ਏਸ਼ੀਅਨ ਬਿਲੀਅਰਡਸ ਚੈਂਪੀਅਨਸ਼ਿਪ ''ਚ ਆਡਵਾਨੀ ਦੀਆਂ ਨਜ਼ਰਾਂ  ਖਿਤਾਬੀ ਹੈਟ੍ਰਿਕ ''ਤੇ

ਰਿਆਦ, (ਭਾਸ਼ਾ) ਭਾਰਤ ਦੇ ਚੋਟੀ ਦੇ ਕਿਊ (ਸਨੂਕਰ ਅਤੇ ਬਿਲੀਅਰਡਸ) ਖਿਡਾਰੀ ਪੰਕਜ ਅਡਵਾਨੀ ਖਿਤਾਬ ਦੀ ਹੈਟ੍ਰਿਕ ਪੂਰੀ ਕਰਨ ਦੇ ਉਦੇਸ਼ ਨਾਲ ਮੰਗਲਵਾਰ ਤੋਂ ਇੱਥੇ ਸ਼ੁਰੂ ਹੋ ਰਹੀ ਏਸ਼ੀਅਨ ਬਿਲੀਅਰਡਸ ਚੈਂਪੀਅਨਸ਼ਿਪ ਵਿਚ ਹਿੱਸਾ ਲੈਣਗੇ। ਇਸ ਚਾਰ ਦਿਨਾਂ ਟੂਰਨਾਮੈਂਟ ਵਿੱਚ ਏਸ਼ੀਆ ਦੇ ਚੋਟੀ ਦੇ ਖਿਡਾਰੀ ਹਿੱਸਾ ਲੈਣਗੇ ਜਿਸ ਵਿੱਚ ਅਡਵਾਨੀ ਤੋਂ ਇਲਾਵਾ ਸੌਰਵ ਕੋਠਾਰੀ ਅਤੇ ਧਰੁਵ ਸੀਤਵਾਲਾ ਵੀ ਭਾਰਤੀ ਚੁਣੌਤੀ ਪੇਸ਼ ਕਰਨਗੇ। 

ਅਡਵਾਨੀ ਨੇ 2005 ਤੋਂ ਹੁਣ ਤੱਕ ਨੌਂ ਏਸ਼ੀਅਨ ਬਿਲੀਅਰਡਸ ਖਿਤਾਬ ਜਿੱਤੇ ਹਨ। ਉਹ ਇਸ ਦੇ ਪਿਛਲੇ ਦੋ ਮੁਕਾਬਲਿਆਂ ਦਾ ਚੈਂਪੀਅਨ ਹੈ। ਉਸਨੇ ਸਨੂਕਰ ਵਿੱਚ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ, 2016, 2019 ਅਤੇ 2021 ਵਿੱਚ ਏਸ਼ੀਅਨ ਖਿਤਾਬ ਜਿੱਤਣ ਦੇ ਨਾਲ-ਨਾਲ 2017 ਵਿੱਚ ਟੀਮ ਖਿਤਾਬ ਵੀ ਜਿੱਤਿਆ ਹੈ। ਅਡਵਾਨੀ ਨੇ ਇੱਥੇ ਇੱਕ ਰਿਲੀਜ਼ ਵਿੱਚ ਕਿਹਾ, “ਮੈਂ ਪਿਛਲੇ ਕਈ ਸਾਲਾਂ ਤੋਂ ਸਫਲਤਾ ਦਾ ਸਵਾਦ ਚੱਖਿਆ ਹੈ ਪਰ ਮੈਂ ਆਤਮਮੁਗਧਤਾ ਤੋਂ ਬਚਦੇ ਹੋਏ ਖੇਡ 'ਤੇ ਧਿਆਨ ਦੇਣ ਦੀ ਕੋਸ਼ਿਸ਼ ਕਰਦਾ ਹਾਂ। ਇਸ ਈਵੈਂਟ ਵਿੱਚ ਭਾਰਤ, ਥਾਈਲੈਂਡ, ਮਿਆਂਮਾਰ ਅਤੇ ਸਿੰਗਾਪੁਰ ਦੇ ਦਿੱਗਜ ਖਿਡਾਰੀ ਭਾਗ ਲੈ ਰਹੇ ਹਨ, ਜਿਸ ਕਾਰਨ ਇਹ ਮੁਕਾਬਲਾ ਬਹੁਤ ਚੁਣੌਤੀਪੂਰਨ ਹੋਵੇਗਾ।''