50 ਪਾਬੰਦੀਸ਼ੁਦਾ ਟੀਕਿਆਂ ਸਮੇਤ ਔਰਤ ਕਾਬੂ

ਚੰਡੀਗੜ੍ਹ (ਸੁਸ਼ੀਲ) : ਪਾਬੰਦੀਸ਼ੁਦਾ ਟੀਕਿਆਂ ਦੀ ਸਪਲਾਈ ਕਰਨ ਵਾਲੀ ਔਰਤ ਨੂੰ ਪੁਲਸ ਨੇ ਸੈਕਟਰ-39 ਨੇੜਿਓਂ ਕਾਬੂ ਕੀਤਾ ਹੈ। ਔਰਤ ਦੀ ਪਛਾਣ ਅਰਸ਼ਦੀਪ ਕੌਰ ਵਜੋਂ ਹੋਈ ਹੈ। ਤਲਾਸ਼ੀ ਦੌਰਾਨ ਉਸ ਕੋਲੋਂ ਪੁਲਸ ਨੂੰ 50 ਟੀਕੇ ਮਿਲੇ ਹਨ। ਸੈਕਟਰ-39 ਥਾਣਾ ਪੁਲਸ ਨੇ ਅਰਸ਼ਦੀਪ ਕੌਰ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ। ਜਾਣਕਾਰੀ ਮੁਤਾਬਕ ਪੁਲਸ ਚੋਰੀ ਅਤੇ ਸਨੈਚਿੰਗ ਰੋਕਣ ਲਈ ਪੈਟਰੋਲਿੰਗ ਕਰ ਰਹੀ ਸੀ। ਜਦੋਂ ਟੀਮ ਸੈਕਟਰ 39ਏ/ਬੀ ਨੂੰ ਵੰਡਦੀ ਸੜਕ 'ਤੇ ਪੁੱਜੀ ਤਾਂ ਥੈਲਾ ਲੈ ਕੇ ਆ ਰਹੀ ਔਰਤ ਅਚਾਨਕ ਮੁੜ ਕੇ ਵਾਪਸ ਜਾਣ ਲੱਗੀ। ਪੁਲਸ ਟੀਮ ਨੂੰ ਔਰਤ 'ਤੇ ਸ਼ੱਕ ਹੋਇਆ ਅਤੇ ਉਸ ਨੂੰ ਥੋੜ੍ਹੀ ਦੂਰ ਜਾ ਕੇ ਮਹਿਲਾ ਕਾਂਸਟੇਬਲ ਦੀ ਮਦਦ ਨਾਲ ਫੜ੍ਹ ਲਿਆ ਗਿਆ।