ਐਲਿਸਾ ਹੀਲੀ ਨੇ ਤੋੜਿਆ MS ਧੋਨੀ ਦਾ ਰਿਕਾਰਡ, ਅਜਿਹਾ ਕਰਨ ਵਾਲੀ ਬਣੀ ਪਹਿਲੀ ਖਿਡਾਰਣ

ਬ੍ਰਿਸਬੇਨ : ਆਸਟਰੇਲੀਆ ਦੀ ਵਿਕੇਟਕੀਪਰ ਬੱਲੇਬਾਜ਼ ਬੀਬੀ ਐਲਿਸਾ ਹੀਲੀ ਨੇ ਐਤਵਾਰ ਨੂੰ ਭਾਰਤੀ ਟੀਮ ਦੇ ਸਾਬਕਾ ਦਿੱਗਜ ਖਿਡਾਰੀ ਐੱਮ.ਐੱਸ. ਧੋਨੀ ਦੇ ਰਿਕਾਰਡ ਨੂੰ ਤੋੜ ਕੇ ਆਪਣੇ ਨਾਮ ਕਰ ਲਿਆ ਹੈ। ਹੀਲੀ ਨੇ ਕ੍ਰਿਕਟ ਦੇ ਸਭ ਤੋਂ ਛੋਟੇ ਪ੍ਰਾਰੂਪ ਵਿਚ ਵਿਕਟਕੀਪਰ ਦੇ ਰੂਪ ਵਿਚ ਸਭ ਤੋਂ ਜ਼ਿਆਦਾ ਆਊਟ ਕਰਣ ਦਾ ਰਿਕਾਰਡ ਆਪਣੇ ਨਾਮ ਕੀਤਾ ਹੈ। ਉਨ੍ਹਾਂ ਨਿਊਜ਼ੀਲੈਂਡ ਖ਼ਿਲਾਫ਼ 3 ਮੈਚਾਂ ਦੀ ਲੜੀ ਦੇ ਦੂਜੇ ਟੀ-20 ਮੈਚ ਵਿਚ ਉਪਲਬਧੀ ਹਾਸਲ ਕੀਤੀ।  

ਹੀਲੀ ਕੋਲ ਹੁਣ ਖੇਡ ਦੇ ਸਭ ਤੋਂ ਛੋਟੇ ਪ੍ਰਾਰੂਪ ਵਿਚ 92 ਆਊਟ ਕਰਣ ਦਾ ਰਿਕਾਰਡ ਹੈ, ਜਦੋਂਕਿ ਧੋਨੀ ਨੇ ਟੀ-20 ਅੰਤਰਰਾਸ਼ਟਰੀ ਵਿਚ 91 ਬੱਲੇਬਾਜਾਂ ਨੂੰ ਵਿਕਟ ਦੇ ਪਿੱਛੋਂ ਪਵੈਲੀਅਨ ਭੇਜਿਆ ਹੈ। ਧੋਨੀ ਨੇ ਭਾਰਤ ਲਈ 98 ਟੀ-20 ਮੈਚ ਖੇਡੇ ਹਨ, ਜਿਸ ਵਿਚ ਉਹ 91 ਬੱਲੇਬਾਜ਼ਾਂ ਨੂੰ ਵਿਕਟ ਦੇ ਪਿੱਛੋਂ ਆਊਟ ਕਰਣ ਵਿਚ ਸਫ਼ਲ ਰਹੇ ਸਨ। ਉਥੇ ਹੀ ਹੀਲੀ ਨੇ 114 ਟੀ-20 ਮੈਚ ਖੇਡ ਕੇ ਇਹ ਉਪਲੱਬਧੀ ਹਾਸਲ ਕੀਤੀ ਹੈ।