AFG vs SA : ਰਹਿਮਾਨਉੱਲ੍ਹਾ ਗੁਰਬਾਜ਼ ਦਾ ਸੈਂਕੜਾ, 42 ਮੈਚਾਂ ''ਚ 7ਵਾਂ, ਬਣੇ ਨੰਬਰ ਵਨ ਅਫ਼ਗਾਨੀ ਖਿਡਾਰੀ
Friday, Sep 20, 2024 - 08:40 PM (IST)
ਸਪੋਰਟਸ ਡੈਸਕ : ਅਫ਼ਗਾਨਿਸਤਾਨ ਦੇ ਓਪਨਿੰਗ ਬੱਲੇਬਾਜ਼ ਰਹਿਮਾਨਉੱਲ੍ਹਾ ਗੁਰਬਾਜ਼ ਨੇ ਸਿਰਫ 22 ਸਾਲ ਦੀ ਉਮਰ 'ਚ ਇਕ ਵੱਡਾ ਰਿਕਾਰਡ ਬਣਾ ਦਿੱਤਾ ਹੈ। ਸ਼ਾਰਜਾਹ ਮੈਦਾਨ 'ਤੇ ਦੱਖਣੀ ਅਫਰੀਕਾ ਖਿਲਾਫ ਖੇਡੇ ਜਾ ਰਹੇ ਦੂਜੇ ਵਨਡੇ ਮੈਚ 'ਚ ਗੁਰਬਾਜ਼ ਨੇ 107 ਗੇਂਦਾਂ 'ਚ ਸੈਂਕੜਾ ਲਗਾਇਆ। ਇਹ ਵਨਡੇ ਕਰੀਅਰ ਦਾ ਸੱਤਵਾਂ ਸੈਂਕੜਾ ਹੈ। ਇਸ ਦੇ ਨਾਲ ਹੀ ਉਹ ਅਫਗਾਨਿਸਤਾਨ ਵੱਲੋਂ ਸਭ ਤੋਂ ਵੱਧ ਵਨਡੇ ਸੈਂਕੜੇ ਲਗਾਉਣ ਵਾਲੇ ਖਿਡਾਰੀ ਵੀ ਬਣ ਗਏ ਹਨ। ਇਸ ਤੋਂ ਪਹਿਲਾਂ ਉਹ ਮੁਹੰਮਦ ਸ਼ਹਿਜ਼ਾਦ ਨਾਲ ਇਹ ਰਿਕਾਰਡ ਸਾਂਝਾ ਕਰ ਰਹੇ ਸਨ। ਗੁਰਬਾਜ਼ ਨੇ ਨਾ ਸਿਰਫ਼ ਸੈਂਕੜਾ ਲਗਾਇਆ, ਸਗੋਂ ਆਪਣੀ ਟੀਮ ਨੂੰ ਮਜ਼ਬੂਤ ਸ਼ੁਰੂਆਤ ਵੀ ਦਿੱਤੀ। ਅਫਗਾਨਿਸਤਾਨ ਨੇ ਪਹਿਲਾ ਵਨਡੇ ਜਿੱਤ ਲਿਆ ਹੈ। ਦੂਜੇ ਵਨਡੇ 'ਚ ਗੁਰਬਾਜ਼ ਦੇ ਸੈਂਕੜੇ ਦੀ ਬਦੌਲਤ ਅਫਗਾਨਿਸਤਾਨ ਦੀ ਟੀਮ ਫਿਰ ਤੋਂ ਜੋਸ਼ੀਲੀ ਨਜ਼ਰ ਆਈ।
ਅਫਗਾਨਿਸਤਾਨ ਵੱਲੋਂ ਵਨਡੇ 'ਚ ਸਭ ਤੋਂ ਜ਼ਿਆਦਾ ਸੈਂਕੜੇ
7 ਸੈਂਕੜੇ : ਰਹਿਮਾਨਉੱਲ੍ਹਾ ਗੁਰਬਾਜ਼
6 ਸੈਂਕੜੇ : ਮੁਹੰਮਦ ਸ਼ਹਿਜ਼ਾਦ
5 ਸੈਂਕੜੇ : ਇਬਰਾਹਿਮ ਜ਼ਦਰਾਨ
5 ਸੈਂਕੜੇ : ਰਹਿਮਤ ਸ਼ਾਹ
2 ਸੈਂਕੜੇ : ਕਰੀਮ ਸਦੀਕ
ਗੁਰਬਾਜ਼ ਦੇ ਸੈਂਕੜੇ
151 ਬਨਾਮ ਪਾਕਿਸਤਾਨ
145 ਬਨਾਮ ਬੰਗਲਾਦੇਸ਼
127 ਬਨਾਮ ਆਇਰਲੈਂਡ
