ਜਦੋਂ CM ਮਾਨ ਦੀ ਪਤਨੀ ਨੇ ਸਨਮਪ੍ਰੀਤ ਭਿੰਡਰ ਦੇ ਵਿਆਹ ਮੌਕੇ ''ਸਾਲ਼ੀਆਂ ਦੇ ਨਾਕੇ'' ''ਤੇ ਕਟਵਾਇਆ ਰਿਬਨ...

ਲੁਧਿਆਣਾ (ਹਿਤੇਸ਼)- ਇੰਪਰੂਵਮੈਂਟ ਟਰੱਸਟ ਲੁਧਿਆਣਾ ਦੇ ਚੇਅਰਮੈਨ ਤਰਸੇਮ ਸਿੰਘ ਭਿੰਡਰ ਦੇ ਪੁੱਤਰ ਸਨਮਪ੍ਰੀਤ ਸਿੰਘ ਭਿੰਡਰ ਦੇ ਵਿਆਹ ਸਮਾਗਮ ਵਿੱਚ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਧਰਮਪਤਨੀ ਡਾ. ਗੁਰਪ੍ਰੀਤ ਕੌਰ ਮਾਨ ਨੇ ਸ਼ਿਰਕਤ ਕੀਤੀ।

ਉਨ੍ਹਾਂ ਭਿੰਡਰ ਪਰਿਵਾਰ ਨਾਲ ਗੂੜ੍ਹੀ ਅਪਣੱਤ ਦਿਖਾਉਂਦਿਆ ਰਿਬਨ ਕਟਵਾਉਣ ਲਈ ਲਗਾਏ ਗਏ ਸਾਲ਼ੀਆਂ ਦੇ ਨਾਕੇ 'ਤੇ ਖੜ੍ਹੇ ਹੋ ਕੇ ਰੀਬਨ ਕਟਵਾਇਆ। ਇਹੀ ਨਹੀਂ ਬਲਕਿ ਇਸ ਤੋਂ ਪਹਿਲਾਂ ਆਪਣੇ ਤਰੀਕੇ ਨਾਲ ਸਨਮਪ੍ਰੀਤ ਦਾ ਪੱਖ ਪੂਰਦਿਆਂ ਉਸ ਦੀਆਂ ਸਾਲ਼ੀਆਂ ਨਾਲ ਮਜ਼ਾਕੀਆ ਤਕਰਾਰ ਵੀ ਕੀਤੀ।

ਇਹ ਵੀ ਪੜ੍ਹੋ- CM ਮਾਨ ਦਾ ਵੱਡਾ ਐਲਾਨ ; ਸੂਬੇ ਦੇ 88 ਹਲਕਿਆਂ ਲਈ ਜਾਰੀ ਕੀਤੀ AAP ਦੇ ਨਵੇਂ ਚੇਅਰਮੈਨਾਂ ਦੀ ਲਿਸਟ

ਡਾ. ਗੁਰਪ੍ਰੀਤ ਕੌਰ ਦੇ ਅਜਿਹੇ ਪਿਆਰ ਭਰੇ ਵਿਵਹਾਰ ਨਾਲ ਜਿੱਥੇ ਸਾਰਾ ਮਾਹੌਲ ਖੁਸ਼ਨੁਮਾ ਹੋ ਗਿਆ, ਉੱਥੇ ਹੀ ਭਿੰਡਰ ਪਰਵਾਰ ਲਈ ਇਹ ਪਲ ਸਦੀਵੀ ਯਾਦਗਾਰ ਬਣ ਕੇ ਰਹਿ ਗਿਆ। ਭਿੰਡਰ ਨੇ ਡਾ. ਗੁਰਪ੍ਰੀਤ ਕੌਰ ਮਾਨ ਦਾ ਪਰਿਵਾਰ ਦੀਆਂ ਖੁਸ਼ੀਆਂ ਨੂੰ ਦੂਣੀਆਂ ਕਰਨ ਲਈ ਧੰਨਵਾਦ ਵੀ ਕੀਤਾ। 

ਡਾ. ਗੁਰਪ੍ਰੀਤ ਕੌਰ ਮਾਨ ਨੇ ਨਵ ਵਿਆਹੀ ਜੋੜੀ ਸਨਮਪ੍ਰੀਤ ਸਿੰਘ ਭਿੰਡਰ ਅਤੇ ਜਸਮੀਨ ਕੌਰ ਸਪੁੱਤਰੀ ਗੁਰਵਿੰਦਰ ਸਿੰਘ ਔਲਖ (ਮੋਗਾ) ਨੂੰ ਆਸ਼ੀਰਵਾਦ ਵੀ ਦਿੱਤਾ। ਇਸ ਮੌਕੇ ਪਰਮਵੀਰ ਸਿੰਘ, ਭੁਪਿੰਦਰ ਸਿੰਘ ਸੰਧੂ, ਸ਼ਰਨਜੀਤ ਸਿੰਘ ਢਿੱਲੋਂ, ਜਸਦੀਪ ਸਿੰਘ ਕਾਉਂਕੇ, ਹੈਰੀ ਸੰਧੂ, ਤਜਿੰਦਰ ਸਿੰਘ ਤਿੰਦੀ, ਸੰਨੀ ਬੇਦੀ, ਪਰਮਿੰਦਰ ਸੰਧੂ, ਭਰਪੂਰ ਸਿੰਘ, ਕੁਲਵਿੰਦਰ ਕਿੰਨੂ ਅਤੇ ਹੋਰ ਹਾਜ਼ਰ ਸਨ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e