ਬੇਟੀ ਦੀ ਹੱਤਿਆ ਦੀ ਖਬਰ ਸੁਣ ਕੇ ਮਾਂ ਦੇ ਹੋਏ ਰੌਂਗਟੇ ਖੜ੍ਹੇ

ਲੁਧਿਆਣਾ (ਤਰੁਣ)- ਕਰੀਬ 8  ਸਾਲ ਪਹਿਲਾਂ ਜੀਂਦ ਹਰਿਆਣਾ ਦੀ ਰਹਿਣ ਵਾਲੀ ਜੋਤੀ ਦਾ ਵਿਆਹ ਪਟਿਆਲਾ ਦੇ ਰਹਿਣ ਵਾਲੇ ਸੰਜੇ ਨਾਲ  ਹੋਇਆ  ਸੀ।  ਵਿਆਹ ਦੇ 7 ਸਾਲਾਂ ਤਕ ਸਭ ਕੁਝ ਠੀਕ ਠਾਕ ਸੀ। ਦੋਵਾਂ ਦੇ 3 ਸਾਲ ਦਾ ਬੇਟਾ ਨਿਤੇਸ਼ ਹੈ। ਇਹ ਕਹਿਣਾ ਹੈ ਜੋਤੀ ਦੀ ਮਾਂ ਸੁਨੀਤਾ ਰਾਣੀ ਦਾ। ਜਦ ਕਿ ਪੁਲਸ ਅਨੁਸਾਰ ਕਰੀਬ ਇਕ ਸਾਲ ਪਹਿਲਾਂ ਜੋਤੀ ਵਿੱਕੀ ਦੇ ਸੰਪਰਕ ’ਚ ਆਈ। ਦੋਵਾਂ ਦਾ ਵਿਅਾਹ ਤੋਂ ਬਾਅਦ ਅਫੇਅਰ ਸ਼ੁਰੂ ਹੋਇਆ। ਜਿਸ ਦੇ ਬਾਅਦ ਜੋਤੀ ਪਟਿਆਲਾ ਤੋਂ ਵਿੱਕੀ ਨਾਲ ਲੁਧਿਆਣਾ ਜਾ ਕੇ ਰਹਿਣ ਲੱਗੀ।
 ®ਕਰੀਬ 10 ਦਿਨ ਪਹਿਲਾਂ ਜੋਤੀ ਦੀ ਮਾਂ ਸੁਨੀਤਾ ਨੂੰ ਪਤਾ ਲੱਗਾ ਕਿ ਉਸ ਦੀ ਬੇਟੀ ਦੀ ਮੌਤ ਹੋ ਗਈ ਹੈ ਤੇ ਲੁਧਿਆਣਾ ’ਚ ਜੋਤੀ ਦਾ ਸਸਕਾਰ ਕਰ ਦਿੱਤਾ ਗਿਆ ਹੈ। ਬੇਟੀ ਦੀ ਮੌਤ ਦੀ ਖਬਰ ਸੁਣਦੇ ਹੀ ਉਸਦੇ ਰੌਂਗਟੇ ਖਡ਼੍ਹੇ ਹੋ ਗਏ ਤੇ ਉਹ ਆਪਣੇ ਬੇਟੇ ਨਾਲ ਲੁਧਿਆਣਾ ਦੇ ਥਾਣਾ ਡਵੀਜ਼ਨ ਨੰ. 3 ਪਹੁੰਚੀ। ਜਿਥੇ ਉਸ ਨੇ ਵਿੱਕੀ ਸਮੇਤ  ਸੰਜੇ ਤੇ ਸਹੁਰੇ ਧਿਰ ਖਿਲਾਫ ਹੱਤਿਆ ਦੇ ਸੰਗੀਨ ਦੋਸ਼ ਲਾਏ ਹਨ। ਇਹ ਸਾਰੀ ਗੱਲ ਸੁਨੀਤਾ ਨੇ ਮੋਬਾਇਲ ਰਾਹੀਂ ਮੀਡੀਆ ਨਾਲ ਸਾਂਝੀ ਕੀਤੀ।  ®ਥਾਣਾ ਇੰਚਾਰਜ ਕਮਲਦੀਪ ਸਿੰਘ ਨੇ ਦੱਸਿਆ ਕਿ ਜੋਤੀ ਦਾ ਵਿੱਕੀ ਨਾਲ ਅਫੇਅਰ ਸੀ। ਦੋਵਾਂ ’ਚ ਕਿਸੇ ਗੱਲ ਨੂੰ ਲੈ ਕੇ ਅਣ-ਬਣ ਹੋਈ ਸੀ। 