ਅਫਗਾਨ ਕਪਤਾਨ ਨੂੰ ਭਾਰਤ ਖਿਲਾਫ ਪਹਿਲੇ ਟੈਸਟ 'ਚ ਚੰਗੇ ਪ੍ਰਦਰਸ਼ਨ ਦਾ ਭਰੋਸਾ

ਦੇਹਰਾਦੂਨ : ਅਫਗਾਨਿਸਤਾਨ ਕ੍ਰਿਕਟ ਟੀਮ ਜਲਦੀ ਹੀ ਦੁਨੀਆ ਦੀ ਬਾਕੀ ਦਿੱਗਜ ਟੀਮਾਂ ਦੀ ਤਰ੍ਹਾਂ ਟੈਸਟ ਕ੍ਰਿਕਟ ਦਾ ਸਵਾਦ ਚਖਣ ਜਾ ਰਹੀ ਹੈ, ਪਰ ਦੁਨੀਆ ਦੀ ਨੰਬਰ ਇਕ ਟੈਸਟ ਟੀਮ ਭਾਰਤ ਖਿਲਾਫ ਡੈਬਿਊ ਦੇ ਬਾਵਜੂਦ ਉਸਦੇ ਕਪਤਾਨ ਅਸਗਰ ਸਟੈਨਿਕਜਈ ਦੇ ਆਤਮਵਿਸ਼ਵਾਸ 'ਚ ਕੋਈ ਘਾਟਾ ਨਹੀਂ ਹੈ ਜੋ ਬੈਂਗਲੁਰੂ 'ਚ ਜੂਨ ਤੋਂ ਹੋਣ ਵਾਲੇ ਇਤਿਹਾਸਕ ਟੈਸਟ 'ਚ ਵੱਡੇ ਉਲਟਫੇਰ ਦਾ ਅਜੇ ਵੀ ਭਰੋਸਾ ਹੈ। ਦੁਨੀਆ ਦੀ ਚੋਟੀ ਦੀ ਟੀਮ ਭਾਰਤ ਖਿਲਾਫ ਬੈਂਗਲੁਰੂ ਦੇ ਐੱਮ. ਚਿੰਨਾਸਵਾਮੀ ਸਟੇਡੀਅਮ 'ਚ ਅਫਗਾਨਿਸਤਾਨ ਆਪਣੇ ਇਤਿਹਾਸ ਦਾ ਪਹਿਲਾ ਟੈਸਟ ਖੇਡੇਣ ਉਤਰੇਗੀ ਜੋ ਟੈਸਟ ਫਾਰਮੈਟ 'ਚ ਉਨ੍ਹਾਂ ਦਾ ਡੈਬਿਊ ਹੈ। ਅਜਿੰਕਯ ਰਹਾਨੇ ਦੀ ਕਪਤਾਨੀ 'ਚ ਇਹ ਇਕਲੌਤਾ ਟੈਸਟ ਅੱਤਵਾਦ ਪ੍ਰਭਾਵਿਤ ਅਫਗਾਨਿਸਤਾਨ ਲਈ ਇਤਿਹਾਸਕ ਮੈਚ ਹੋਵੇਗਾ। ਮੁਸ਼ਕਲਾਂ ਹਾਲਾਤਾਂ ਅਤੇ ਭਾਰਤ ਦੀ ਜ਼ਮੀਨ 'ਤੇ ਆਪਣੇ ਘਰੇਲੂ ਮੈਚ ਖੇਡ ਰਹੀ ਅਫਗਾਨ ਟੀਮ ਨੇ ਹਾਲ ਹੀ 'ਚ ਬੰਗਲਾਦੇਸ਼ ਖਿਲਾਫ ਟੀ-20 ਮੈਚ ਦੀ ਸੀਰੀਜ਼ 3-0 ਨਾਲ ਜਿੱਤ ਕੇ ਇਤਿਹਾਸ ਰੱਚਿਆ ਹੈ। ਅਜਿਹੇ 'ਚ ਸਟੈਨਿਕਜਈ ਦੀ ਕਪਤਾਨੀ ਵਾਲੀ ਅਫਗਾਨ ਟੀਮ ਪਹਿਲਾਂ ਹੀ ਆਤਮਨਿਸ਼ਵਾਸ ਨਾਲ ਭਰਭੂਰ ਹੈ। ਉਨ੍ਹਾਂ ਕਿਹਾ ਅਸੀਂ ਭਾਰਤ ਖਿਲਾਫ ਆਪਣੀ ਬਹੁਚ ਚੰਗੀ ਕੀਤੀ ਹੈ। ਸਾਡੇ ਕੋਲ ਮੌਜੂਦਾ ਸਮੇਂ 'ਚ ਵਿਸ਼ਵ ਦੇ ਸਭ ਤੋਂ ਚੰਗੇ ਸਪਿਨ ਗੇਂਦਬਾਜ਼ ਹਨ। ਜਿਨ੍ਹਾਂ 'ਚੋਂ ਰਾਸ਼ਿਦ ਖਾਨ, ਮੁਜੀਬ ਉਰ ਰਹਿਮਾਨ ਅਤੇ ਮੁਹੰਮਦ ਨਬੀ ਨੇ ਆਪਣੀ ਸ਼ਾਨਦਾਰ ਗੇਂਦਬਾਜ਼ੀ ਨਾਲ ਸਾਬਤ ਵੀ ਕੀਤਾ ਹੈ। ਅਜਿਹੇ 'ਚ ਸਾਡਾ ਸਪਿਨ ਵਿਭਾਗ ਭਾਰਤ ਨਾਲੋ ਜ਼ਿਆਦਾ ਮਜ਼ਬੂਤ ਹੈ।