ਰੂਪਨਗਰ ਵਿਖੇ ਯੂਕੋ ਬੈਂਕ ’ਚ ਲੱਗੀ ਅਚਾਨਕ ਅੱਗ, ਪਈਆਂ ਭਾਜੜਾਂ
Wednesday, Jun 09, 2021 - 03:05 PM (IST)
ਰੂਪਨਗਰ (ਵਰੁਣ)— ਰੂਪਨਗਰ ਦੇ ਮੋਰਿੰਡਾ ਸ਼ਹਿਰ ਵਿਚ ਯੂਕੋ ਬੈਂਕ ਦੀ ਬਰਾਂਚ ਨੂੰ ਅਚਾਨਕ ਅੱਗ ਲੱਗਣ ਦੀ ਸੂਚਨਾ ਮਿਲੀ ਹੈ। ਹਾਲਾਂਕਿ ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ। ਅੱਗ ਲੱਗਣ ਦੇ ਕਾਰਨ ਬੈਂਕ ਵਿਚ ਮੌਜੂਦ ਏ. ਸੀ. ਅਤੇ ਫਰਨੀਚਰ ਸਮੇਤ ਹੋਰ ਜ਼ਰੂਰੀ ਕਾਗਜ਼ਾਤ ਸੜ ਕੇ ਸੁਆਹ ਹੋ ਗਏ।
ਬੈਂਕ ’ਚੋਂ ਧੂੰਆਂ ਨਿਕਲਦੇ ਵੇਖ ਨੇੜੇ ਦੇ ਲੋਕਾਂ ਨੇ ਫਾਇਰ ਬਿ੍ਰਗੇਡ ਨੂੰ ਸੂਚਿਤ ਕੀਤਾ ਅਤੇ ਅੱਗ ’ਤੇ ਕਾਬੂ ਪਾਇਆ। ਮੌਕੇ ’ਤੇ ਪਹੁੰਚੀ ਪੁਲਸ ਵੱਲੋਂ ਘਟਨਾ ਦਾ ਜਾਇਜ਼ਾ ਲਿਆ ਗਿਆ। ਮੌਕੇ ’ਤੇ ਪੁਲਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
