1st T20I : ICC ਨੇ ਭਾਰਤ ਅਤੇ ਵੈਸਟਇੰਡੀਜ਼ ''ਤੇ ਲਗਾਇਆ ਜੁਰਮਾਨਾ, ਜਾਣੋ ਦੋਵਾਂ ਟੀਮਾਂ ਤੋਂ ਕੀ ਹੋਈ ਗਲਤੀ

ਦੁਬਈ- ਭਾਰਤ ਅਤੇ ਵੈਸਟਇੰਡੀਜ਼ ਦੀਆਂ ਟੀਮਾਂ 'ਤੇ ਤ੍ਰਿਨੀਦਾਦ ਦੇ ਤਰੌਬਾ 'ਚ ਪੰਜ ਮੈਚਾਂ ਦੀ ਲੜੀ ਦੇ ਪਹਿਲੇ ਟੀ-20 ਅੰਤਰਰਾਸ਼ਟਰੀ ਮੈਚ 'ਚ ਹੌਲੀ ਓਵਰ-ਰੇਟ ਲਈ ਜੁਰਮਾਨਾ ਲਗਾਇਆ ਗਿਆ। ਵੀਰਵਾਰ ਨੂੰ ਖੇਡੇ ਗਏ ਮੈਚ ਦੌਰਾਨ ਭਾਰਤ 'ਤੇ ਘੱਟੋ-ਘੱਟ ਓਵਰ ਰੇਟ ਤੋਂ ਇਕ ਓਵਰ ਘੱਟ ਹੋਣ ਕਾਰਨ ਮੈਚ ਫੀਸ ਦਾ 5 ਫ਼ੀਸਦੀ ਜੁਰਮਾਨਾ ਲਗਾਇਆ ਗਿਆ, ਜਦਕਿ ਵੈਸਟਇੰਡੀਜ਼ 'ਤੇ ਘੱਟੋ-ਘੱਟ ਓਵਰ ਰੇਟ ਤੋਂ ਦੋ ਓਵਰ ਘੱਟ ਹੋਣ ਕਾਰਨ ਮੈਚ ਫੀਸ ਦਾ 10 ਫ਼ੀਸਦੀ ਜੁਰਮਾਨਾ ਲਗਾਇਆ ਗਿਆ। 

ਇਹ ਵੀ ਪੜ੍ਹੋ- ਮੈਨਚੈਸਟਰ 'ਚ ਤਾਂ ਗੇਂਦਬਾਜ਼ੀ ਹੀ ਨਹੀਂ ਹੋਈ, ਜੁਰਮਾਨਾ ਲੱਗਣ 'ਤੇ ਭੜਕੇ ਉਸਮਾਨ ਖਵਾਜਾ, ਦਿੱਤਾ ਇਹ ਤਰਕ
ਆਈਸੀਸੀ ਇਲੀਟ ਪੈਨਲ ਦੇ ਮੈਚ ਰੈਫਰੀ ਰਿਚੀ ਰਿਚਰਡਸਨ ਨੇ ਹਾਰਦਿਕ ਪੰਡਿਆ ਅਤੇ ਰੋਵਮੈਨ ਪਾਵੇਲ ਦੀਆਂ ਟੀਮਾਂ ਨੂੰ ਕ੍ਰਮਵਾਰ ਇਕ ਅਤੇ ਦੋ ਓਵਰਾਂ ਦਾ ਨਿਰਧਾਰਤ ਸਮੇਂ 'ਚ ਘਟਾਉਣ ਲਈ ਸਜ਼ਾ ਦਿੱਤੀ। ਆਈਸੀਸੀ ਦੀ ਖਿਡਾਰੀਆਂ ਅਤੇ ਟੀਮ ਐਸੋਸੀਏਟਸ ਲਈ ਕੋਡ ਆਫ ਕੰਡਕਟ ਦੇ ਆਰਟੀਕਲ 2.22 (ਘੱਟੋ-ਘੱਟ ਓਵਰਾਂ ਨਾਲ ਸਬੰਧਤ) ਦੇ ਅਨੁਸਾਰ ਖਿਡਾਰੀਆਂ ਨੂੰ ਆਪਣੀ ਟੀਮ ਦੁਆਰਾ ਨਿਰਧਾਰਤ ਸਮੇਂ 'ਚ ਗੇਂਦਬਾਜ਼ੀ ਕਰਨ 'ਚ ਅਸਫਲ ਰਹਿਣ ਵਾਲੇ ਹਰੇਕ ਓਵਰ ਲਈ ਉਨ੍ਹਾਂ ਦੀ ਮੈਚ ਫੀਸ ਦਾ ਪੰਜ ਫ਼ੀਸਦੀ ਜੁਰਮਾਨਾ ਲਗਾਇਆ ਜਾਂਦਾ ਹੈ।

ਇਹ ਵੀ ਪੜ੍ਹੋ- ਕੀ ਸ਼ੋਏਬ ਮਲਿਕ ਤੇ ਸਾਨੀਆ ਮਿਰਜ਼ਾ ਦਾ ਹੋ ਗਿਆ ਤਲਾਕ? ਪਾਕਿ ਕ੍ਰਿਕਟਰ ਨੇ ਇੰਸਟਾ 'ਤੇ ਦਿੱਤਾ ਇਹ ਸੰਕੇਤ
ਅਜਿਹੇ 'ਚ ਖਿਡਾਰੀ 'ਤੇ ਵੱਧ ਤੋਂ ਵੱਧ ਮੈਚ ਫੀਸ ਦਾ 50 ਫ਼ੀਸਦੀ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ। ਆਈਸੀਸੀ ਦੀ ਰਿਲੀਜ਼ ਦੇ ਅਨੁਸਾਰ, ਪੰਡਿਆ ਅਤੇ ਪਾਵੇਲ ਨੇ ਆਪਣੇ ਅਪਰਾਧਾਂ ਅਤੇ ਪ੍ਰਸਤਾਵਿਤ ਪਾਬੰਦੀਆਂ ਨੂੰ ਸਵੀਕਾਰ ਕਰ ਲਿਆ ਹੈ, ਇਸ ਲਈ ਰਸਮੀ ਸੁਣਵਾਈ ਦੀ ਕੋਈ ਲੋੜ ਨਹੀਂ ਸੀ। ਇਹ ਦੋਸ਼ ਮੈਦਾਨ ਦੇ ਅੰਪਾਇਰ ਗ੍ਰੇਗਰੀ ਬ੍ਰੈਥਵੇਟ ਅਤੇ ਪੈਟਰਿਕ ਗੁਸਟਰਡ, ਤੀਜੇ ਅੰਪਾਇਰ ਨਿਗੇਲ ਡੁਗੁਇਡ ਅਤੇ ਚੌਥੇ ਅੰਪਾਇਰ ਲੇਸਲੀ ਰੀਫਰ ਨੇ ਲਗਾਏ ਸਨ। ਭਾਰਤ ਪਹਿਲਾ ਟੀ-20 ਮੈਚ ਚਾਰ ਦੌੜਾਂ ਨਾਲ ਹਾਰ ਗਿਆ ਸੀ। ਪੰਜ ਮੈਚਾਂ ਦੀ ਲੜੀ ਦਾ ਦੂਜਾ ਮੈਚ ਐਤਵਾਰ ਨੂੰ ਗੁਆਨਾ ਦੇ ਪ੍ਰੋਵਿਡੈਂਸ 'ਚ ਖੇਡਿਆ ਜਾਵੇਗਾ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8