾਈਨਲ ਵਿੱਚ ਪਹੁੰਚਿਆ ਹੈ।

ਇਸ ਤੋਂ ਪਹਿਲਾਂ ਐਂਥਨੀ ਗੋਰਡਨ ਨੇ 55ਵੇਂ ਮਿੰਟ ਵਿੱਚ ਇੰਗਲੈਂਡ ਨੂੰ ਲੀਡ ਦਿਵਾਈ ਸੀ। ਤੀਜੇ ਸਥਾਨ ਦੇ ਪਲੇ-ਆਫ ਵਿੱਚ ਇੰਗਲੈਂਡ ਦਾ ਸਾਹਮਣਾ ਫਰਾਂਸ ਨਾਲ ਹੋਵੇਗਾ, ਜਿਸ ਨੂੰ ਸਪੇਨ ਨੇ ਪਹਿਲੇ ਸੈਮੀਫਾਈਨਲ ਵਿੱਚ ਮੰਗਲਵਾਰ ਨੂੰ 2-0 ਨਾਲ ਹਰਾਇਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8