ਭਿਆਨਕ ਹਾਦਸੇ ''ਚ ਜਲੰਧਰ ਦੇ 3 ਦੋਸਤਾਂ ਦੀ ਮੌਤ, ਗੁਰਜਿੰਦਰ ਸਿੰਘ ਦੀ ਅੱਜ ਸੀ ਕੈਨੇਡਾ ਦੀ ਫਲਾਈਟ

ਜਲੰਧਰ (ਵਰੁਣ)– ਹਰਿਆਣਾ ਦੇ ਮਹੇਂਦਰਗੜ੍ਹ 'ਚ ਨੈਸ਼ਨਲ ਹਾਈਵੇਅ 'ਤੇ 152ਡੀ 'ਤੇ ਸਕਾਰਪੀਓ ਕਾਰ ਨੇ ਟਰੱਕ ਨੂੰ ਟੱਕਰ ਮਾਰ ਦਿੱਤੀ। ਇਸ ਹਾਦਸੇ ਵਿਚ ਜਲੰਧਰ ਦੇ ਰਹਿਣ ਵਾਲੇ 3 ਦੋਸਤਾਂ ਦੀ ਮੌਤ ਹੋ ਗਈ ਅਤੇ ਇਕ ਜ਼ਖ਼ਮੀ ਹੋ ਗਿਆ. ਜਿਸ ਨੂੰ ਗੰਭੀਰ ਹਾਲਤ 'ਚ ਰੋਹਤਕ ਪੀ.ਜੀ.ਆਈ. ਰੈਫਰ ਕੀਤਾ ਗਿਆ ਹੈ। ਸਖ਼ਤ ਮਿਹਨਤ ਅਤੇ ਕੰਮ ਪ੍ਰਤੀ ਲਗਨ ਨੇ ਕਾਫੀ ਅਰਸੇ ਬਾਅਦ ਜਾ ਕੇ ਜੋ ਨਾਇਬ ਸਲਮਾਨੀ ਜੋ ਨਾਂ ਬਣਾਇਆ ਉਹ ਹਰਿਆਣਾ ਦੇ ਮਹੇਂਦਰਗੜ੍ਹ ਹਾਈਵੇ ’ਤੇ ਹੋਏ ਦਰਦਨਾਕ ਸੜਕ ਹਾਦਸੇ ’ਚ ਕੁਝ ਹੀ ਸੈਕੇਂਡ ’ਚ ਨਿਗਲ ਲਿਆ। ਪਹਿਲਾਂ ਨੌਕਰੀ ਫਿਰ ਖੁਦ ਦਾ ਸੈਲੂਨ ਅਤੇ ਨਵਾਂ ਸੈਲੂਨ ਬਣਾਉਣ ਦੀ ਤਿਆਰੀ ਕਰ ਰਹੇ ਨਾਇਬ ਦਾ ਕੋਈ ਹੀ ਸ਼ਹਿਰ ਦਾ ਯੰਗਸਟਰ ਹੋਵੇਗਾ ਜੋ ਉਸ ਨੂੰ ਨਹੀਂ ਜਾਣਦਾ ਹੋਵੇਗਾ।

ਇਹ ਖ਼ਬਰ ਵੀ ਪੜ੍ਹੋ - ਲੋਕਾਂ ਨਾਲ ਕੀਤਾ ਵਾਅਦਾ ਨਿਭਾਉਣਗੇ CM ਮਾਨ, ਚੋਣਾਂ ਤੋਂ ਪਹਿਲਾਂ ਕੀਤਾ ਸੀ ਐਲਾਨ

