ਮੇਸੀ ''ਤੇ ਨਾਰਾਜ਼ਗੀ ਕਾਰਨ ਚੀਨ ''ਚ ਅਰਜਨਟੀਨਾ ਦਾ ਦੋਸਤਾਨਾ ਮੈਚ ਰੱਦ

ਹਾਂਗਕਾਂਗ, (ਭਾਸ਼ਾ) ਅਰਜਨਟੀਨਾ ਦਾ ਅਗਲੇ ਮਹੀਨੇ ਚੀਨ 'ਚ ਹੋਣ ਵਾਲਾ ਫੁੱਟਬਾਲ ਦੋਸਤਾਨਾ ਮੈਚ ਸਟਾਰ ਫੁੱਟਬਾਲਰ ਲਿਓਨਿਲ ਮੇਸੀ ਦੇ ਹਾਂਗਕਾਂਗ 'ਚ ਪ੍ਰਦਰਸ਼ਨੀ ਮੈਚ 'ਚ ਨਾ ਖੇਡਣ ਕਾਰਨ ਸ਼ੁੱਕਰਵਾਰ ਨੂੰ ਰੱਦ ਕਰ ਦਿੱਤਾ ਗਿਆ। ਮੇਸੀ ਦੀ ਕਪਤਾਨੀ ਵਿੱਚ ਵਿਸ਼ਵ ਕੱਪ ਚੈਂਪੀਅਨ ਅਰਜਨਟੀਨਾ ਨੇ 18 ਤੋਂ 26 ਮਾਰਚ ਤੱਕ ਅੰਤਰਰਾਸ਼ਟਰੀ ਬ੍ਰੇਕ ਦੌਰਾਨ ਚੀਨ ਦਾ ਦੌਰਾ ਕਰਨਾ ਸੀ। ਬੀਜਿੰਗ ਵਿੱਚ ਆਈਵਰੀ ਕੋਸਟ ਅਤੇ ਹਾਂਗਜ਼ੂ ਵਿੱਚ ਨਾਈਜੀਰੀਆ ਦੇ ਖਿਲਾਫ ਮੈਚ ਹੋਣੇ ਸਨ। ਪਰ ਮੇਸੀ ਨੇ ਆਪਣੇ ਇੰਟਰ ਮਿਆਮੀ ਕਲੱਬ ਦੇ ਨਾਲ ਦੌਰੇ ਦੌਰਾਨ ਹਾਂਗਕਾਂਗ ਵਿੱਚ ਪ੍ਰਸ਼ੰਸਕਾਂ ਨੂੰ ਨਾਰਾਜ਼ ਕੀਤਾ ਸੀ। 

ਇਹ ਵੀ ਪੜ੍ਹੋ : ਸ਼ੰਮੀ ਦਾ ਵਿਵਾਦ ਖੜ੍ਹਾ ਕਰਨ ਵਾਲਿਆਂ ਨੂੰ ਮੂੰਹ ਤੋੜ ਜਵਾਬ, 'ਜੈ ਸ਼੍ਰੀ ਰਾਮ ਕਹਿਣ 'ਚ ਕੀ ਦਿੱਕਤ ਹੈ, 1000 ਵਾਰ ਬੋਲੋ'

ਗਰੋਇਨ ਦੀ ਸੱਟ ਕਾਰਨ ਉਹ ਪਿਛਲੇ ਐਤਵਾਰ ਦੋਸਤਾਨਾ ਮੈਚ 'ਚ ਨਹੀਂ ਖੇਡਿਆ ਸੀ ਅਤੇ ਬੈਂਚ 'ਤੇ ਬੈਠਾ ਸੀ। ਇਸ ਕਾਰਨ ਖੇਡ ਪ੍ਰੇਮੀ ਕਾਫੀ ਨਾਰਾਜ਼ ਹੋ ਗਏ। ਅਰਜਨਟੀਨਾ ਅਤੇ ਨਾਈਜੀਰੀਆ ਵਿਚਾਲੇ ਸ਼ੁੱਕਰਵਾਰ ਨੂੰ ਹੋਣ ਵਾਲਾ ਦੋਸਤਾਨਾ ਮੈਚ ਰੱਦ ਕਰ ਦਿੱਤਾ ਗਿਆ। ਹਾਂਗਜ਼ੂ ਸਪੋਰਟਸ ਬਿਊਰੋ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਉਂਟ 'ਤੇ ਘੋਸ਼ਣਾ ਕੀਤੀ, “ਹਰ ਕਿਸੇ ਨੂੰ ਜਾਣੂ ਕਾਰਨਾਂ ਕਰਕੇ, ਸਾਨੂੰ ਅਧਿਕਾਰੀਆਂ ਤੋਂ ਜਾਣਕਾਰੀ ਮਿਲੀ ਹੈ ਕਿ ਮੈਚ ਕਰਵਾਉਣ ਲਈ ਹਾਲਾਤ ਅਨੁਕੂਲ ਨਹੀਂ ਹਨ। ਇਸ ਲਈ ਮੈਚ ਨੂੰ ਰੱਦ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ। ਅਰਜਨਟੀਨਾ ਫੁੱਟਬਾਲ ਐਸੋਸੀਏਸ਼ਨ ਦੇ ਅਧਿਕਾਰੀਆਂ ਨੇ ਐਸੋਸੀਏਟਡ ਪ੍ਰੈਸ ਨੂੰ ਦੱਸਿਆ ਕਿ ਉਹ ਮੈਚ ਰੱਦ ਹੋਣ ਬਾਰੇ ਜਾਣੂ ਸਨ ਅਤੇ ਨਾਈਜੀਰੀਆ ਨਾਲ ਖੇਡਣ ਲਈ ਕਿਸੇ ਹੋਰ ਸਥਾਨ ਵੱਲ ਦੇਖ ਰਹੇ ਸਨ। ਅਧਿਕਾਰੀ ਨੇ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਕਿਹਾ, "ਇਹ ਇੱਕ ਸੰਵੇਦਨਸ਼ੀਲ ਮਾਮਲਾ ਹੈ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।