ਮੁੰਡੇ ਤੋਂ ਕੁੜੀ ਬਣੇ ਅਨਾਇਆ ਬਾਂਗੜ ਨੇ ਫਿਰ ਕਰਵਾ ਲਿਆ ਆਪਰੇਸ਼ਨ, ਸਰੀਰ 'ਚ ਹੋਣਗੇ ਇਹ ਬਦਲਾਅ
Wednesday, Jul 02, 2025 - 11:10 PM (IST)
ਸਪੋਰਟਸ ਡੈਸਕ- ਸਾਬਕਾ ਭਾਰਤੀ ਕ੍ਰਿਕਟਰ ਸੰਜੇ ਬਾਂਗੜ ਦੀ ਧੀ ਅਨਾਇਆ ਬਾਂਗੜ ਜੋ ਕਿ ਜੈਂਡਰ ਬਦਲਾ ਕੇ ਮੁੰਡੇ ਤੋਂ ਕੁੜੀ ਬਣੀ ਹੈ, ਇੱਕ ਸੋਸ਼ਲ ਮੀਡੀਆ ਸਨਸਨੀ ਹੈ। ਪਹਿਲਾਂ ਉਸਨੂੰ ਆਰੀਅਨ ਬਾਂਗੜ ਦੇ ਨਾਮ ਨਾਲ ਜਾਣਿਆਂ ਜਾਂਦਾ ਸੀ। ਪਰ ਉਸਨੇ ਯੂਕੇ ਵਿੱਚ ਹਾਰਮੋਨ ਰਿਪਲੇਸਮੈਂਟ ਥੈਰੇਪੀ ਅਤੇ ਜੈਂਡਰ- ਅਫਰਮਿੰਗ ਸਰਜਰੀ ਰਾਹੀਂ ਆਪਣਾ ਜੈਂਡਰ ਬਦਲ ਲਿਆ ਹੈ। ਅਨਾਇਆ ਇੱਕ ਸਾਬਕਾ ਕ੍ਰਿਕਟਰ ਵੀ ਹੈ, ਉਹ ਅਕਸਰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਬੱਲੇਬਾਜ਼ੀ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ। ਹਾਲ ਹੀ ਵਿੱਚ ਉਸਨੇ ਸੋਸ਼ਲ ਮੀਡੀਆ 'ਤੇ ਕੁਝ ਪੋਸਟਾਂ ਪੋਸਟ ਕੀਤੀਆਂ ਹਨ, ਜੋ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ। ਉਸਨੇ ਇੱਕ ਵਾਰ ਫਿਰ ਸਰਜਰੀ ਕਰਵਾਈ ਹੈ।
ਇਹ ਵੀ ਪੜ੍ਹੋ- IND vs ENG : 'ਟੀਮ ਇੰਡੀਆ' ਨੇ ਸੀਰੀਜ਼ ਵਿਚਾਲੇ ਹੀ ਬਦਲ'ਤਾ ਕਪਤਾਨ
ਅਨਾਇਆ ਬਾਂਗੜ ਨੇ ਫਿਰ ਕਰਵਾਇਆ ਆਪਰੇਸ਼ਨ
ਅਨਾਇਆ ਬਾਂਗੜ ਨੇ ਹਾਲ ਹੀ ਵਿੱਚ ਇੱਕ ਹੋਰ ਸਰਜਰੀ ਕਰਵਾਈ ਹੈ, ਜਿਸ ਤੋਂ ਬਾਅਦ ਉਸਨੇ ਇਸਨੂੰ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝਾ ਕੀਤਾ ਹੈ। ਅਨਾਇਆ ਨੇ ਹੁਣ ਸਫਲਤਾਪੂਰਵਕ ਛਾਤੀ ਵਧਾਉਣ ਅਤੇ ਟ੍ਰੈਚਲ ਸ਼ੇਵ ਸਰਜਰੀ ਕਰਵਾਈ ਹੈ। ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਕਹਾਣੀ ਸਾਂਝੀ ਕਰਦੇ ਹੋਏ ਅਨਾਇਆ ਨੇ ਲਿਖਿਆ, 'ਮੈਂ ਛਾਤੀ ਵਧਾਉਣ ਅਤੇ ਟ੍ਰੈਚਲ ਸ਼ੇਵ ਸਰਜਰੀ ਕਰਵਾਈ ਹੈ। ਸਰਜਰੀ ਸਫਲ ਰਹੀ!! ਇਹ ਸਭ ਤੁਹਾਡੇ ਸਮਰਥਨ ਕਾਰਨ ਹੋਇਆ, ਤੁਹਾਡੇ ਸਾਰਿਆਂ ਨੂੰ ਮੇਰਾ ਪਿਆਰ।' ਇਸ ਸਟੋਰੀ ਵਿੱਚ ਉਹ ਹਸਪਤਾਲ ਦੇ ਬਿਸਤਰੇ 'ਤੇ ਆਰਾਮ ਕਰਦੀ ਦਿਖਾਈ ਦੇ ਰਹੀ ਹੈ, ਜਿਸ ਵਿੱਚ ਉਸਦੇ ਚਿਹਰੇ 'ਤੇ ਖੁਸ਼ੀ ਅਤੇ ਰਾਹਤ ਸਾਫ਼ ਦਿਖਾਈ ਦੇ ਰਹੀ ਹੈ।
