IPL 2026: ਸਨਰਾਈਜ਼ਰਜ਼ ਹੈਦਰਾਬਾਦ ਦੇ ਨਿਤੀਸ਼ ਰੈੱਡੀ ਦੀ ਗੇਂਦਬਾਜ਼ੀ ''ਚ ਆਇਆ ਵੱਡਾ ਬਦਲਾਅ

ਸਪੋਰਟਸ ਡੈਸਕ : ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਵੱਲੋਂ ਖੇਡ ਰਹੇ ਭਾਰਤੀ ਆਲਰਾਊਂਡਰ ਨਿਤੀਸ਼ ਕੁਮਾਰ ਰੈੱਡੀ ਨੇ ਇੱਕ ਮੁਸ਼ਕਲ ਦੌਰ ਤੋਂ ਬਾਅਦ ਆਪਣੀ ਗੇਂਦਬਾਜ਼ੀ ਵਿੱਚ ਲੈਅ ਹਾਸਲ ਕਰਨ ਦਾ ਸਿਹਰਾ ਇੱਕ 'ਖਾਸ ਵਿਅਕਤੀ' ਨੂੰ ਦਿੱਤਾ ਹੈ। ਹਾਲਾਂਕਿ, 22 ਸਾਲਾ ਇਸ ਖਿਡਾਰੀ ਨੇ ਫਿਲਹਾਲ ਉਸ ਵਿਅਕਤੀ ਦੀ ਪਛਾਣ ਗੁਪਤ ਰੱਖੀ ਹੈ।

ਨਿਤੀਸ਼ ਰੈੱਡੀ ਨੂੰ ਭਾਰਤ ਦੇ ਪ੍ਰਮੁੱਖ ਤੇਜ਼ ਗੇਂਦਬਾਜ਼ ਆਲਰਾਊਂਡਰ ਹਾਰਦਿਕ ਪੰਡਯਾ ਦਾ ਸੰਭਾਵੀ ਉੱਤਰਾਧਿਕਾਰੀ ਮੰਨਿਆ ਜਾਂਦਾ ਹੈ। ਪਿਛਲੇ ਇੱਕ ਸਾਲ ਤੋਂ ਫਿਟਨੈਸ ਸਮੱਸਿਆਵਾਂ ਅਤੇ ਸੱਟਾਂ ਕਾਰਨ ਉਨ੍ਹਾਂ ਦੀ ਖੇਡ 'ਤੇ ਅਸਰ ਪਿਆ ਸੀ,। ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਵਿਰੁੱਧ ਸ਼ਾਨਦਾਰ ਪ੍ਰਦਰਸ਼ਨ ਕਰ ਕੇ 'ਪਲੇਅਰ ਆਫ ਦ ਮੈਚ' ਚੁਣੇ ਗਏ ਰੈੱਡੀ ਨੇ ਸਵੀਕਾਰ ਕੀਤਾ ਕਿ ਸੱਟਾਂ ਕਾਰਨ ਉਹ ਆਪਣੀ ਗੇਂਦਬਾਜ਼ੀ ਵਿੱਚ ਸੁਧਾਰ ਨਹੀਂ ਕਰ ਸਕੇ ਸਨ।

ਰੈੱਡੀ ਨੇ ਦੱਸਿਆ, "ਇਸ ਸੀਜ਼ਨ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਮੈਨੂੰ ਥੋੜਾ ਸਮਾਂ ਮਿਲਿਆ ਅਤੇ ਮੈਂ ਇੱਕ ਵਿਸ਼ੇਸ਼ ਵਿਅਕਤੀ ਨਾਲ ਇੱਕ ਹਫ਼ਤੇ ਤੱਕ ਚੰਗਾ ਅਭਿਆਸ ਕੀਤਾ। ਇਸ ਨਾਲ ਮੈਨੂੰ ਵਾਕਈ ਮਦਦ ਮਿਲੀ ਅਤੇ ਉਨ੍ਹਾਂ ਨੇ ਜੋ ਵੀ ਕਿਹਾ ਸੀ, ਉਹ ਹੁਣ ਸਮਝ ਵਿੱਚ ਆ ਰਿਹਾ ਹੈ"। ਜਦੋਂ ਉਨ੍ਹਾਂ ਤੋਂ ਉਸ ਵਿਅਕਤੀ ਦਾ ਨਾਂ ਪੁੱਛਿਆ ਗਿਆ ਤਾਂ ਉਨ੍ਹਾਂ ਮੁਸਕਰਾਉਂਦੇ ਹੋਏ ਕਿਹਾ ਕਿ ਉਹ ਇਸ ਦਾ ਖੁਲਾਸਾ ਬਾਅਦ ਵਿੱਚ ਕਰਨਗੇ।

ਨਿਤੀਸ਼ ਰੈੱਡੀ ਦੀ ਤਿਆਰੀ ਦਾ ਅਸਰ ਮੈਦਾਨ 'ਤੇ ਸਾਫ਼ ਦਿਖਾਈ ਦਿੱਤਾ। ਉਨ੍ਹਾਂ ਨੇ ਬੱਲੇਬਾਜ਼ੀ ਕਰਦੇ ਹੋਏ 24 ਗੇਂਦਾਂ ਵਿੱਚ 39 ਦੌੜਾਂ ਬਣਾਈਆਂ ਅਤੇ ਗੇਂਦਬਾਜ਼ੀ ਵਿੱਚ ਦੋ ਓਵਰਾਂ ਵਿੱਚ ਸਿਰਫ਼ 17 ਦੌੜਾਂ ਦੇ ਕੇ ਦੋ ਅਹਿਮ ਵਿਕਟਾਂ ਲਈਆਂ। ਉਨ੍ਹਾਂ ਦੇ ਇਸ ਸਰਬਪੱਖੀ ਪ੍ਰਦਰਸ਼ਨ ਸਦਕਾ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਕੋਲਕਾਤਾ ਵਿਰੁੱਧ 65 ਦੌੜਾਂ ਦੀ ਵੱਡੀ ਜਿੱਤ ਦਰਜ ਕੀਤੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e