ਪੰਜਾਬੀ ਗੱਭਰੂ ਦਾ ਕਮਾਲ! ਮਹਾਬਲੀ ਸ਼ੇਰਾ ਦੇ ਇੱਕੋ ਥੱਪੜ ਨਾਲ ਚਿੱਤ ਹੋਇਆ WWE ਦਾ ਸਾਬਕਾ ਚੈਂਪੀਅਨ

ਨਿਊਯਾਰਕ, (ਰਾਜ ਗੋਗਨਾ)- ਇੱਕ ਪਾਸੇ ਭਾਰਤ ਦਾ ਸ਼ੇਰਾ ਸੀ, ਅਤੇ ਦੂਜੇ ਪਾਸੇ ਅਮਰੀਕਾ ਦਾ ਸਾਬਕਾ WWE ਵਰਲਡ ਹੈਵੀਵੇਟ ਚੈਂਪੀਅਨ ਜੈਕ ਸਵੈਗਰ। ਦੋਵਾਂ ਨੇ ਲਾਸ ਵੇਗਾਸ ਵਿੱਚ ਇੱਕ ਪਾਵਰ ਸਲੈਪ ਈਵੈਂਟ ਵਿੱਚ ਮੁਕਾਬਲਾ ਕੀਤਾ। ਇਸ ਈਵੈਂਟ ਤੋਂ ਬਾਅਦ ਸ਼ੇਰਾ ਚਰਚਾ ਵਿਚ ਆ ਗਏ ਕਿਉਂਕ ਉਨ੍ਹਾਂ ਦਾ ਥੱਪੜ ਖਾਣ ਤੋਂ ਬਾਅਦ ਜੈਕ ਸਵੈਗਰ ਢਹਿ-ਢੇਰੀ ਹੋ ਗਿਆ ਤੇ ਮੈਚ ਤੋਂ ਬਾਹਰ ਹੋ ਗਿਆ। ਉਹ ਚਾਰੋ ਖਾਨੇ ਚਿੱਤ ਹੋ ਕੇ ਡਿੱਗਾ ਤੇ ਉਸ ਦਾ ਉਠਣਾ ਮੁਸ਼ਕਲ ਹੋ ਗਿਆ। ਇਸ ਤਰ੍ਹਾਂ, ਭਾਰਤ ਦੇ ਸ਼ੇਰਾ ਨੇ ਸਾਬਕਾ WWE ਵਰਲਡ ਹੈਵੀਵੇਟ ਚੈਂਪੀਅਨ ਦੇ ਖਿਲਾਫ ਪਾਵਰ ਸਲੈਪ ਈਵੈਂਟ ਜਿੱਤਿਆ।

ਜਾਣੋ ਪੰਜਾਬ ਦੇ ਧਾਕੜ ਪੁੱਤ ਸ਼ੇਰਾ ਬਾਰੇ

ਹੁਣ ਸਵਾਲ ਇਹ ਹੈ ਕਿ ਸ਼ੇਰਾ ਕੌਣ ਹੈ? ਸ਼ੇਰਾ, ਜਿਸਨੂੰ TNA (ਟੋਟਲ ਨਾਨਸਟੌਪ ਐਕਸ਼ਨ ਰੈਸਲਿੰਗ) ਰਿੰਗ ਵਿੱਚ ਮਹਾਬਲੀ ਸ਼ੇਰਾ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਅਮਨਪ੍ਰੀਤ ਸਿੰਘ ਹੈ। ਫਿਰੋਜ਼ਪੁਰ, ਪੰਜਾਬ ਵਿੱਚ ਜਨਮੇ, ਸ਼ੇਰਾ ਨੇ 2011 ਵਿੱਚ ਕੁਸ਼ਤੀ ਦੀ ਦੁਨੀਆ ਵਿੱਚ ਪ੍ਰਵੇਸ਼ ਕੀਤਾ। ਇਹ 35 ਸਾਲਾ ਪੇਸ਼ੇਵਰ ਪਹਿਲਵਾਨ 6 ਫੁੱਟ 4 ਇੰਚ ਲੰਬਾ ਹੈ ਅਤੇ 110 ਕਿਲੋਗ੍ਰਾਮ ਭਾਰ ਹੈ।

Former WWE champion Jack Swagger just got SLEPT at Power Slap 🤯 pic.twitter.com/d12RxQUg1A

— Happy Punch (@HappyPunch) July 11, 2026

ਸ਼ੇਰਾ ਨੇ ਜੈਕ ਸਵੈਗਰ ਨੂੰ ਥੱਪੜ ਨਾਲ ਕਿਵੇਂ ਹਰਾਇਆ?

ਸ਼ੇਰਾ ਨੇ ਸਾਬਕਾ WWE ਵਰਲਡ ਹੈਵੀਵੇਟ ਚੈਂਪੀਅਨ ਅਤੇ ਪਾਵਰ ਸਲੈਪ ਦੇ ਵੱਡੇ ਸਟਾਰ ਮੰਨੇ ਜਾਣ ਵਾਲੇ ਜੈਕ ਸਵੈਗਰ ਨੂੰ ਨਾਕਆਊਟ ਕੀਤਾ। ਪਹਿਲੇ ਦੌਰ ਵਿੱਚ ਸਵੈਗਰ ਦਾ ਪਲੜਾ ਭਾਰੀ ਜਾਪਦਾ ਸੀ, ਕਿਉਂਕਿ ਸ਼ੇਰਾ ਦੇ ਥੱਪੜਾਂ ਨਾਲ ਸਵੈਗਰ ਟਸ ਤੋਂ ਮਸ ਨਹੀਂ ਹੋਇਆ ਜਦਕਿ ਉਸ ਦੇ ਥੱਪੜ ਨੇ ਮਹਾਬਲੀ ਸ਼ੇਰਾ ਨੂੰ ਹਿਲਾ ਕੇ ਰੱਖ ਦਿੱਤਾ। ਦੂਜਾ ਦੌਰ ਬਹੁਤ ਨੇੜੇ ਸੀ। ਹਾਲਾਂਕਿ, ਮਹਾਬਲੀ ਸ਼ੇਰਾ ਨੇ ਤੀਜਾ ਦੌਰ ਇਸ ਤਰ੍ਹਾਂ ਜਿੱਤਿਆ ਜਿਸ ਤਰ੍ਹਾਂ ਕੋਈ ਸੋਚ ਵੀ ਨਹੀਂ ਸਕਦਾ ਸੀ। ਮਹਾਬਲੀ ਸ਼ੇਰਾ ਨੇ ਇੱਕ ਅਜਿਹਾ ਜ਼ੋਰਦਾਰ ਥੱਪੜ ਮਾਰਿਆ ਕਿ ਸਵੈਗਰ ਹੇਠਾਂ ਡਿੱਗ ਪਿਆ ਤੇ ਫਿਰ ਉਠ ਨਾ ਸਕਿਆ। ਇਸ ਤਰ੍ਹਾਂ, ਸ਼ੇਰਾ ਨੇ ਉਸਨੂੰ ਨਾਕਆਊਟ ਕਰ ਦਿੱਤਾ।