ਇਹ ਵੀ ਪੜ੍ਹੋ- ਪੈਟਰੋਲ 8 ਤੇ ਡੀਜ਼ਲ 10 ਰੁਪਏ ਹੋਇਆ ਮਹਿੰਗਾ, ਨਵੀਆਂ ਕੀਮਤਾਂ ਲਾਗੂ
ਦੱਸ ਦੇਈਏ ਕਿ ਟ੍ਰੈਚਲ ਸ਼ੇਵ ਸਰਜਰੀ ਗਲੇ ਦੀ ਹੱਡੀ ਨੂੰ ਨਰਮ ਕਰਨ ਲਈ ਕੀਤੀ ਜਾਂਦੀ ਹੈ ਅਤੇ ਛਾਤੀ ਦੇ ਵਾਧੇ ਨੇ ਉਸਦੀ ਸਰੀਰਕ ਤਬਦੀਲੀ ਦੀ ਪ੍ਰਕਿਰਿਆ ਨੂੰ ਹੋਰ ਅੱਗੇ ਵਧਾਇਆ ਹੈ। ਇਹ ਕਦਮ ਉਸਦੀ ਲਿੰਗ ਤਬਦੀਲੀ ਯਾਤਰਾ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ। ਅਨਾਇਆ ਬਾਂਗੜ ਨੇ ਇਸ ਦੇ ਨਾਲ ਇੱਕ ਪੋਸਟ ਵੀ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਸਨੇ ਆਪਣੀਆਂ ਕੁਝ ਫੋਟੋਆਂ ਦੇ ਨਾਲ ਲਿਖਿਆ ਹੈ, 'ਸਾਲਾਂ ਦੀ ਉਡੀਕ, ਲੜਾਈ ਅਤੇ ਸੁਪਨੇ ਦੇਖਣ ਤੋਂ ਬਾਅਦ ਮੈਂ ਆਖਰਕਾਰ ਇਹ ਕਰ ਲਿਆ ਹੈ। ਮੇਰਾ ਸਰੀਰ, ਮੇਰੀ ਪਸੰਦ, ਮੇਰਾ ਸੱਚ।'
ਇਹ ਵੀ ਪੜ੍ਹੋ- ਹਟ ਗਿਆ ਬੈਨ! ਭਾਰਤ 'ਚ ਮੁੜ ਐਕਟਿਵ ਹੋਏ ਪਾਕਿਸਤਾਨੀ ਸੇਲਿਬ੍ਰਿਟੀਜ਼ ਦੇ ਚੈਨਲ
ਕਈ ਸਟਾਰ ਖਿਡਾਰੀਆਂ ਨਾਲ ਖੇਡਿਆ ਕ੍ਰਿਕਟ
ਅਨਾਇਆ ਬਾਂਗੜ ਦੇ ਪਿਤਾ ਸੰਜੇ ਬਾਂਗੜ ਖੁਦ ਇੱਕ ਸਾਬਕਾ ਭਾਰਤੀ ਕ੍ਰਿਕਟਰ ਅਤੇ ਕੋਚ ਹਨ। ਉਸਨੇ ਆਪਣੇ ਪਿਤਾ ਤੋਂ ਕ੍ਰਿਕਟ ਸਿੱਖਿਆ ਹੈ। ਅਨਾਇਆ ਨੇ ਯਸ਼ਸਵੀ ਜੈਸਵਾਲ ਨਾਲ ਅੰਡਰ-16 ਵਿੱਚ ਮੁੰਬਈ ਲਈ ਕ੍ਰਿਕਟ ਵੀ ਖੇਡੀ ਹੈ। ਉਸਨੇ ਸਰਫਰਾਜ਼ ਖਾਨ ਅਤੇ ਮੁਸ਼ੀਰ ਖਾਨ ਵਰਗੇ ਸਟਾਰ ਖਿਡਾਰੀਆਂ ਨਾਲ ਵੀ ਖੇਡਿਆ ਹੈ। ਉਸਨੇ ਲੈਂਕਾਸ਼ਾਇਰ ਦੇ ਸਥਾਨਕ ਕਲੱਬਾਂ ਵਿੱਚ ਵੀ ਆਪਣੀ ਛਾਪ ਛੱਡੀ ਹੈ। ਭਾਵੇਂ ਉਸਨੇ ਆਪਣਾ ਜੈਂਡਰ ਬਦਲ ਲਿਆ ਹੈ ਪਰ ਉਹ ਅਜੇ ਵੀ ਕ੍ਰਿਕਟ ਖੇਡਦੀ ਦਿਖਾਈ ਦਿੰਦੀ ਹੈ।
ਇਹ ਵੀ ਪੜ੍ਹੋ- ਬੱਚਿਆਂ ਦੀਆਂ ਲੱਗ ਗਈਆਂ ਮੌਜਾਂ! ਹੁਣ 10 ਜੁਲਾਈ ਤੱਕ ਬੰਦ ਰਹਿਣਗੇ ਸਕੂਲ
