ਅੰਪਾਇਰ ਦੇ ਟੋਪੀ ਲੈਣ ਤੋਂ ਨਾਂਹ ਕਰਨ ’ਤੇ ਨਾਰਾਜ਼ ਹੋਏ ਅਫਰੀਦੀ

ਕਰਾਚੀ– ਪਾਕਿਸਤਾਨ ਦੇ ਆਲਰਾਊਂਡਰ ਸ਼ਾਹਿਦ ਅਫਰੀਦੀ ਕੌਮਾਂਤਰੀ ਕ੍ਰਿਕਟ ਪ੍ਰੀਸ਼ਦ (ਆਈ. ਸੀ. ਸੀ.) ਦੇ ਉਸ ਨਿਯਮ ਤੋਂ ਨਾਰਾਜ਼ ਹਨ ਜੋ ਕੋਵਿਡ-19 ਮਹਾਮਾਰੀ ਦੇ ਕਾਰਨ ਅੰਪਾਇਰਾਂ ਨੂੰ ਮੈਚ ਦੌਰਾਨ ਖਿਡਾਰੀਆਂ ਦੀ ਟੋਪੀ ਲੈਣ ਤੋਂ ਰੋਕਦਾ ਹੈ। ਪਾਕਿਸਤਾਨ ਸੁਪਰ ਲੀਗ (ਪੀ. ਐੱਸ. ਐੱਲ.) ’ਚ ਮੁਲਤਾਨ ਸੁਲਤਾਨਜ਼ ਵੱਲੋਂ ਖੇਡ ਰਹੇ ਅਫਰੀਦੀ ਪੇਸ਼ਾਵਰ ਜ਼ਾਲਮੀ ਵਿਰੁੱਧ ਮੈਚ ਦੌਰਾਨ ਉਦੋਂ ਨਾਰਾਜ਼ ਹੋ ਗਏ ਜਦ ਉਨ੍ਹਾਂ ਦੇ ਗੇਂਦਬਾਜ਼ੀ ਲਈ ਆਉਣ ’ਤੇ ਅੰਪਾਇਰ ਨੇ ਉਨ੍ਹਾਂ ਦੀ ਟੋਪੀ ਲੈਣ ਤੋਂ ਨਾਂਹ ਕਰ ਦਿੱਤੀ।

Dear @ICC wondering why the umpires are not allowed to hold bowlers cap even though they are in the same bubble as the players/management and even shake hands at the end of the game? 🤷‍♂️

— Shahid Afridi (@SAfridiOfficial) February 24, 2021

ਬੁੱਧਵਾਰ ਨੂੰ ਅਫਰੀਦੀ ਨੇ ਟਵੀਟ ਕੀਤਾ,‘ਪ੍ਰਿਯ ਆਈ. ਸੀ. ਸੀ. ਹੈਰਾਨ ਹਾਂ ਕਿ ਅੰਪਾਇਰਾਂ ਨੂੰ ਗੇਂਦਬਾਜ਼ਾਂ ਦੀ ਟੋਪੀ ਲੈਣ ਦੀ ਇਜਾਜ਼ਤ ਕਿਉਂ ਨਹੀਂ ਦਿੱਤੀ ਗਈ, ਜਦਕਿ ਉਹ ਉਸੇ ਜੈਵ ਸੁਰੱਖਿਅਤ ਮਾਹੌਲ ’ਚ ਰਹਿੰਦੇ ਹਨ, ਜਿਸ ’ਚ ਖਿਡਾਰੀ ਅਤੇ ਪ੍ਰਬੰਧਨ ਦੇ ਲੋਕ ਰਹਿੰਦੇ ਹਨ ਅਤੇ ਇਥੋਂ ਤੱਕ ਕਿ ਖੇਡ ਖਤਮ ਹੋਣ ’ਤੇ ਹੱਥ ਵੀ ਮਿਲਾਉਂਦੇ ਹਨ।’

ਨੋਟ- ਇਸ ਖਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।