ਇਸੇ ਹਾਦਸੇ ’ਚ ਦਮ ਤੋੜਣ ਵਾਲੇ ਨਾਇਬ ਦੇ ਦੋਸਤ ਗੁਰਜਿੰਦਰ ਸਿੰਘ ਵਾਸੀ ਜੰਡੂਸਿੰਘਾ ਦੀ ਤਾਂ ਸੋਮਵਾਰ ਦੀ ਕੈਨੇਡਾ ਦੇ ਲਈ ਫਲਾਈਟ ਸੀ। ਜਿਵੇਂ ਹੀ ਐਤਵਾਰ ਸਵੇਰੇ ਇਸ ਹਾਦਸੇ ਦੀ ਖਬਰ ਜਲੰਧਰ ਪਹੁੰਚੀ ਤਾਂ ਨਾਇਬ ਨੂੰ ਜਾਣਨ ਵਾਲੇ ਸਾਰੇ ਨੌਜਵਾਨ ਅਤੇ ਲੋਕ ਮਾਯੂਸ ਹੋ ਗਏ। ਨਾਇਬ ਦੀ ਗੱਲ ਕਰੀਏ ਤਾਂ ਸਹਾਰਨਪੁਰ ਦਾ ਰਹਿਣ ਵਾਲਾ ਨਾਇਬ ਗੁਰੂ ਨਾਨਕ ਪੁਰਾ ’ਚ ਰਹਿੰਦਾ ਸੀ। ਉਹ ਦੋ ਭੈਣਾਂ ਦਾ ਇਕਲੌਤਾ ਭਰਾ ਸੀ। ਕੁਝ ਨਾਇਬ ਦਿਲਕੁਸ਼ਾ ਮਾਰਕੀਟ ਸਥਿਤ ਹੇਅਰ ਸੈਲੂਨ ’ਚ ਕੰਮ ਕਰਦੇ ਸਨ। ਸਖ਼ਤ ਮਿਹਨਤ ਕਰਕੇ, ਉਸਨੇ ਪੈਸੇ ਬਚਾਏ ਅਤੇ ਸ਼ਾਸਤਰੀ ਮਾਰਕੀਟ ’ਚ ਨਾਇਬ ਹੇਅਰ ਸੈਲੂਨ ਨਾਮ ਦਾ ਆਪਣਾ ਸੈਲੂਨ ਖੋਲ੍ਹਿਆ। ਉਸ ਨੇ ਆਪਣੇ ਤਜ਼ਰਬੇ ਨਾਲ ਲੋਕਾਂ ਦਾ ਦਿਲ ਜਿੱਤ ਲਿਆ ਅਤੇ ਜਲੰਧਰ ਦੇ ਜ਼ਿਆਦਾਤਰ ਨੌਜਵਾਨ ਨਾਇਬ ਹੇਅਰ ਸੈਲੂਨ ’ਚ ਜਾਣ ਲੱਗੇ। ਕੁਝ ਸਮੇਂ ਬਾਅਦ, ਇਹ ਹੇਅਰ ਸੈਲੂਨ ਮਾਰਕੀਟ ’ਚ ਇੱਕ ਬ੍ਰਾਂਡ ਬਣ ਗਿਆ ਸੀ। ਕੁਝ ਦਿਨ ਪਹਿਲਾਂ ਉਸ ਨੇ ਆਪਣੇ ਸੈਲੂਨ ਦੇ ਉਪਰਲੇ ਫਰਸ਼ ’ਤੇ ਇਕ ਦੁਕਾਨ ਖਰੀਦੀ ਸੀ, ਜਿਸ ’ਚ ਉਹ ਔਰਤਾਂ ਲਈ ਸੈਲੂਨ ਬਣਾਉਣਾ ਚਾਹੁੰਦਾ ਸੀ ਅਤੇ ਇਸ ਦਾ ਡਿਜ਼ਾਈਨ ਵੀ ਤਿਆਰ ਕਰ ਲਿਆ ਸੀ। ਨਾਇਬ ਦੀ ਮੌਤ ਨੇ ਸ਼ਹਿਰ ਦੇ ਨੌਜਵਾਨਾਂ ਤੋਂ ਲੈ ਕੇ ਉਸ ਦੇ ਹਰ ਇਕ ਗ੍ਰਾਹਕ ਨੂੰ ਝਿੰਜੋੜ ਕੇ ਰੱਖ ਦਿੱਤਾ। ਨਾਇਬ ਦੀ ਲਾਸ਼ ਨੂੰ ਮਹੇਂਦਰਗੜ੍ਹ ਦੇ ਸਿਵਲ ਹਸਪਤਾਲ ’ਚ ਰੱਖਿਆ ਗਿਆ ਹੈ। ਅੱਜ ਉਸ ਦੀ ਲਾਸ਼ ਉਥੋਂ ਲਿਜਾਇਆ ਜਾਵੇਗਾ।

