ਧੋਨੀ ਲਈ ਅਨੋਖਾ ਕ੍ਰੇਜ਼, ਫੈਨ ਨੇ ਛਪਵਾ ਲਈ ਵਿਆਹ ਦੇ ਕਾਰਡ ''ਤੇ ਧੋਨੀ ਦੀ ਤਸਵੀਰ

ਨਵੀਂ ਦਿੱਲੀ  : ਕੌਮਾਂਤਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਮਹਿੰਦਰ ਸਿੰਘ ਧੋਨੀ ਅੱਜ ਵੀ ਲੋਕਾਂ ਦੇ ਦਿਲਾਂ 'ਤੇ ਰਾਜ ਕਰਦੇ ਹਨ। ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਧੋਨੀ ਦੇ ਪ੍ਰਸ਼ੰਸਕ ਦੇਸ਼ ਦੇ ਹਰ ਕੋਨੇ ਵਿੱਚ ਹਨ। ਕਰਨਾਟਕ 'ਚ ਰਹਿਣ ਵਾਲੇ ਇਕ ਪ੍ਰਸ਼ੰਸਕ ਨੇ ਧੋਨੀ ਪ੍ਰਤੀ ਆਪਣੀ ਦੀਵਾਨਗੀ ਨੂੰ ਅਨੋਖੇ ਤਰੀਕੇ ਨਾਲ ਜ਼ਾਹਰ ਕੀਤਾ ਹੈ। ਇਹ ਫੈਨ ਜਲਦ ਹੀ ਵਿਆਹ ਕਰਨ ਜਾ ਰਿਹਾ ਹੈ। ਵਿਅਕਤੀ ਨੇ ਜਿੱਥੇ ਆਪਣੇ ਵਿਆਹ ਦੇ ਕਾਰਡ 'ਤੇ ਭਗਵਾਨ ਗਣੇਸ਼ ਦੀ ਫੋਟੋ ਛਾਪੀ ਹੈ, ਉਥੇ ਧੋਨੀ ਦੀ ਫੋਟੋ ਵੀ ਛਾਪੀ ਹੈ।

ਇਹ ਵਿਆਹ ਦਾ ਕਾਰਡ ਕੰਨੜ ਭਾਸ਼ਾ ਵਿੱਚ ਛਾਪਿਆ ਗਿਆ ਹੈ। 12 ਮਾਰਚ ਨੂੰ ਲਾੜਾ ਸੱਤ ਫੇਰੇ ਲਵੇਗਾ। ਧੋਨੀ ਦੀ ਫੋਟੋ ਪ੍ਰਕਾਸ਼ਿਤ ਹੋਣ ਕਾਰਨ ਇਹ ਵਿਆਹ ਦਾ ਕਾਰਡ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਕਾਰਡ 'ਤੇ ਛਪੀ ਮਹਿੰਦਰ ਸਿੰਘ ਧੋਨੀ ਦੀ ਤਸਵੀਰ ਚੈਂਪੀਅਨਸ ਟਰਾਫੀ 2013 ਦੀ ਹੈ। ਮੈਚ ਵਿਨਿੰਗ ਛੱਕੇ ਲਗਾ ਕੇ ਭਾਰਤ ਨੂੰ ਸਭ ਤੋਂ ਵੱਧ ਮੈਚ ਜਿਤਾਉਣ ਵਾਲੇ ਮਹਿੰਦਰ ਸਿੰਘ ਧੋਨੀ ਦੀ ਫੈਨ ਫਾਲੋਇੰਗ ਦਿਨੋਂ ਦਿਨ ਵਧਦੀ ਜਾ ਰਹੀ ਹੈ। ਮਾਹੀ ਨੇ ਭਾਰਤ ਨੂੰ ਤਿੰਨ ਆਈਸੀਸੀ ਟਰਾਫੀਆਂ ਦਿੱਤੀਆਂ ਹਨ। ਇਹ ਕਾਰਨਾਮਾ ਕਰਨ ਵਾਲਾ ਉਹ ਦੇਸ਼ ਦਾ ਇਕਲੌਤਾ ਕਪਤਾਨ ਹੈ।

ਇਹ ਵੀ ਪੜ੍ਹੋ : ਫ੍ਰੈਂਚਾਈਜ਼ੀ ਟੂਰਨਾਮੈਂਟਾਂ ਤੋਂ ਕੌਮਾਂਤਰੀ ਕ੍ਰਿਕਟ ਨੂੰ ਖਤਰਾ, MCC ਨੇ ਜਤਾਇਆ ਇਹ ਖਦਸ਼ਾ

ਮਹਿੰਦਰ ਸਿੰਘ ਧੋਨੀ IPL 2023 'ਚ ਖੇਡਦੇ ਨਜ਼ਰ ਆਉਣਗੇ। ਧੋਨੀ ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਹਨ। ਮਾਹੀ ਨੇ ਭਾਰਤ ਲਈ 90 ਟੈਸਟ ਖੇਡੇ ਹਨ, ਜਿਸ 'ਚ 4876 ਦੌੜਾਂ ਬਣਾਈਆਂ ਹਨ। ਧੋਨੀ ਦੇ ਨਾਂ 6 ਸੈਂਕੜੇ ਅਤੇ 33 ਅਰਧ ਸੈਂਕੜੇ ਦਰਜ ਹਨ। ਟੈਸਟ 'ਚ ਧੋਨੀ ਦਾ ਸਰਵੋਤਮ ਸਕੋਰ 224 ਦੌੜਾਂ ਹੈ। ਮਾਹੀ ਨੇ 350 ਵਨਡੇ ਖੇਡੇ ਹਨ। 297 ਪਾਰੀਆਂ 'ਚ 10773 ਦੌੜਾਂ ਬਣਾਈਆਂ। ਮਾਹੀ ਨੇ ਵਨਡੇ 'ਚ 10 ਸੈਂਕੜੇ ਅਤੇ 73 ਅਰਧ ਸੈਂਕੜੇ ਲਗਾਏ ਹਨ।

ਵਨਡੇ 'ਚ ਮਾਹੀ ਦਾ ਸਰਵੋਤਮ ਸਕੋਰ ਅਜੇਤੂ 183 ਹੈ। ਮਹਿੰਦਰ ਸਿੰਘ ਧੋਨੀ ਨੇ 98 ਟੀ-20 ਅੰਤਰਰਾਸ਼ਟਰੀ ਮੈਚ ਵੀ ਖੇਡੇ ਹਨ। ਉਸ ਨੇ ਟੀ-20 'ਚ 1617 ਦੌੜਾਂ ਬਣਾਈਆਂ ਹਨ। IPL 16 ਦਾ ਸੀਜ਼ਨ 31 ਮਾਰਚ ਤੋਂ ਸ਼ੁਰੂ ਹੋ ਰਿਹਾ ਹੈ। ਸੀਜ਼ਨ ਵਿੱਚ 10 ਟੀਮਾਂ ਹਿੱਸਾ ਲੈਣਗੀਆਂ, ਜਿਨ੍ਹਾਂ ਨੂੰ ਦੋ ਗਰੁੱਪਾਂ ਵਿੱਚ ਵੰਡਿਆ ਗਿਆ ਹੈ। ਸੀਜ਼ਨ ਦਾ ਪਹਿਲਾ ਮੈਚ ਗੁਜਰਾਤ ਟਾਈਟਨਸ ਅਤੇ ਚੇਨਈ ਸੁਪਰ ਕਿੰਗਜ਼ ਵਿਚਾਲੇ ਅਹਿਮਦਾਬਾਦ 'ਚ ਖੇਡਿਆ ਜਾਵੇਗਾ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।