121 ਬਨਾਮ ਆਇਰਲੈਂਡ
106 ਬਨਾਮ ਬੰਗਲਾਦੇਸ਼
103 ਬਨਾਮ ਨੀਦਰਲੈਂਡ
105 ਬਨਾਮ ਦੱਖਣੀ ਅਫਰੀਕਾ
ਇਸ ਤਰ੍ਹਾਂ ਚੱਲ ਰਿਹਾ ਹੈ ਮੁਕਾਬਲਾ
ਪਹਿਲਾ ਵਨਡੇ ਜਿੱਤਣ ਵਾਲੇ ਅਫਗਾਨਿਸਤਾਨ ਨੇ ਦੂਜੇ ਵਿਚ ਵੀ ਦਮਦਾਰ ਸ਼ੁਰੂਆਤ ਕੀਤੀ। ਅਫਗਾਨਿਸਤਾਨ ਦੇ ਬੱਲੇਬਾਜ਼ ਦੱਖਣੀ ਅਫਰੀਕੀ ਗੇਂਦਬਾਜ਼ ਲੁੰਗੀ ਏਨਿਗਦੀ, ਨੰਦਰੇ ਬਰਗਰ ਅਤੇ ਬਿਜੋਰਨ ਦੇ ਸਾਹਮਣੇ ਕਾਫੀ ਆਤਮਵਿਸ਼ਵਾਸ ਨਾਲ ਭਰੇ ਨਜ਼ਰ ਆਏ। ਗੁਰਬਾਜ਼ ਅਤੇ ਰਿਆਜ਼ ਹਸਨ ਨੇ ਪਹਿਲੀ ਵਿਕਟ ਲਈ 88 ਦੌੜਾਂ ਜੋੜੀਆਂ। ਇਸ ਦੌਰਾਨ ਗੁਰਬਾਜ਼ ਸੈਂਕੜਾ ਲਗਾਉਣ 'ਚ ਸਫਲ ਰਹੇ। ਉਸ ਨੇ 110 ਗੇਂਦਾਂ 'ਚ 10 ਚੌਕਿਆਂ ਅਤੇ 3 ਛੱਕਿਆਂ ਦੀ ਮਦਦ ਨਾਲ 105 ਦੌੜਾਂ ਬਣਾਈਆਂ ਅਤੇ ਉਸ ਦੇ ਆਊਟ ਹੋਣ ਤੱਕ ਸਕੋਰ 35 ਓਵਰਾਂ 'ਚ 189 ਦੌੜਾਂ 'ਤੇ ਪਹੁੰਚ ਗਿਆ।
ਦੋਵੇਂ ਟੀਮਾਂ ਦੀ ਪਲੇਇੰਗ 11
ਦੱਖਣੀ ਅਫਰੀਕਾ : ਰੀਜ਼ਾ ਹੈਂਡਰਿਕਸ, ਟੋਨੀ ਡੀ. ਜੋਰਜੀ, ਟੇਂਬਾ ਬਾਵੁਮਾ (ਕਪਤਾਨ), ਏਡਨ ਮਾਰਕਰਮ, ਟ੍ਰਿਸਟਨ ਸਟੱਬਸ, ਕਾਇਲ ਵੇਰੇਨ (ਡਬਲਯੂ. ਕੇ.), ਵਿਆਨ ਮੁਲਡਰ, ਬਿਜੋਰਨ ਫੋਰਟੂਯਨ, ਨੰਦਰੇ ਬਰਗਰ, ਨਕਾਬਾ ਪੀਟਰ, ਲੁੰਗੀ ਨਗਿਡੀ।
ਅਫਗਾਨਿਸਤਾਨ : ਰਹਿਮਾਨਉੱਲ੍ਹਾ ਗੁਰਬਾਜ਼ (ਵਿਕਟਕੀਪਰ), ਰਿਆਜ਼ ਹਸਨ, ਰਹਿਮਤ ਸ਼ਾਹ, ਹਸ਼ਮਤੁੱਲਾ ਸ਼ਾਹਿਦੀ (ਕਪਤਾਨ), ਅਜ਼ਮਤੁੱਲਾ ਉਮਰਜ਼ਈ, ਮੁਹੰਮਦ ਨਬੀ, ਇਕਰਾਮ ਅਲੀਖਿਲ, ਰਾਸ਼ਿਦ ਖਾਨ, ਨੰਗੇਯਾਲੀਆ ਖਰੋਤੇ, ਅੱਲ੍ਹਾ ਗਜ਼ਨਫਰ, ਫਜ਼ਲਹਕ ਫਾਰੂਕੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