ਗੁਰਜਿੰਦਰ ਦੇ ਘਰ ਖ਼ਬਰ ਦੇਣ ਗਏ ਤਾਂ ਕੈਨੇਡਾ ਦੀਆਂ ਤਿਆਰੀਆਂ ਵੀ ਹੋ ਚੁੱਕੀਆਂ ਸਨ ਪੂਰੀਆਂ

ਨਾਇਬ ਦੇ ਨਾਲ-ਨਾਲ ਉਸ ਦੇ ਦੋਸਤ ਅਜੇ ਵਾਸੀ ਕਰਤਾਰਪੁਰ ਅਤੇ ਗੁਰਜਿੰਦਰ ਸਿੰਘ ਵਾਸੀ ਜੰਡੂਸਿੰਘਾ ਦੀ ਵੀ ਮੌਤ ਦੀ ਖਬਰ ਪਹੁੰਚੀ ਜਦਕਿ ਇਕ ਹੋਰ ਨੌਜਵਾਨ ਜ਼ਖਮੀ ਦੱਸਿਆ ਗਿਆ। ਜਿਵੇਂ ਹੀ ਨਾਇਬ ਦੇ ਦੋਸਤ ਗੁਰਜਿੰਦਰ ਸਿੰਘ ਦੇ ਘਰ ਜੰਡੂਸਿੰਘਾ ਇਸ ਘਟਨਾ ਦੀ ਖਬਰ ਦੇਣ ਪਹੁੰਚੇ ਤਾਂ ਪਤਾ ਲੱਗਾ ਕਿ ਉਸ ਦੀ ਤਾਂ ਸੋਮਵਾਰ ਨੂੰ ਕੈਨੇਡਾ ਦੀ ਫਲਾਈਟ ਸੀ। ਉਸ ਦੀ ਸਾਰੀ ਪੈਕਿੰਗ ਵੀ ਹੋ ਚੁੱਕੀ ਸੀ। ਅਜੇ ਅਤੇ ਨਾਇਬ ਇਕੱਠੇ ਜਿੰਮ ਜਾਂਦੇ ਸਨ। ਅਕਸਰ ਅਜੇ ਨਾਇਬ ਦੇ ਨਾਲ ਹੀ ਹੁੰਦਾ ਸੀ ਅਤੇ ਉਸ ਦੇ ਸੈਲੂਨ ’ਚ ਵੀ ਉਸ ਨੂੰ ਮਿਲਣ ਦੇ ਲਈ ਆਉਂਦਾ ਰਹਿੰਦਾ ਸੀ।

ਇਹ ਖ਼ਬਰ ਵੀ ਪੜ੍ਹੋ - ਗੁਰਦੁਆਰਾ ਸਾਹਿਬ 'ਚ ਗ੍ਰੰਥੀ ਨੇ ਮਾਸੂਮ ਬੱਚੀਆਂ ਨਾਲ ਕੀਤਾ ਸ਼ਰਮਨਾਕ ਕਾਰਾ! ਹੈਰਾਨ ਕਰੇਗਾ ਪੂਰਾ ਮਾਮਲਾ

ਇਕ ਦੋਸਤ ਦਾ ਆਖਿਰ ’ਚ ਪ੍ਰੋਗਰਾਮ ਹੋਇਆ ਰੱਦ

ਨਾਇਬ ਦੇ ਦੋਸਤ ਅਰਪਣ ਨੇ ਦੱਸਿਆ ਕਿ ਅਜਮੇਰ ਜਾਣ ਲਈ ਨਾਇਬ ਨੇ ਉਸ ਨੂੰ ਵੀ ਫੋਨ ਕੀਤਾ ਸੀ। ਇਹ ਸ਼ਾਇਦ ਘੁੰਮਣ ਦੇ ਲਈ ਉਸ ਦਾ ਪਹਿਲੇ ਟ੍ਰਿਪ ਹੋਵੇਗਾ ਜਿਸ ’ਚ ਉਹ ਸੈਲੂਨ ਛੱਡ ਦੋ ਦਿਨ ਬਾਹਰ ਰਿਹਾ ਹੋਵੇ। ਅਰਪਣ ਨੇ ਕਿਹਾ ਕਿ ਪਹਿਲਾਂ ਤਾਂ ਉਸ ਨੇ ਹਾਂ ਕਰ ਦਿੱਤੀ ਪਰ ਬਾਅਦ ’ਚ ਘਰ ਵਾਲਿਆਂ ਜਾਣ ਤੋਂ ਮਨ੍ਹਾਂ ਕਰ ਦਿੱਤਾ ਕਿਉਂਕਿ ਉਸ ਦੇ ਆਫਿਸ ’ਚ ਲੱਕੜੀ ਦਾ ਕੰਮ ਹੋਣਾ ਸੀ। ਅਰਪਣ ਨੇ ਕਿਹਾ ਕਿ ਹੋ ਸਕਦਾ ਹੈ ਕਿ ਜੇਕਰ ਉਹ ਹੁੰਦਾ ਤਾਂ ਗੱਡੀ ਵੀ ਉਹੀ ਡਰਾਈਵਰ ਕਰ ਰਿਹਾ ਹੁੰਦਾ ਅਤੇ ਇਹ ਹਾਦਸਾ ਨਾ ਹੁੰਦਾ। ਅਰਪਣ ਨੇ ਵੀ ਕਿਹਾ ਕਿ ਉਸ ਅਜੇ ਤਕ ਭਰੋਸਾ ਨਹੀਂ ਹੋ ਰਿਹਾ ਹੈ ਕਿ ਨਾਇਬ ਹੁਣ ਇਸ ਦੁਨੀਆ ’ਚ ਨਹੀਂ ਰਿਹਾ। ਓਧਰ ਨਾਇਬ ਦੇ ਚੌਥੇ ਦੋਸਤ ਦੀ ਹਾਲਤ ਵੀ ਗੰਭੀਰ ਹੈ ਜਿਸ ਨੂੰ ਰੋਹਤਕ ’ਚ ਦਾਖਲ ਕਰਵਾਇਆ ਗਿਆ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8