ਅਮਾਂਡਾ ਅਨੀਸਿਮੋਵਾ ਅਤੇ ਜੈਸਿਕਾ ਪੇਗੁਲਾ ਫਾਈਨਲ ''ਚ

ਟੋਰਾਂਟੋ (ਭਾਸ਼ਾ) : ਅਮਰੀਕਾ ਦੀ ਅਮਾਂਡਾ ਅਨੀਸਿਮੋਵਾ ਨੇ ਹਮਵਤਨ ਅੱਠਵਾਂ ਦਰਜਾ ਪ੍ਰਾਪਤ ਐਮਾ ਨਵਾਰੋ ਨੂੰ ਤਿੰਨ ਸੈੱਟਾਂ ਤੱਕ ਚੱਲੇ ਸਖ਼ਤ ਮੁਕਾਬਲੇ ਵਿੱਚ ਹਰਾ ਕੇ ਨੈਸ਼ਨਲ ਬੈਂਕ ਓਪਨ ਟੈਨਿਸ ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਥਾਂ ਬਣਾਈ ਜਿੱਥੇ ਉਸ ਦਾ ਸਾਹਮਣਾ ਇੱਕ ਹੋਰ ਅਮਰੀਕੀ ਖਿਡਾਰੀ ਜੇਸਿਕਾ ਪੇਗੁਲਾ ਨਾਲ ਹੋਵੇਗਾ। ਵਿਸ਼ਵ ਦੀ 132ਵੀਂ ਰੈਂਕਿੰਗ ਵਾਲੀ ਅਨੀਸਿਮੋਵਾ ਨੇ ਨਵਾਰੋ ਨੂੰ 6-3, 2-6, 6-2 ਨਾਲ ਹਰਾਇਆ। 

ਮੌਜੂਦਾ ਚੈਂਪੀਅਨ ਅਤੇ ਤੀਜਾ ਦਰਜਾ ਪ੍ਰਾਪਤ ਪੇਗੁਲਾ ਨੇ ਦੂਜੇ ਸੈਮੀਫਾਈਨਲ ਵਿੱਚ ਰੂਸ ਦੀ 14ਵਾਂ ਦਰਜਾ ਪ੍ਰਾਪਤ ਡਾਇਨਾ ਸ਼ਨਾਈਡਰ ਨੂੰ 6-4, 6-3 ਨਾਲ ਹਰਾਇਆ। ਅਨੀਸਿਮੋਵਾ ਨੇ ਪਿਛਲੇ ਸਾਲ ਟੈਨਿਸ ਤੋਂ ਮਾਨਸਿਕ ਸਿਹਤ ਲਈ ਬ੍ਰੇਕ ਲਿਆ ਸੀ। ਇਸ 22 ਸਾਲਾ ਖਿਡਾਰੀ ਨੇ ਹੁਣ ਤੱਕ ਦੋ ਡਬਲਯੂਟੀਏ ਟੂਰ ਖ਼ਿਤਾਬ ਜਿੱਤੇ ਹਨ।