21 ਅਪ੍ਰੈਲ ਨੂੰ ਵਿੱਕੀ ਨੇ ਗਊਸ਼ਾਲਾ ਰੋਡ ਸਥਿਤ ਸ਼ਮਸ਼ਾਨਘਾਟ ’ਚ ਜੋਤੀ ਦਾ ਸਸਕਾਰ ਕਰਵਾਇਆ ਹੈ, ਜਿਸ ਦਾ ਰਿਕਾਰਡ ਉਨ੍ਹਾਂ ਕੋਲ ਮੌਜੂਦ  ਹੈ। ਜੋਤੀ ਦੀ ਮਾਂ ਨੇ ਵਿੱਕੀ ਤੇ ਸਹੁਰੇ ਧਿਰ ਦੇ ਲੋਕਾਂ ’ਤੇ ਹੱਤਿਆ ਦੇ ਦੋਸ਼ ਲਾਏ ਹਨ। ਫਿਲਹਾਲ ਪੁਲਸ ਨੇ ਮੁੱਢਲੀ ਜਾਂਚ ’ਚ ਵਿੱਕੀ ਖਿਲਾਫ ਹੱਤਿਆ ਦੇ ਦੋਸ਼ ’ਚ ਕੇਸ ਦਰਜ ਕਰ ਲਿਆ ਹੈ। ਸੂਤਰਾਂ ਅਨੁਸਾਰ ਇਲਾਕਾ ਪੁਲਸ ਨੇ ਵਿੱਕੀ ਨੂੰ ਕਾਬੂ ਕਰ ਲਿਆ ਹੈ  ਤੇ ਉਸ  ਨੇ ਆਪਣਾ ਜੁਰਮ ਕਬੂਲ ਕਰ ਲਿਆ।
ਛੋਟੀ ਉਮਰ ’ਚ ਹੋਇਆ ਸੀ ਜੋਤੀ ਦਾ ਵਿਆਹ
ਸੁਨੀਤਾ ਰਾਣੀ ਵਿਧਵਾ ਹੈ। ਜਿਸ ਦੇ ਇਕ ਬੇਟਾ ਦੀਪਕ ਤੇ ਇਕ ਬੇਟੀ ਜੋਤੀ ਸੀ। ਜੋਤੀ ਦਾ ਛੋਟੀ ਉਮਰ ’ਚ ਵਿਆਹ ਹੋਇਆ ਸੀ। ਸੁਨੀਤਾ ਅਨੁਸਾਰ ਕਰੀਬ ਇਕ ਸਾਲ ਤੋਂ ਉਸ ਦੀ ਬੇਟੀ ਨਾਲ ਸਹੁਰੇ ਧਿਰ ਵੱਲੋਂ ਕੁੱਟ-ਮਾਰ ਕੀਤੀ ਜਾ ਰਹੀ ਸੀ। ਜਿਸ ਕਾਰਨ ਅਕਸਰ ਉਸ ਦੀ ਬੇਟੀ ਪ੍ਰੇਸ਼ਾਨ ਰਹਿੰਦੀ ਸੀ। ਮਾਂ ਨੂੰ ਇਸ ਗੱਲ ਦਾ ਦੁੱਖ ਨਾ ਹੋਵੇ ਇਸ ਲਈ ਜੋਤੀ ਸਾਰੀਆਂ ਗੱਲਾਂ ਛੁਪਾਉਣ ਲੱਗੀ ਸੀ। ਸੁਨੀਤਾ ਦਾ ਦੋਸ਼ ਹੈ ਕਿ ਸਹੁਰੇ ਧਿਰ ਦੇ ਲੋਕਾਂ ਨੇ ਉਸ ਦੀ ਬੇਟੀ ਨੂੰ ਕੁੱਟ-ਮਾਰ ਕਰ ਕੇ ਘਰੋਂ ਕੱਢਿਆ ਹੈ। ਬੇਟੀ ਦੇ ਅਫੇਅਰ ਦੀ ਗੱਲ ਨੂੰ ਉਨ੍ਹਾਂ ਨੇ ਸਿਰੇ ਤੋਂ ਨਕਾਰ ਦਿੱਤਾ ਹੈ।

 ਦਿਓਰ ਨਾਲ ਹੋਇਆ ਅਫੇਅਰ
 ਥਾਣਾ ਇੰਚਾਰਜ ਕਮਲਦੀਪ ਸਿੰਘ ਨੇ ਦੱਸਿਆ ਕਿ ਵਿੱਕੀ ਸੰਜੇ ਦੀ ਭੂਆ ਦਾ ਲਡ਼ਕਾ ਹੈ। ਜਿਸ ਦਾ ਜੋਤੀ ਨਾਲ ਅਫੇਅਰ ਹੋਇਆ ਸੀ। ਵਿੱਕੀ ਸ਼ਾਦੀਸ਼ੁਦਾ ਹੈ, ਜਿਸ ਦੇ ਦੋ ਬੱਚੇ ਹਨ। ਰਿਸ਼ਤੇ ਵਿਚ ਵਿੱਕੀ ਜੋਤੀ ਦਾ ਦਿਓਰ ਹੈ।